| 章节 | 全民台语圣经汉罗经文 | 注释 |
| 22:1 | 偤大王约西亚(代下34：1-2)约西亚坐位ê时八岁，tī耶路撒冷做王共三十一年。伊ê老母ê名叫做E-ti-tah，是波斯家人亚大雅ê chabó͘ kiáⁿ。 | 注释 串珠 原文 典藏 |
| 22:2 | 伊行上主所看做好ê tāichì，照ánne行伊ê祖先大卫一切ê路，无偏左mā无偏右。 | 注释 串珠 字典 原文 典藏 |
| 22:3 | 发现律法书(代下34：8-28)约西亚十八年，王差米书兰ê孙，A-cha-liah ê kiáⁿ，书记沙番，去到上主ê殿，kā伊吩咐，讲： | 注释 串珠 原文 典藏 |
| 22:4 | 「你上去见大祭司希勒家，kah伊算hiahê带入去上主殿ê银，to̍h是管门ê tùi人民所收ê， | 注释 串珠 字典 原文 典藏 |
| 22:5 | hō͘ in交hō͘做工ê人，to̍h是管理上主殿ê，hō͘ in转交上主殿内做工ê人，thang修理殿破坏ê所在， | 注释 串珠 原文 典藏 |
| 22:6 | to̍h是转交hō͘木匠、起造ê人kah土匠，koh买柴料kah过phah ê石，来修理殿。 | 注释 串珠 原文 典藏 |
| 22:7 | 总是，交过in ê手ê银，无kah in算，因为in做tāichì诚实。 | 注释 串珠 字典 原文 典藏 |
| 22:8 | 大祭司希勒家kā书记沙番讲：「我tī上主殿内偶然得tio̍h律法ê册。」希勒家to̍h kā册交hō͘沙番，沙番就the̍h来读。 | 注释 串珠 字典 原文 典藏 |
| 22:9 | 书记沙番去到王hia，回覆王讲：「你ê奴仆已经kā所得tio̍h tī殿内ê银piàⁿ出来，交hō͘修理上主殿ê做工人。」 | 注释 串珠 字典 原文 典藏 |
| 22:10 | 书记沙番koh kā王讲：「祭司希勒家有the̍h一本册hō͘我。」沙番to̍h tī王ê面前读hit本册。 | 注释 串珠 字典 原文 典藏 |
| 22:11 | 王听tio̍h律法册ê话，to̍h拆裂伊ê衫。 | 注释 串珠 字典 原文 典藏 |
| 22:12 | 王吩咐祭司希勒家，kah沙番 ê kiáⁿ亚希甘、米该亚ê kiáⁿ亚革波书记沙番，以及王ê近臣亚撒雅，讲： | 注释 串珠 原文 典藏 |
| 22:13 | 「Lín去，为我kah人民，koh为偤大群众，kā所拾tio̍h chit本册ê话问上主，因为上主对咱大受气，是因为咱ê祖先无遵thàn chit本册ê话，无照一切所记载关系咱ê来行。」 | 注释 串珠 字典 原文 典藏 |
| 22:14 | 就ánne，祭司希勒家kah亚希甘、亚革波、沙番，以及亚帅雅，lóng去见女先知Hol-tah。她是Hal-ha-suh ê孙，Tek-bah ê kiáⁿ，管理礼服hitê 沙龙ê bó͘，她tiàm tī耶路撒冷第二区。In kah她讲chiahê tāichì。 | 注释 串珠 字典 原文 典藏 |
| 22:15 | 她kā in讲：「上主—以色列ê上帝ánne讲：『Lín去回覆hitê差lín来见我ê人，讲， | 注释 串珠 原文 典藏 |
| 22:16 | 上主ánne讲：你看，我ē降灾祸tī chit所在kah tòa tī chia ê人民，这to̍h是偤大王所读hit本册ê话。 | 注释 串珠 字典 原文 典藏 |
| 22:17 | 因为in弃sak我，tī别个神明烧香，用in ê手所做ê激我ê受气，所以，我对chit所在受气，亲像火to̍h无soah。 | 注释 串珠 字典 原文 典藏 |
| 22:18 | 总是，差lín来问上主ê偤大王，lín tio̍h ánne kā伊讲：上主—以色列ê上帝ánne讲：讲tio̍h你所听tio̍h ê话， | 注释 串珠 原文 典藏 |
| 22:19 | to̍h是听tio̍h我攻击chit所在kah tòa tī chia ê人民，所讲ē hō͘伊抛荒koh受咒诅，你ê心就软，你kakī tī上主ê面前谦卑，koh拆裂你ê衫，tī我ê面前啼哭，我mā有听tio̍h，这是上主讲ê。 | 注释 串珠 字典 原文 典藏 |
| 22:20 | 所以，我ē hō͘你归你ê祖先，你ē平安归墓；我所beh降落tī chit所在一切ê灾祸，你ê目chiu 一定看bē tio̍h。』」Into̍h倒tńg去回覆王。 | 注释 串珠 字典 原文 典藏 |