何西阿书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
9:1 Hô-se-a Soan-pò͘ I-su-la-el Tio̍h Siū Hêng-hoa̍t
I-su-la-el lâng, lí m̄ thang hoaⁿ-hí, m̄ thang khoài-lo̍k chhin-chhiūⁿ gōa-pang lâng; in-ūi lí kiâⁿ siâ-îm lī-khui lí ê Siōng-tè, tī ta̍k-ê tiūⁿ-tiâⁿ ài lâng sàng mi̍h-kiāⁿ.
9:2 Tiū-tiâⁿ kah chiú-khut bô beh iúⁿ-chhī in; ǹg-bāng sin chiú mā sī khang-khang.
9:3 In bô thang tòa Siōng-chú ê tē; chóng-.sī, E-hu-laim ē tńg-khì Ai-gi̍p, ē tī A-siul chia̍h bô chheng-khì ê chia̍h-mi̍h.
9:4 In bô thang ǹg Siōng-chú tiān-chiú （ Chù, kā chiú tò lo̍h-khì thô͘-kha lâi hiàn chè ）, in ê chè-mi̍h mā bô tit tio̍h I hoaⁿ-hí. In ē chhin-chhiūⁿ tú tio̍h sí-sit ê ke ê chia̍h-mi̍h, kiàn-nā chia̍h ê it-tēng bak tio̍h lahsap; in-ūi in ê chia̍h-mi̍h thang chò kakī ê lō͘-ēng, bē tàng ji̍p-khì Siōng-chú ê tiān.
9:5 Tī tāi-hōe ê ji̍t kah Siōng-chú ê cheh-kî, lín ē án-chóaⁿ chò?
9:6 Lí khòaⁿ, in khì siám-phiah chai-hāi; Ai-gi̍p lâng ē kā in chū-chi̍p, Mo͘-hu lâng ē kā in bâi-chòng. In ēng gîn só͘ chò thang ì-ài ê mi̍h ē hoat-chhut chi̍t-lê; in ê tiùⁿ-pâng lāi ē hoat-chhut chhì-phè.
9:7 Hêng-hoa̍t ê ji̍t í-keng kàu, pò-èng ê ji̍t í-keng kàu. I-su-la-el ē chai sian-ti gû-gōng, siū sîn-lêng kám-tōng ê ē tian-kông, in-ūi lí ê chōe-kò chin chē, oàn-hūn mā chin tōa.
9:8 E-hu-laim kah lán ê Siōng-chú chò siú-bōng ê lâng; kóng tio̍h sian-ti, tī i só͘-ū ê lō͘ chò lia̍h chiáu ê lô-bāng, tī i ê Siōng-tè ê tiān lāi khǹg oàn-hūn.
9:9 In chhim-chhim kakī pāi-hoāi, chhin-chhiūⁿ tī Gi-be-at ê ji̍t. Siōng-chú ē kì-tit in ê chōe-kò, ē pān in ê chōe-ok.
9:10 I-su-la-el ê Chōe kah I ê Hiō-kó
Siōng-chú kóng, " Góa chhōe tio̍h I-su-la-el chhin-chhiūⁿ phû-tô tī khòng-iá; Góa khòaⁿ tio̍h lín ê chó͘-sian chhin-chhiūⁿ bû-hoa-kó thâu-kùi khí-thâu se̍k ê kóe-chí. Chóng-.sī, in lâi kìⁿ Ba-al-pau-al, choan-sim kèng-pài hit-ê thang kiàn-siàu ê, chiū chiâⁿ-chò khó-ò͘ⁿ ê kah in só͘ loân-ài ê kāng-khoán.
9:11 Kóng tio̍h E-hu-laim, in ê êng-kng ē chhin-chhiūⁿ chiáu poe-.khì, bē seⁿ kiáⁿ, bē tài-sin, bē hoâi-īn.
9:12 Chiū-sī nā chhī kiáⁿ kàu tōa-hàn, Góa mā beh hō͘ i sí kiáⁿ, bô lâu kah pòaⁿ-ê. Góa lī-khui in, in chiū ū chai-hō. "
9:13 Siōng-chú ah, góa khòaⁿ E-hu-laim chhin-chhiūⁿ Tu-lô, chai tī pûi ê tē. Chóng-.sī, E-hu-laim ē chhōa i ê kiáⁿ-jî chhut-.lâi, kau hō͘ thâi-sí-lâng ê.
9:14 Lí tio̍h hō͘ in, Lí beh hō͘ in siáⁿ-mi̍h? Hō͘ in ka-la̍uh sin ê thai, leng ta-.khì.
9:15 Siōng-chú Sím-phòaⁿ I-su-la-el Lâng
Siōng-chú kóng, " In it-chhè ê pháiⁿ tāi lóng tī Gil-gal, Góa tī hia oàn-hūn in. In-ūi in só͘ kiâⁿ ê pháiⁿ, Góa beh tùi Góa ê ke kā in kóaⁿ chhut-.khì, bô koh kā in thiàⁿ-sioh; in ê siú-léng lóng sī pōe-ge̍k ê.
9:16 E-hu-laim siū phah, in ê kin-thâu ta-.khì, bē kiat kóe-chí, to̍h-sī in nā seⁿ kiáⁿ, Góa mā beh kā in thâi-sí só͘ seⁿ, só͘ thiàⁿ ê. "
9:17 Sian-ti Lūn I-su-la-el
Góa ê Siōng-tè it-tēng khì-choa̍t in, in-ūi in m̄ chun-thàn I; in mā it-tēng ē phiau-liû tī lia̍t kok tiong.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。