歷代志上 2章9節 到 2章17節 背景資料 上一筆 下一筆 |
Chit段經文是關係大衛家族ê族譜,而且tùi希斯崙開始講起。 第9到12節,chia講希斯崙是法勒斯ê kiáⁿ,伊有三個kiáⁿ,其中有一位蘭,而tùi chit-ê蘭到耶西,chit份族譜可能就是出tī路得記第四章18到22節ê資料。耶西就是大衛ê老父。 第13到17節,chit段經文thang看tio̍h耶西有七個kiáⁿ,其中大衛是siōng小ê一個。另外有兩個cha-bó͘-kiáⁿ,其中一位洗璐雅,伊是約押、亞比篩、亞撒烏ê母親。伊ê chit三個kiáⁿ lóng是大衛身邊ê左右大將,特別是約押。M̄-koh tī大衛臨終前特別交帶所羅門,一定bē-tàng hō͘約押「善終」,因為伊殺害無辜ê性命,卻hō͘大衛承受痛苦(參考列王記上二:5—6)。Á第17節ê亞瑪撒原本mā是大衛ê外甥,大衛bat派伊取代約押擔任大元帥,結果卻被約押利用機會殺害(參考撒母耳記下十九:13、二十:9—10)。 |