撒母耳記上 1章9節 到 1章18節   背景資料  上一筆  下一筆
Chit段經文描述哈娜無停地為家己所受ê委屈向上帝祈禱,而且伊ê祈禱非常特別,並m̄是beh擁有kiáⁿ,卻是祈求上帝賞賜hō͘伊kiáⁿ,只要ē-tàng生gín-á,伊就beh kā kiáⁿ「獻hō͘」上帝,mā就是「iáu」hō͘上帝。

第9到11節,ná親像第7節所記載,每年重大節期去示羅獻祭ê時,tú-tio̍h ê情景lóng仝款,因為無生育,每pái獻祭後teh食飯ê時,比尼娜lóng會嘲(sau)笑哈娜,滿腹肚委屈ê哈娜lóng會艱苦心到痛哭,而這是引起祭司以利ê注意。哈娜ê祈禱真清楚,請上帝賞賜hō͘伊kiáⁿ,只要伊ē-tàng生kiáⁿ,伊就beh kā kiáⁿ獻hō͘上帝。Chia講哈娜ài kā kiáⁿ「一世人不剃頭毛」,這是teh指beh hō͘ chit-ê gín-á成做「離俗人」(指「拿細耳人」、「分別為聖」ê意思,參考民數記六:5)。伊會án-ne祈禱,是因為伊真清楚,只要ē-tàng生kiáⁿ就bē有人譏笑伊。

第12到14節,「哈娜無停地向上主祈禱」,這是因為伊清楚知影性命是tùi上帝來ê賞賜,這mā是聖經一再強調ê(參考創世記三十:2)。M̄-koh因為伊ê祈禱無出聲,致使祭司以利認為伊是lim醉酒,反tńg beh勸勉伊mài lim siuⁿ chē。

第15到16節,哈娜mā無解釋伊teh祈禱甚麼,只向祭司以利講述家己心內ê苦悶、悲傷。因為án-ne,是teh向上帝傾訴家己心內ê痛苦,kah祭司以利所瞭解ê無仝。

第17到18節,當祭司以利知影哈娜是心內有極大痛苦而向上帝傾訴到流目屎ê時,伊隨時祝福哈娜。Á哈娜mā因為得tio̍h大祭司以利ê祝福,認為hit種ê祝福必定會得tio̍h上帝ê注意聽。因為án-ne,開始食物件無koh悲愁。

重新查詢 專卷研經 撒母耳記上系列
錯誤回報,請聯繫