创世记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
5:1 亚当ê家谱
亚当ê世系记tī下底:当上帝创造人ê日,是照上帝ê款式来造人。
5:2 上帝创造in有chapo͘ kah chabó͘,tī in受创造ê日,赐in福气,称in ê名叫做人。
5:3 亚当一百三十岁ê时,生kiáⁿ照伊ê款,亲像伊ê像,号名叫做设。
5:4 亚当生设了后koh经过八百年,其中iáu有生kiáⁿ儿。
5:5 亚当食到九百三十岁chiah死。
5:6 设一百khòng五岁,生以挪士。
5:7 设生以挪士了后iáu koh活八百khòng七年,其中有koh生kiáⁿ儿。
5:8 设食到九百十二岁chiah死。
5:9 以挪士九十岁ê时,生该南。
5:10 以挪士生该南了后iáu koh活八百十五年,其中有koh生kiáⁿ儿。
5:11 以挪士食到九百khòng五岁chiah死。
5:12 该南七十岁ê时,生玛勒列。
5:13 该南生玛勒列了后iáu koh活八百四十年,其中有koh生kiáⁿ儿。
5:14 该南食到九百十岁chiah死。
5:15 玛勒列六十五岁ê时,生雅列。
5:16 玛勒列生雅列了后iáu koh活八百三十年,其中有koh生kiáⁿ儿。
5:17 玛勒列食到八百九十五岁chiah死。
5:18 雅列一百六十二岁ê时,生以诺。
5:19 雅列生以诺了后iáu koh活八百年,其中有koh生kiáⁿ儿。
5:20 雅列食到九百六十二岁chiah死。
5:21 以诺六十五岁,生玛土撒拉。
5:22 以诺生玛土撒拉了后,koh kah上主做伙行三百年,其中有koh生kiáⁿ儿。
5:23 以诺食到三百六十五岁。
5:24 以诺kah上主做伙行,上主接伊去,伊to̍h无tī ・leh。
5:25 玛土撒拉一百八十七岁ê时,生拉麦。
5:26 玛土撒拉生拉麦了后iáu koh活七百八十二年,其中有koh生kiáⁿ儿。
5:27 玛土撒拉食到九百六十九岁chiah死。
5:28 拉麦一百八十二岁ê时,生一个kiáⁿ,
5:29 号名叫做挪亚。伊讲:「上主bat咒诅地,hō͘咱做工劳苦,taⁿ chitê kiáⁿ beh安慰咱。」
5:30 拉麦生挪亚了后iáu koh活五百九十五年,其中有koh生kiáⁿ儿。
5:31 拉麦食到七百七十七岁chiah死。
5:32 挪亚五百岁ê时,生闪、含、雅弗。
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。