歷代志上 4章11節 到 4章23節   背景資料  上一筆  下一筆
這是另外一份猶大家族ê族譜。Tī chit份族譜中ê 14節thang看tio̍h「匠人谷」ê名稱,其實就是kah今á日ê「同業公會」意思仝款。

第11到12節,chia提起基綠ê kiáⁿ孫。伊ê kiáⁿ孫中有一個提欣拿 ê,是開創「拿轄城」ê人。

第13到14節,提起基納斯ê kiáⁿ孫。大kiáⁿ俄陀聶,伊是第一位士師(參考士師記一:13、三:9—11),tī以色列中享受極高ê榮譽。Á約押則「匠人谷」ê開創人,伊集合了所有ê匠人同齊,真有現代化ê思維。

第15節,chia提起耶孚尼ê迦勒,伊是猶大支族派出去勘查迦南地ê勇士(參考民數記十三:5),就是伊kah約書亞兩人主張tio̍h進兵迦南地。結果tùi埃及出來ê人中間,只有in兩人達tio̍h願望地進入迦南地,其餘ê人lóng死tī曠野(參考約書亞記十四:30)。

第16到20節,chit份族譜應該是屬tī受掠chìn前ê。特別提起真chē城市ê開拓者,包括有益巴建立ê「以實提摩城」,雅列開拓「基多城」,希伯開創「梭哥城」,耶古鐵開創「撒挪亞城」等。

第21到23節,chia特別提起示拉chit-ê宗族ê後代。Tùi chit段族譜mā看出早期中東地帶ê社會型態,就是m̄-nā會以家族kah地域關係形成一個社區,mā會匯集仝款技能者形成一個社區。Ná親像第14節提起ê「匠人谷」仝款。Tī chit段經文中,有出現「伯‧亞實比城芝麻紗ê宗族」,這已經講出hit-ê城就是一個紡織業ê城市。Á tī第23節,則講出燒窯業者就會khiā起tī靠近土礦區域,自然tek就會形成一個特區。古早時án-ne,現今ê社會mā不例外,就ná親像工業區、礦區等等。

重新查詢 專卷研經 歷代志上系列
錯誤回報,請聯繫