| 章节 | 全民台语圣经汉罗经文 | 注释 |
| 44:1 | 上主是唯一ê上帝上主讲：我ê奴仆雅各，我所拣ê以色列，taⁿ你tio̍h听。 | 注释 串珠 卢俊义 康来昌 原文 典藏 |
| 44:2 | 造成你koh tùi胎里造就你，mā beh帮赞你ê上主ánne讲：我ê奴仆雅各，我所拣ê耶书仑，m̄免惊。 | 注释 串珠 卢俊义 康来昌 原文 典藏 |
| 44:3 | 因为我beh kā水piàⁿ hō͘嘴干ê人，用河水灌ak干地。我beh kā我ê神降落tī你ê kiáⁿ孙，kā我ê福气降落tī你ê后代。 | 注释 串珠 卢俊义 康来昌 原文 典藏 |
| 44:4 | Inē亲像水中teh生长ê青草，亲像溪边ê柳树。 | 注释 串珠 卢俊义 康来昌 字典 原文 典藏 |
| 44:5 | Chitê beh讲：我是属上主ê；hitê beh用雅各ê名kakī 称呼，koh有chitê beh亲手写：归tī上主ê，mā beh用以色列ê名称呼kakī 。 | 注释 串珠 卢俊义 康来昌 原文 典藏 |
| 44:6 | 上主，以色列ê王，救赎ê主—万军ê上主ánne讲：我是起头ê，我是路尾ê；我以外无有真神。 | 注释 串珠 卢俊义 康来昌 原文 典藏 |
| 44:7 | Tùi我设立古早ê人民hit时起，啥人亲像我ē tàng宣告，ē tàng讲明，ē tàng预言？叫伊kā将来ê tāichì kah beh成ê tāichì讲明！ | 注释 串珠 卢俊义 康来昌 原文 典藏 |
| 44:8 | Lín m̄免懔，mā m̄免惊；我kám m̄是tùi古早to̍h讲明，kā你指示？Koh有lín是我ê见证！我以外kám有别个真神？实在无koh有其它ê石磐，我m̄ bat有别个。 | 注释 串珠 卢俊义 康来昌 原文 典藏 |
| 44:9 | 虚假ê偶像雕刻偶像ê人全部lóng是空虚；in所欢喜ê lóng无利益；in ê见证人无看tio̍h，mā m̄知半项，致使hō͘ in见笑。 | 注释 串珠 卢俊义 康来昌 字典 原文 典藏 |
| 44:10 | 啥人制造神佛，铸造无利益ê偶像？ | 注释 串珠 卢俊义 康来昌 字典 原文 典藏 |
| 44:11 | 你看，伊ê同伴lóng ē见笑。工匠不过是人，chhut-chāi in聚会，chhut-chāi in khiā ・leh；in lóng ē惊惶，做伙见笑。 | 注释 串珠 卢俊义 康来昌 原文 典藏 |
| 44:12 | 铁匠造斧头，用火炭锻炼，用槌kā它phah，用伊有力ê手来捶，致使腹肚iau无力；无lim水来厌倦。 | 注释 串珠 卢俊义 康来昌 字典 原文 典藏 |
| 44:13 | 木匠牵绳线，用笔来画，用利刀来刻，用圆尺画模，仿人ê形，做亲像人ê súi，hō͘它tiàm tī厝内。 | 注释 串珠 卢俊义 康来昌 字典 原文 典藏 |
| 44:14 | 伊锉柏香树，koh取栗树kah橡树。伊tī树林内拣定tio̍h一欉，á是栽种榕树，得tio̍h雨水灌ak大欉。 | 注释 串珠 卢俊义 康来昌 字典 原文 典藏 |
| 44:15 | Chit款树，人用来hiâⁿ火烘烧，koh烧来煏饼，mā妆神佛来跪拜， koh刻偶像来磕（kha̍p）头拜。 | 注释 串珠 卢俊义 康来昌 字典 原文 典藏 |
| 44:16 | 伊用一份烧tī火里，用一份煮肉来食，煏肉来食饱，koh kakī 烘烧讲：「Ah-hah，我烘烧ā，我见tio̍h火à。」 | 注释 串珠 卢俊义 康来昌 原文 典藏 |
| 44:17 | 伊用chhun落来ê妆一sian神佛，to̍h是雕刻ê偶像。伊仆落来kā它拜，对它祈祷讲：「求你救我，因为你是我ê神明。」 | 注释 串珠 卢俊义 康来昌 字典 原文 典藏 |
| 44:18 | In m̄知，mā bē晓想，因为伊糊in ê目chiu ，hō͘ in 看bē tio̍h；塞密in ê心，hō͘ in bē明白。 | 注释 串珠 卢俊义 康来昌 原文 典藏 |
| 44:19 | 无人明白，mā无智识，无聪明，bē晓讲：「我bat the̍h一份tī火里烧，tī火炭顶煏饼，烧肉来食；chitê chhun落来ê，我kám thang做可恶ê物？我kám thang对柴头磕拜？」 | 注释 串珠 卢俊义 康来昌 字典 原文 典藏 |
| 44:20 | 伊用火灰做食物，伊ê心昏迷，hō͘伊偏斜，伊bē tàng kakī 救，mā bē tàng讲：「我ê正手内kám m̄是有白贼？」 | 注释 串珠 卢俊义 康来昌 原文 典藏 |
| 44:21 | 上主是创造ê主宰上主讲：雅各，以色列，因为你是我ê奴仆，tio̍h ē记得chiahê tāichì；以色列，你是我ê奴仆，我造就你，一定无bē记得你。 | 注释 串珠 卢俊义 康来昌 原文 典藏 |
| 44:22 | 我擦消你ê过失，亲像密云消散；我擦消你ê罪恶，亲像薄云消失去。你tio̍h归向我，因为我救赎你。 | 注释 串珠 卢俊义 康来昌 原文 典藏 |
| 44:23 | Chiahê天，应该tio̍h唱歌，因为上主已经kā它做成。地ê深ê所在，应该出欢喜ê声；chiahê山应该出声唱歌；树林kah其中所有ê树lóng tio̍h ánne。因为上主有救赎雅各，mā beh tī以色列得tio̍h荣光。 | 注释 串珠 卢俊义 康来昌 原文 典藏 |
| 44:24 | Tùi胎里造就你ê，救赎你ê上主ánne讲：「我—上主是造成万物ê，是kakī 展开chiahê天，开阔大地ê，啥人kah我同在？ | 注释 串珠 卢俊义 康来昌 原文 典藏 |
| 44:25 | 我hō͘讲假话ê兆头无功效，hō͘占卜ê人颠狂；hō͘智慧ê人退后，hō͘伊ê智识变做愚戆； | 注释 串珠 卢俊义 康来昌 原文 典藏 |
| 44:26 | hō͘我ê奴仆ê话应验，我ê使者ê计画得tio̍h成。讲tio̍h耶路撒冷，我讲：的确有人tī hia tòa；讲tio̍h偤大ê城，我讲：的确ē受起造；抛荒ê所在我beh hō͘它兴起。 | 注释 串珠 卢俊义 康来昌 原文 典藏 |
| 44:27 | 我对深渊讲：你tio̍h干去，我mā beh hō͘你ê江河干干去。 | 注释 串珠 卢俊义 康来昌 原文 典藏 |
| 44:28 | 关系古列，我讲：伊是我所用ê牧者，会成我所欢喜ê。关系耶路撒冷，我to̍h讲：她ē受起造，圣殿ê地基mā ē建立。 | 注释 串珠 卢俊义 康来昌 字典 原文 典藏 |