雅歌 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
2 我是沙仑ê玫瑰花,是山谷中ê百合花。
2 [俊男]我所爱ê tī chiahê chabó͘ kiáⁿ中间,亲像刺á内ê百合花。
3 [少女]我ê郎君,tī chiahê chapo͘ kiáⁿ中间,亲像树林中ê苹果树;我真欢喜坐tī它ê荫影下;它ê果子我食了真甜。
4 伊chhōa我入去宴席ê所在,用疼做旗á tī我ê顶面。
5 求lín用葡萄饼来补我ê体力,用苹果来养我ê精神;因为我为tio̍h爱情来致病。
6 伊ê倒手扶我ê头壳,伊ê正手抱我。
7 耶路撒冷ê众chabó͘ gín-á,我kí羚羊kah田野ê鹿母迫切吩咐你:M̄-thang kā伊phah醒,m̄ thang搅扰我所爱ê,tio̍h thèng候伊kakī 情愿。
8 [少女] 你听,是我郎君 ê声;你看,伊来ā;伊tiô tī山里,跳tī岭里。
9 我ê郎君,伊亲像羚羊á是鹿á;你看,伊khiā tī阮ê壁墙后面;tùi窗á teh看;tùi窗á格teh探。
10 我ê郎君出声对我讲:[俊男]我所爱ê,我ê美人,起来,kah我做伙去。
11 你看,因为寒天已经过,雨已经停;soah雨ā。
12 全地ê花已经开,鸟á哮ê时到à;tī咱ê境内听tio̍h 斑鸽ê声。
13 无花果树ê果子渐渐熟,葡萄树开花吐出它ê芳味;我所爱ê,我ê美人,起来,kah我做伙去。
14 我ê粉鸟,你tī石缝内,tī山岩隐密ê所在;求你准我看tio̍h你ê面,听tio̍h你ê声;因为你ê声温和,你ê面生做súi。
15 Tio̍h kā阮掠狐狸,细只狐狸,to̍h是败坏葡萄园ê狐狸;因为阮ê葡萄tú-á beh开花。
16 [少女]我ê郎君属我,我mā属伊,伊tī百合花中teh饲伊ê羊群。
17 我ê郎君,愿你tī日头凉冷,影伸长ê时,倒tńg来,亲像羚羊,á是鹿á tī Beh-thel ê山里。
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。