章节 | 全民台语圣经汉罗经文 | 注释 |
16:9 | (短结尾):(注:有ê古卷tī 16:8 ê后壁附加chitê称做「短结尾」ê经文)9 In kā一切ê指示简要对彼得周围ê人讲。了后,耶稣to̍h通过in,tùi东到西传送hitê神圣、bē毁坏ê、ē永远拯救ê信息。(长结尾):(注:有ê古卷tī 16:8 ê后壁附加chitê称做「长结尾」ê经文)耶稣对抹大拉ê马利亚显现(太28:9-10;约20:11-18)七日ê头一日透早,耶稣koh活了后,tāi先对抹大拉ê马利亚显现。耶稣前bat kā她赶出七个鬼。 | 注释 串珠 康来昌 原文 典藏 |
16:10 | 马利亚去kā平时跟tòe耶稣ê人报告;hit时hiahê人当teh忧闷啼哭。 | 注释 串珠 康来昌 原文 典藏 |
16:11 | In听tio̍h耶稣koh活,koh有hō͘马利亚看tio̍h,竟然iáu m̄相信。 | 注释 串珠 康来昌 原文 典藏 |
16:12 | 耶稣对两 个门徒显现(路24:13-35)后来,in中间两 个门徒去庄脚,teh行ê时,耶稣用无仝款ê形像对in显现。 | 注释 串珠 康来昌 原文 典藏 |
16:13 | In tńg去kā其他ê人报告;总是,in hiahê人mā m̄相信。 | 注释 串珠 康来昌 原文 典藏 |
16:14 | 耶稣对十一个门徒显现(太28:16-20;路24:36-49;约20:19-23;徒1:6-8)后来,十一个门徒坐teh食饭ê时,耶稣对in显现,责备in ê m̄信kah心硬,因为in m̄相信hiahê看tio̍h耶稣koh活ê人kā in讲ê话。 | 注释 串珠 康来昌 异文 原文 典藏 |
16:15 | 耶稣koh kā in讲:「Lín tio̍h去普天下传福音hō͘万民听。 | 注释 串珠 康来昌 异文 原文 典藏 |
16:16 | 有信来领受洗礼ê人ē得tio̍h救;m̄信ê人ē受定罪。 | 注释 串珠 康来昌 原文 典藏 |
16:17 | 有信ê人ē tàng奉我ê名赶鬼,koh ē讲新ê言语。 | 注释 串珠 康来昌 异文 原文 典藏 |
16:18 | In掠蛇á是lim tio̍h啥物毒,mā lóng bē受伤害。In kā病人hōaⁿ手,病人ē得tio̍h医好。」 | 注释 串珠 康来昌 异文 字典 原文 典藏 |
16:19 | 耶稣上天(路24:50-53;徒1:9-11)主耶稣kā in讲chiahê话了后,就受接上天,坐tī上帝ê正pêng。 | 注释 串珠 康来昌 异文 原文 典藏 |
16:20 | 门徒出去,tī ta̍k所在传福音。主kah in同工,用in所行ê神迹来证明in所传ê道理是真实ê。 | 注释 串珠 康来昌 异文 原文 典藏 |