章节 | 全民台语圣经全罗经文 | 注释 |
26:1 | Chèng-ti̍t Lâng ê Kî-tó( Ta-bi̍t ê si. )Siōng-chú ah, kiû Lí kā góa phòaⁿ-toàn, in-ūi góa ū chiàu sûn-choân lâi kiâⁿ; góa óa-khò Siōng-chú bô iô-tāng. | 注释 串珠 康来昌 原文 典藏 |
26:2 | Siōng-chú ah, kiû Lí kàm-chhat góa, khó-giām góa, kiû Lí toàn-liān góa ê sim-tn̂g. | 注释 串珠 康来昌 原文 典藏 |
26:3 | In-ūi Lí ê chû-ài tiāⁿtiāⁿ tī góa ê ba̍k-chiu chêng; góa mā ū chiàu Lí ê chin-lí teh kiâⁿ. | 注释 串珠 康来昌 原文 典藏 |
26:4 | Góa m̄ bat kah hi-ké ê lâng chò-hóe chē, mā bô kah ké-hó ê lâng tàu-tīn. | 注释 串珠 康来昌 原文 典藏 |
26:5 | Góa bô ài kah pháiⁿ lâng kiat-tóng, bô beh kah ok-to̍k ê lâng chò-hóe chē. | 注释 串珠 康来昌 原文 典藏 |
26:6 | Siōng-chú ah, góa beh sé chhiú piáu-bêng góa ê bô chōe, chiah lâi Lí ê chè-tôaⁿ chè pài; | 注释 串珠 康来昌 字典 原文 典藏 |
26:7 | Thang hō͘ lâng thiaⁿ tio̍h kám-siā ê si-koa, koh thang kóng-khí Lí it-chhè kî-biāu ê chok-ûi. | 注释 串珠 康来昌 原文 典藏 |
26:8 | Siōng-chú ah, góa ì-ài Lí só͘ tòa ê chhù, í-ki̍p Lí ê êng-kng lîm-kàu ê só͘-chāi. | 注释 串珠 康来昌 字典 原文 典藏 |
26:9 | M̄-thang kā góa ê lêng-hûn kah chōe-jîn chò chi̍t-ē siau-bia̍t; m̄ thang kā góa ê oa̍h-miā kah thâi lâng ê chò-hóe tû-tiāu. | 注释 串珠 康来昌 原文 典藏 |
26:10 | In ê chhiú tiong ū kan-ok, in ê chiàⁿ chhiú móa-móa lóng sī o͘-se. | 注释 串珠 康来昌 原文 典藏 |
26:11 | Nā-sī góa, góa beh chiàu góa ê sûn-choân lâi kiâⁿ; kiû Lí kiù-sio̍k góa, liân-bín góa. | 注释 串珠 康来昌 原文 典藏 |
26:12 | Góa ê kha khiā tī pêⁿ-tháⁿ ê só͘-chāi, tī chèng hōe tiong, góa beh oló Siōng-chú! | 注释 串珠 康来昌 原文 典藏 |