耶利米书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
38:1 耶利米tī枯焦ê井里
Mat-than ê kiáⁿ示法提雅、巴施户珥ê kiáⁿ基大利、示利米雅ê kiáⁿ Iu-kal、玛基雅ê kiáⁿ巴施户珥，听tio̍h耶利米对群众所讲ê话，讲：
38:2 「上主ánne讲：见若tòa tī chitê城内êē tùi刀剑、tùi饥荒、tùi瘟疫来死；独独出去归迦勒底人êē得tio̍h活，会拾tio̍h伊ê性命来活落去。
38:3 上主ánne讲：Chitê城绝对会交tī巴比伦王军兵ê手，伊ē kā她征服。」
38:4 就ánne，贵族kā王讲：「求你hō͘ chitê人死；因为伊对城内chhun落来ê兵á kah众人讲chit款ê话，hō͘ in ê手软。Chitê人m̄是求hō͘人民平安，是hō͘ in tú tio̍h灾祸。」
38:5 西底家王讲：「你看，伊tī lín ê手头，王bē tàng干涉lín啥物tāichì。」
38:6 Into̍h掠耶利米，kā伊hiat tī Hap-bí-le̍k ê kiáⁿ玛基雅ê井；hit口井tī拘留所ê院内。In用索á kā耶利米缒落去。古井内无水，只有土糜，耶利米就陷落tī土糜中。
38:7 Tī王宫内ê太监—古实人以伯米勒听tio̍h in kā耶利米缒落缒井（hit时，王坐tī便雅悯门口）。
38:8 以伯米勒to̍h出王宫，对王讲：
38:9 「我ê主—我ê王，chiahê人款待耶利米先知ê lóng是pháiⁿ，有kā伊hiat落井，伊ētī hia饿死，因为城内无米粮。」
38:10 王to̍h吩咐古实人以伯米勒讲：「你tùi chia带三十人，趁耶利米先知iáu未死，去救伊出井。」
38:11 就ánne，以伯米勒chhōa chiahê人做伙去，入去王宫，到库房下面，tùi hia the̍h破布、旧衫，用索á坠落去古井内，来到耶利米hia。
38:12 古实人以伯米勒kā耶利米讲：「你用chiahê破布kah旧衫，chū tī胳下lang，hē tī索á顶面。」耶利米就照ánne去做。
38:13 Án-ne，in to̍h用索á kā耶利米搝（khiú）出古井。耶利米犹原tòa tī拘留所ê院内。
38:14 西底家王向耶利米请教计谋
西底家王差人去chhōa耶利米先知，入去上主ê殿ê第三个门，来到王hia。王to̍h对耶利米讲：「我问你一项事，你lóng m̄ thang对我隐瞒。」
38:15 耶利米应西底家讲：「我若kā你讲，你kám无behthâi死我？我若指示你，你mā无beh听。」
38:16 西底家王偷偷á对耶利米chiùchōa讲：「Hitê创造咱ê活命ê上主是活ê，我kí他来chiùchōa，我一定无behthâi你，mā bē kā你交hō͘ chiahê siàu想你性命ê人ê手。」
38:17 耶利米对西底家讲：「上主—万军ê上主—以色列ê上帝ánne讲：你若出去投降巴比伦王ê贵族，你ê性命to̍h ē活leh，chitê城bē致到hō͘火烧，你kah你ê全家lóng ē活leh。
38:18 你若m̄出去投降巴比伦王ê贵族，chitê城to̍h ē交tī迦勒底人ê手。Inē用火烧城，你mā bē tàng脱离in ê手。」
38:19 西底家王对耶利米讲：「我惊hiahê投降迦勒底ê偤大人，恐惊迦勒底人ē kā我交tī in ê手，inē kā我凌辱。」
38:20 耶利米讲：「Bē lah。求你听我对你所讲上主ê话，ánne你to̍h ē得tio̍h利益，你ê性命mā ē保存。
38:21 你若m̄肯出去，上主指示我ê话to̍h是ánne：
38:22 你看，偤大王宫所chhun落来ê chabó͘人ēhō͘人chhōa去到巴比伦王ê贵族hia，chiahê chabó͘人ē讲：你知己ê朋友使弄你，khah赢你；你ê脚lok落去土糜，in to̍hoa̍t-tńg身退去。」
38:23 耶利米koh讲：「人ē kā你chiahê bó͘ kah你chiahê kiáⁿ，掠到迦勒底人hia，你mā bē tàng脱离in ê手，你ē hō͘巴比伦王ê手掠tio̍h；你mā ē连累tio̍h chitê城受火烧。」
38:24 西底家对耶利米讲：「M̄-thang hō͘人知chiahê话，你to̍h bē死。
38:25 贵族若听tio̍h我有kah你讲话，into̍h ē来chhōe你，问你讲：『你kā王讲啥物，m̄ thang tùi阮隐瞒，阮to̍h无beh hō͘你死。王对你讲啥物，mā lóng tio̍h kā阮讲。』
38:26 你to̍h tio̍h kā in讲：『我tī王ê面前恳求伊m̄ thang hō͘我koh入去约拿单ê厝，来死tī hia。』」
38:27 后来，众贵族来chhōe耶利米，问伊；伊to̍h照王所吩咐一切ê话来应in。Into̍h soah，无koh kah伊讲话，因为事情无露出。
38:28 就ánne，耶利米犹原tòa tī拘留所ê院内，直到耶路撒冷受征服ê日。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。