以西結書 41章1節 到 41章4節 背景資料 上一筆 下一筆 |
Tùi第四十章47節開始到第四十一章,lóng是kah聖殿內部有關ê記事。Ná親像所羅門王建造ê聖殿仝款,分做三個部分,包含門廊、門廳,以及siōng聖潔ê所在,就是獻祭ê祭司院所在。 Chit段經文是繼續第四十章47到49節所提起ê聖殿內院部分。 第1到2節,「聖所」,這是teh指設tī內院ê聖殿部分。Kui個聖所ê「長」是「二十公尺」,而「闊」是「十公尺」,這thang清楚看出聖所是長方形ê。 第3到4節,「內院」,這是teh指「至聖所」ê所在,he是一處「十公尺正方」ê場所。Mā是以色列人民認為siōng-kài神聖ê所在。入口ê所在,有兩條「牆柱」,m̄-koh並無精美ê雕刻。Mā thang看出先知以西結異象中所看見ê聖殿,已經無koh是精雕細琢ê建築,卻是樸素ê建築,m̄-koh卻擁有真誠ê心靈,án-ne chiah是siōng重要ê。 |