歷代志上 18章1節 到 18章8節   背景資料  上一筆  下一筆
Tùi第十八章到第二十章,lóng是記載大衛tī戰事上ê功績。主要是teh說明上帝kah伊同在,hō͘大衛有夠額ê氣力擴展疆域,mā hō͘敵人臣服tī伊ê統治下。其中包括摩押人、以東人以及敘利亞人。

Chit段經文是描述大衛koh一pái phah敗非利士人,mā降服了敘利亞。

第1到2節,大衛攻打迦特城,chit-ê城mā是過去tī大衛逃避掃羅追緝ê時bat收留過伊ê城(參考撒母耳記上第廿七章)。大衛為甚麼beh攻打hit-ê城?chia並無交帶。同時,大衛mā phah敗摩押人,hō͘ in lóng來進貢。

第3到4節,大衛koh去攻打敘利亞,原因是敘利亞王哈大底謝想beh擴張領土,被大衛phah敗,結果hō͘大衛擄獲了真chē戰利品,包括戰車一千輛、騎兵七千人、步兵兩萬人。M̄-koh大衛只有留落來夠額拉一百輛戰車ê馬匹。

第5到8節,tī chit段經文中,描寫大衛m̄-nā是phah敗敘利亞,而且iáu派兵駐在敘利亞,管理敘利亞。伊mā搜刮了敘利亞軍官所the̍h ê「金盾牌」,並且tùi敘利亞王哈大底謝處搜取到koh-khah chē ê銅,後來chiah-ê銅lóng用tī鑄造聖殿ê器皿。

重新查詢 專卷研經 歷代志上系列
錯誤回報,請聯繫