歷代志上 12章23節 到 12章40節   背景資料  上一筆  下一筆
Chit段經文記載大衛iáu tī希伯崙ê時chūn,ná親像頭前所描述ê,真chē非常優秀ê軍官、領導人才lóng紛紛來投靠大衛,mā因為án-ne壯大ê大衛ê聲勢kah實力。

第23到37節,chia講出來幫助大衛取代掃羅王統治以色列功臣,其實包含十二支族lóng有人來加入,而來投靠tī大衛行列ê chiah-ê人,lóng是「受過訓練ê戰士」。Chia列出了十二支族來投靠大衛陣營ê名單kah數目,共計投靠者就chē kah十二萬人,而且chiah-ê人lóng是受過訓練,ē-tàng使用各種武器ê人。換句話講,大衛已經有一支堅強ê軍隊,無論是beh攻擊tó一個族群,lóng m̄是問題à。

值得注意ê是來投靠者,m̄-nā有利未支族ê人,而且iáu包括祭司族群,有亞倫kiáⁿ孫,mā有撒督kiáⁿ孫。另外,雖然頭前有兩pái提起便雅憫ê人來投靠,m̄-koh chia特別強調,便雅憫支族ê人大部分lóng是支持掃羅ê。

比較特別ê所在是提起「但」支族、「亞設」支族,以及約旦河東岸ê三個支派lóng有相當chē ê投靠者,表示大衛m̄-nā tī家己ê猶大族群得tio̍h支持,koh tī其他支族中lóng得tio̍h有力ê支援。

第38到40節,chit段經文說明大衛ê部隊實力m̄-nā強,koh khah重要ê是大衛深獲民心,因為án-ne,chiah-ê部隊所需要ê一切,lóng是來自各支族ê人提供chit支強大部隊ê軍需用品,特別提起以薩迦、西布倫、拿弗他利等提供ê補給非常充分。Chit種態勢看起來,就是已經teh宣告大衛就是全以色列十二支族ê王。

歷代志作者ê重點,就是大衛王朝ê興旺,是因為大多數支持伊ê人,lóng是心無二意ê人,in團結一致支持大衛。Chit點to̍h是上帝恩待大衛ê主要原因。

重新查詢 專卷研經 歷代志上系列
錯誤回報,請聯繫