传道书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
7:1 明智kah愚戆ê差别
名声比好ê膏油khah好；人死ê日比出世ê日khah好。
7:2 去办丧事ê家比去宴乐ê家khah好；因为这是众人ê结局，活ê人mā ē kā chitê tāichì hē tī心里。
7:3 忧闷比欢笑khah好，因为面带忧容ē hō͘心快乐。
7:4 智慧人ê心tī办丧事ê家；愚戆人ê心tī快乐ê家。
7:5 听智慧人ê责备，比听愚戆人ê唱歌khah好。
7:6 戆人ê笑亲像鼎下teh烧刺á ê声。这mā是空虚。
7:7 勒索ē hō͘智慧ê人变愚戆，乌纱ē败坏人ê心思。
7:8 好头不如好尾。心忍耐赢过心骄傲。
7:9 你ê心m̄ thang躁性来受气；因为受气存tī戆人ê心怀。
7:10 你m̄ thang讲，早前ê日子ná ē赢过现今ê日子？因为你ánne问m̄是出tī智慧。
7:11 智慧kah产业仝款是好，对看tio̍h日光ê人，koh khah有利益。
7:12 因为智慧ē致荫人，钱银mā ē致荫人；总是，智慧会保全伊本人ê活命，这to̍h是智识ê利益。
7:13 你tio̍h想上帝ê作为，因为他hō͘伊弯去ê，啥人ē tàng hō͘它koh变直？
7:14 兴通ê日，你tio̍h欢喜；tú tio̍h患难ê日，你tio̍h思想。因为上帝hō͘两项平平排teh，为tio̍h beh hō͘人查bē出身后有啥物事。
7:15 有义人行义，颠倒灭亡；有pháiⁿ人行pháiⁿ，颠倒食长岁寿。我tī空虚ê日子lóng有看tio̍h。
7:16 M̄-thang行义siuⁿ chē，m̄ thang智慧过头；人ná ē败坏kakī ？
7:17 M̄-thang行pháiⁿ siuⁿ chē，mā m̄ thang做戆人，ná ē有人期iáu未到to̍h来死？
7:18 你持守chitê是好，hitê mā m̄ thang放手，因为敬畏上帝ê奴仆ē tàng脱离chiahê tāichì。
7:19 智慧hō͘智慧ê人有能力，赢过城内十个掌权者。
7:20 行好koh无犯罪ê义人，世上实在是无chit款人。
7:21 人所讲ê话m̄ thang lóng hē tī心内，chiah免得听tio̍h你ê奴仆kā你咒诅。
7:22 因为你ê心kakī 知，你mā bat真chē pái咒诅别人。
7:23 我bat用智慧试验所有ê tāichì；我讲，我beh做智慧ê人，总是，智慧离开我远远。
7:24 所有ê tāichì是远koh深，啥人ē tàng测度？
7:25 我oa̍t tńg来想，我专心ài知，ài查考，mā chhōe智慧kah万事ê理由，koh ài知邪恶是愚戆，愚蠢是颠狂。
7:26 我koh查出一项比死khah艰苦ê tāichì，to̍h是有一种chabó͘人，她ê心是活tauh kah罗网，她ê手是锁链；所有得tio̍h上帝欢喜ê人ē闪避她；总是，有罪ê人hō͘她掠tio̍h。
7:27 传道者讲：你看，我ài知伊ê数额，一项一项来比较，to̍h chhōe tio̍h chitê。
7:28 我ê心ài beh chhōe它mā bē tàng chhōe ・tio̍h。有人讲：「Tī一千人ê中间我ēchhōe tio̍h一个正直ê chapo͘人，tī hiahê人ê中间，我无chhōe tio̍h一个正直chabó͘人。」
7:29 你看，我只有chhōe tio̍h chitê，to̍h是上帝创造人本是正直，总是，in chhōe出真chē奇巧ê计谋。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。