歷代志上 17章1節 到 17章15節   背景資料  上一筆  下一筆
Chit章主要記載兩件事:一是有關大衛一再表示想beh為上帝建造敬拜ê聖殿,m̄-koh上帝差派先知拿單去阻止伊(第1到15節)。二是大衛向上帝獻上感恩ê祈禱,並求上帝鞏固伊ê王權(第16到27節)。

Chit段經文ē-sái講是以色列王國歷史siōng重要ê一段,因為chit段經文明確指出:以色列ê君王kā tùi án-ne由揀選成做世襲(第11到12節)。以色列siōng偉大ê君王就是大衛,因為伊一直是上帝忠實ê奴僕(第8節)。Á大衛ê王朝會成做以色列王國ê正統。Koh khah重要ê是chit段上帝ê應允中,已經透露一個非常重要ê訊息:永續ê王朝,遠比建造聖殿來得重要。無永續ê王朝,聖殿mā kā無法度保存,án-ne m̄-nā無法度榮耀上帝ê名,顛倒,會成做敵人譏笑ê話柄。

第1到2節,ná親像beh出兵去phah敵人chit種重大ê事仝款,大衛lóng會先透過先知詢問上帝ê旨意。chit-má伊chhōe先知拿單來,向先知拿單表明家己心內所想ê事,就是想beh為上帝建造一座安置約櫃ê聖殿。因為伊家己khiā起真堂皇ê王宮,心內感覺不安。先知拿單顯然是iáu無求問上帝ê意見,就直接回答大衛王講:「你想beh做甚麼就做pah!因為上帝kah你同在。」

第3到6節,m̄-koh上帝並無同意拿單對大衛王講ê話。上帝beh拿單去kā大衛王講,自從以色列離開埃及tī曠野流浪ê時chūn,上帝就一直tòa tī帳棚裡,陪tio̍h以色列人民四界遷徙。而且上帝mā m̄-bat ài任何一個以色列領袖為祂建造殿宇。

第7到8節,上帝揀選大衛出來當以色列王,並且保證無論伊gōa chē,上帝lóng會kah伊同在,beh hō͘伊成做siōng偉大ê王。

第9到11節,chit三節非常重要,因為chia真清楚表示tī大衛死後,上帝會tùi大衛ê kiáⁿ中間選出一個人來續接伊做王,統治以色列。這已經teh表明tùi án-ne了後,以色列ê王就無koh是由上帝親自揀選膏立,卻是開始世襲制度。有關chit方面ê詳細記事,thang參考列王記上第一到二章。

第12到15節,chit段經文真清楚表示,大衛ê kiáⁿ孫會永遠成做以色列ê統治者。M̄-koh實際上tī所羅門死後,以色列國由所羅門ê kiáⁿ耶羅波安繼任後無久,就發生王國分裂做做為兩個國家,有北部支族組成ê以色列國kah南國猶大。因為án-ne,用猶大家族繼續統治ê範圍,tī羅波安繼位了後,因為北部支族脫離而去,伊所統治ê版圖便大幅縮小。

重新查詢 專卷研經 歷代志上系列
錯誤回報,請聯繫