歷代志上 2章18節 到 2章24節 背景資料 上一筆 下一筆 |
Chit段經文是有關迦勒ê kiáⁿ孫之族譜,m̄-koh mā夾tio̍h in父親希斯崙ê另外一部分族譜。 第18到20節,chia siōng重要ê族譜名單中,就是beh紹介比撒列,伊就是hō͘上帝ê靈充滿,聰明koh有才智、技巧,ē-tàng做各種工藝,因為án-ne,tī伊ê主導下,摩西時代聖幕ê建造就是出tī伊ê傑作(參考出埃及記第三十一:1—11)。Mā因為án-ne,比撒列ê祖先迦勒就tī族譜中佔有極大位置(參考第42到55節)。 第21到24節,chit段經文koh一pái提起希斯崙tī六十歲ê時koh娶一個bó͘。非常重要ê一項,就是tī chia提起希斯崙有一個孫á睚珥,講伊bat tī基列境內統治過「二十三座城」,ē-sái講是對照士師記第十章4節ê記載,是統治三十座城,甚至城市ê名mā是用睚珥號名。 |