創世記 17章15節 到 17章22節     上一筆  下一筆
18.第十七章15到22節:
Chit段經文是kah撒拉會有娠生kiáⁿ有密切關係,mā是teh回應第1節上帝對亞伯拉罕所講ê,祂是一個全能ê上帝。

Ná親像第5節上帝改了亞伯蘭ê名字為亞伯拉罕,chit-má第15節提起上帝改了撒拉ê名字為「撒拉」,其實chit兩個名字ê意思lóng是仝款,指ê是「公主」á是「王妃」ê意思。因為亞伯拉罕是萬國之父,撒拉就有王后ê含意。

第16節特別提起上帝beh「賜福」hō͘撒拉,ná親像頭前所提起過ê,賜福表明ê就是有性命力,mā teh表示有延續性命、生育性命ê意思。

第17到18節,當上帝kā亞伯拉罕講chit件事時,伊ê態度是懷疑ê,伊「偷笑」tī心底,伊tùi過去beh hō͘家己ê僕人來便利以謝繼承家族,chit-má伊認為以實瑪利kāthang做伊ê繼承人,雖然是tùi婢女夏甲得tio̍h ê,mā算是伊親生ê。M̄-koh全能ê上帝清楚知影亞伯拉罕ê心思意念。

第19到22節,上帝koh一pái向亞伯拉罕確定講,撒拉一定會為伊生落來一個kiáⁿ,而且名字mā是由上帝命名,叫作「以撒」,意思是teh指亞伯拉罕「笑笑á」。以實瑪利mā是由上帝命名,chit-má以撒mā是由上帝親自命名,這lóng teh表示kah上帝之間有bē-tàng分開ê關係。

第19 kah 21節,上帝清楚表明beh堅守kah亞伯拉罕之間所立ê約,這約就是賞賜hō͘亞伯拉罕多子多孫,mā tio̍h賞賜hō͘伊迦南地作為後代kiáⁿ孫khiā起ê所在。

第20節,chit節表明上帝並無疏忽以實瑪利,而且kā賜福以實瑪利有chē kah「十二個kiáⁿ兒」,而且每一個kiáⁿ兒êkiáⁿ孫lóngkā成做部落、族群ê領導者。

第22節,是回應第1節所提起ê,上帝親自顯chit-má亞伯拉罕面前,祂kā chit重大信息傳hō͘亞伯拉罕了後,就tńg來到天頂去。這mā說明上帝kah亞伯拉罕之間有特別密切ê關係,chiah ē-tàng親自面對面見tio̍h上帝。

重新查詢 專卷研經 創世記系列
錯誤回報,請聯繫