歷代志上 7章14節 到 7章19節   背景資料  上一筆  下一筆
Chit段經文是記載瑪拿西支族ê族譜。Chit份族譜thang參考民數記第廿六章29到34節,以及約書亞記第十七章1到3節。

值得注意ê,是chit支族被分做兩部分,一是tī約旦河東岸,kā它稱做東瑪拿西支族;另外一個是tī約旦河西岸,kā它稱做西瑪拿西支族。而且tī歷代志上第五章23到24節mā有記載東瑪拿西支族ê族譜。因為án-ne,chia ê族譜應該是只有西瑪拿西族譜ê。

第14到15節,chia非常特別,一開始就講「瑪拿西ê細姨」生兩個kiáⁿ。這已經teh暗示,tī東瑪拿西支族是bó͘所生ê kiáⁿ孫,而tī約旦河西邊ê瑪拿西支族則由細姨所生ê kiáⁿ孫傳承落來。Á繼續寫落來族譜是tùi第二kiáⁿ瑪吉,m̄是tùi大kiáⁿ亞斯列。

Tī第15節特別有兩件事tio̍h注意,就是提起瑪吉「hō͘戶品kah冊品各娶一個bó͘」,這讀起來真清楚,伊是為kiáⁿ娶新婦。Tī希伯來文聖經mā是án-ne。M̄-koh tī有ê翻譯本,lóng是用瑪吉娶bó͘叫瑪迦。

另外一點,就是chit節記載「瑪吉ê第二kiáⁿ西羅非哈。西羅非哈只有cha-bó͘-kiáⁿ。」chit句話mā為民數記第廿七章1到11節,以及第三十六章有關繼承財產ê問題連結起來。

第16到17節,chia記載瑪吉ê kiáⁿ孫,mā lóng是基列ê kiáⁿ孫,回應了第14節所提起ê「瑪吉生基列」,而瑪吉是瑪拿西ê kiáⁿ,因為án-ne,基列就是瑪拿西ê孫á。

第16到19節,chia特別提起「基列ê小妹哈摩利吉」生落來ê kiáⁿ孫。M̄-koh,聖經中無關係哈摩利吉ê任何資料。

重新查詢 專卷研經 歷代志上系列
錯誤回報,請聯繫