撒母耳記上 17章1節 到 17章11節   背景資料  上一筆  下一筆
Tùi chit章開始直到第十八章5節止,lóng是teh描述大衛kah非利士軍隊ê代表歌利亞之間相刣ê經過kah結果。Chit段經文是由兩種無仝ê資料傳承編織做伙,mā因為是來自無仝ê資料,因為án-ne,tī第十六章記載先知撒母耳已經膏立大衛來替接掃羅,而且掃羅mā已經徵召大衛入王宮成做伊帶兵器ê侍衛官,並且成做治療伊身上疾病ê「樂官」。M̄-koh tī第十七章soah講掃羅完全m̄-bat大衛,甚至連聽都無聽過chit-ê名,iáu連續兩pái詢問大衛是甚麼人,想beh明白伊ê身分(參考十七:55—56、58)。Thang瞭解:比較晚期資料認為大衛是一個顧羊人,無受過特別訓練,尤其是對作戰差不多是無經驗,m̄-koh凸顯出伊有智慧kah勇氣。無論是早期á是晚期資料,作者beh呈現一幅圖畫:大衛是一個有智慧kah勇氣ê君王。Chit種智慧kah勇氣,tú好說明有上帝kah大衛同在ê證據。

Chit段經文是屬tī比較早期ê資料。作者tī chia先紹介hō͘以色列人民看tio̍h就膽戰心驚ê巨人歌利亞,伊代表非利士人出來pái頭陣,向以色列人民挑釁,並hō͘以色列ê軍人lóng驚惶失色。

第1到3節,chia講非利士人軍隊聚集tī「梭哥城」,這是設tī伯利恆以西約二十四公里ê所在(參考歷代志下廿八:18),靠近非利士人ê邊界,屬tī山丘城鎮(參考約書亞記十五:35),意思是teh指非利士人已經侵入以色列人ê領土à。因為án-ne,掃羅率領軍隊聚集tī「以拉谷」,表示兩軍距離非常接近,大約kan-taⁿ有六、七公里,有一觸to̍h是發之勢。

第4到7節,chit段經文紹介身高有三公尺ê巨人歌利亞,是「迦特」城ê人。「迦特」是非利士人五個城鎮之一,另四個是用革倫、亞實突、亞實基倫、迦薩等。迦特是屬tī內陸城市。歌利亞確實是一個超過chhōe常ê巨人,伊ē-tàng穿上重達「五十七公斤ê銅鎧甲」,單是án-ne ê重量,穿tī大衛身上,就會hō͘伊透不過氣來(參考撒母耳記上十七:38—39)。另外iáu koh khah加頂面盔,腿部ê護甲,手上iáu koh khah the̍h-tio̍h重達「七公斤」ê槍矛等,chiah-ê lóng tī說明歌利亞確實是異tī常人。若是伊teh代表非利士人軍隊,mā teh說明有真chē非利士軍人,lóng像歌利亞仝款強壯、有力,絕非以色列ê軍人thang比。

第8到10節,chit段經文描寫巨人歌利亞對以色列人挑釁,並且講家己ē-tàng代表非利士人。如果伊phah輸了,就teh代表全部非利士人lóng輸;若是以色列軍隊派出ê代表輸了,就是全體以色列軍隊phah輸。Á古代戰爭中,輸ê一方,就等於是輸了所有ê一切,會成做奴隸。

第11節,歌利亞ê挑釁hō͘掃羅kah伊ê軍隊lóng感覺驚惶失措,非常驚惶。

重新查詢 專卷研經 撒母耳記上系列
錯誤回報,請聯繫