章节 | 全民台语圣经汉罗经文 | 注释 |
14:32 | 耶稣tī客西马尼祈祷(太26:36-46;路23:39-46)耶稣kah门徒做伙来到一个叫客西马尼ê所在。耶稣kā门徒讲:「Lín坐tòa chia thèng候,我beh去祈祷。」 | 注释 串珠 康来昌 原文 典藏 |
14:33 | 耶稣to̍h chhōa彼得、雅各kah约翰做伙去。耶稣开始惊惶,koh感觉非常哀伤。 | 注释 串珠 康来昌 原文 典藏 |
14:34 | Kā in讲:「我ê心忧闷kah kiōng-beh死,lín tòa chia tio̍h警醒。」 | 注释 串珠 康来昌 原文 典藏 |
14:35 | 耶稣koh略á 进前,仆tī土脚祈求,看ē tàng hō͘他免经过chitê痛苦ê时间á-bē。 | 注释 串珠 康来昌 原文 典藏 |
14:36 | 耶稣祈求讲:「阿爸天父ah,祢万事lóng ē,愿祢hō͘ chitê杯离开我;总是,m̄是照我所意爱,tio̍h照祢ê旨意来实现。」 | 注释 串珠 康来昌 字典 原文 典藏 |
14:37 | 然后耶稣tńg来,看tio̍h in teh困,to̍h kā彼得讲:「西门,你teh困ò͘?你kám bē tàng醒醒警醒一时á久? | 注释 串珠 康来昌 原文 典藏 |
14:38 | Lín tio̍h警醒祈祷,chiah免得受迷惑。心神意爱做好,m̄ koh,肉体软chiáⁿ软弱。」 | 注释 串珠 康来昌 原文 典藏 |
14:39 | 耶稣koh再去祈祷,mā是仝款讲hiahê话。 | 注释 串珠 康来昌 异文 原文 典藏 |
14:40 | 耶稣tńg来,koh看tio̍h in因为目chiu 真涩iáu teh困。In mā m̄知tio̍h án怎应耶稣khah好。 | 注释 串珠 康来昌 原文 典藏 |
14:41 | 耶稣第三pái tńg来,kā in讲:「Taⁿ lín iáu teh困,iáu teh歇困,是无?Án-ne好,时间mā已经到à,人子beh hō͘人出卖,交tī罪人ê手头à。 | 注释 串珠 康来昌 异文 原文 典藏 |
14:42 | 起来!咱来去。Lín看,出卖我ê人beh到à。」 | 注释 串珠 康来昌 原文 典藏 |