撒迦利亚书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
11:1 Pō-kun ê Soe-pāi
Le-ba-nòng, lí tio̍h khui lí ê mn̂g, hō͘ hóe thang sio-bia̍t lí ê pek-hiuⁿ chhiū.
11:2 Siông chhiū, lín tio̍h háu, in-ūi pek-hiuⁿ chhiū í-keng tó lo̍h-.khì, súi ê chhiū í-keng húi-hoāi. Ba-siáng ê siōng chhiū, lín tio̍h háu, in-ūi bō͘-sēng ê chhiū-nâ í-keng soe-pāi.
11:3 Lí thiaⁿ, ū bo̍k-chiá teh háu, in-ūi in ê êng-iāu húi-hoāi à. Lí thiaⁿ, ū ióng ê sai teh hm̄-hm̄ háu, in-ūi Iol-tàn hô piⁿ ê chhiū-nâ hong-hùi à.
11:4 Nn̄g-ê Kò͘-iûⁿ ê Lâng
Siōng-chú — góa ê Siōng-tè ánne kóng, " Beh thâi ê iûⁿ-kûn lí tio̍h chhī.
11:5 Bé in ê kā in thâi, kakī lia̍h-chò bô chōe; bē in ê kóng, ' Siōng-chú sī eng-kai oló ê, in-ūi góa hó-gia̍h à. 'In ê bo̍k-chiá mā bô liân-bín in. "
11:6 Siōng-chú kóng, " Góa bô koh liân-bín chit só͘-chāi ê jîn-bîn, lí khòaⁿ, Góa beh kā in ta̍k lâng kau tī in chhù-piⁿ ê chhiú, mā kau tī i ê ông ê chhiú. In beh phah chit-ê só͘-chāi, Góa mā bô beh kiù jîn-bîn thoat-lī in ê chhiú. "
11:7 Chiū ánne, góa chhī beh thâi ê iûⁿ-kûn, to̍h-sī iûⁿ-kûn tiong siōng khùn-khó͘ ê. Góa kakī chhú nn̄g ki koái-á, chi̍t ki kiò-chò " Un-hūi ", chi̍t ki kiò-chò " Ha̍p-it ", lâi chhī chit-ê iûⁿ-kûn.
11:8 Chi̍t goe̍h-ji̍t lāi, góa tû-khì saⁿ-ê bo̍k-chiá, in-ūi góa ê sim thó-ià in, in ê sim mā khì-hiâm góa.
11:9 Góa chiū kóng, " Góa bô beh iúⁿ-chhī lín, sí ê chhut-chāi i khì sí; bô-.khì ê, chhut-chāi i bô-.khì; só͘ chhun lo̍h-.lâi ê, chhut-chāi in hō͘-siong thun-chia̍h. "
11:10 Góa gia̍h góa hit ki un-hūi ê koái-á kā i at-tn̄g, lâi hùi-tû góa kah bān-bîn só͘ li̍p ê iok.
11:11 Hit ji̍t, góa chiū kā i hùi-tû. Khùn-khó͘ ê iûⁿ ǹg-bāng góa ê lóng chai che sī Siōng-chú ê ōe.
11:12 Góa tùi in kóng, " Lín nā lia̍h-chò hó, chiū hō͘ góa kang-chîⁿ. Nā bô, chiū soah- soah-khì! " Chiū ánne, in chhìn gîn saⁿ-cha̍p tiāⁿ lâi chò góa ê kang-chîⁿ.
11:13 Siōng-chú kā góa kóng, " Tio̍h kā hit-ê hiat hō͘ sio-hûi lâng, to̍h-sī in só͘ kó͘-kè góa koân ê kè-chîⁿ. " Góa chiū the̍h hit-ê gîn saⁿ-cha̍p tiāⁿ, tī Siōng-chú ê tiān hiat hō͘ sio-hûi lâng.
11:14 Góa koh at-tn̄g góa tē-jī ki ê koái-á, miâ chò " Ha̍p-it " ê, lâi hùi-tû Iô-tah kah I-su-la-el hiaⁿ-tī ê chêng-gī.
11:15 Siōng-chú koh kā góa kóng, " Lí koh the̍h gōng ê bo̍k-chiá só͘ ēng hiahê khì-kū,
11:16 lí khòaⁿ, Góa beh tī chit só͘-chāi heng-khí chi̍t-ê bo̍k-chiá, sit-lo̍h ê i bô beh chhap, sì-sòaⁿ ê i bô beh khì chhōe, siū-siong ê i bô beh kā i i, ióng-chòng ê, i bô beh kā i chhī; kantaⁿ beh chia̍h pûi-.ê ê bah, thiah-li̍h i ê tê.
11:17 " Bô lō͘-ēng ê bo̍k-chiá, khì-sak iûⁿ-kûn ê ū chai-hō ah! To ē lîm-kàu i ê chhiú kah i ê chiàⁿ ba̍k. I ê chhiú ē choân-pō͘ ko͘-tâ-.khì, i ê chiàⁿ ba̍k ē o͘-o͘ àm-àm. "
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。