列王纪下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
15:1 偤大王亚撒利雅
(代下26：1-23)
以色列王耶罗波安二十七年，偤大王亚玛谢ê kiáⁿ亚撒利雅坐位。
15:2 伊坐位ê时，十六岁，tī耶路撒冷做王共五十二年。伊ê老母ê名叫做E-kho-li-ah，是耶路撒冷人。
15:3 伊行上主所看做好ê tāichì，照伊ê老父亚玛谢一切ê所行；
15:4 总是，山头坛iáu无废弃，人民犹原tī山头坛献祭烧香。
15:5 上主就打击王，hō͘伊生癞ko，直到伊死ê日，伊to̍hti7另外ê厝tòa。伊ê kiáⁿ约坦管理家事，治理人民。
15:6 亚撒利雅其他ê tāichì，见若伊所行ê，kám无lóng记tī偤大列王ê记录？
15:7 亚撒利雅kah伊ê祖先同困，kah伊ê祖先做伙葬tī大卫ê城。伊ê kiáⁿ约坦续接伊做王。
15:8 以色列王撒迦利雅
偤大王亚撒利雅三十八年，耶罗波安ê kiáⁿ撒迦利雅，tī撒马利亚做以色列王六月日。
15:9 伊行上主看做pháiⁿ ê tāichì，照伊ê祖先所行ê，无离开尼八ê kiáⁿ耶罗波安ê罪，to̍h是hō͘以色列犯罪ê。
15:10 雅比ê kiáⁿ沙龙背叛伊，tī人民ê面前kā伊phah，kā伊thâi，篡伊ê位。
15:11 撒迦利雅其他ê tāichì，lóng记tī以色列chiahê王ê记录。
15:12 这是早前上主kā耶户讲ê话，讲：「你ê kiáⁿ孙会坐以色列ê国位到四代。」Chitê话ánne应验。
15:13 以色列王沙龙
偤大王乌西雅三十九年，雅比ê kiáⁿ沙龙坐位，tī撒马利亚做王一月日。
15:14 Ga̍t-tí ê kiáⁿ米拿现tùi得撒上去撒马利亚，phah雅比ê kiáⁿ沙龙tī撒马利亚，kā伊thâi死，篡伊ê位。
15:15 沙龙其他ê tāichì kah伊背叛ê情形，lóng记tī以色列chiahê王ê记录。
15:16 Hit时，米拿现phah Thê-húi-sat，kah见若tī in中间ê，以及伊ê四箍围，tùi得撒起，因为in无kā伊开城门，所以，kā伊phah，mā破开in中间一切有娠孕ê chabó͘人。
15:17 以色列王米拿现
偤大王亚撒利雅三十九年，Ga̍t-tí ê kiáⁿ米拿现坐位，tī撒马利亚做以色列王，共十年。
15:18 伊行上主所看做pháiⁿ ê tāichì，一世人无离开尼八ê kiáⁿ耶罗波安ê罪，to̍h是hō͘以色列犯罪ê。
15:19 亚述王Phu-l来攻击chitê土地。米拿现用银一千他连得hō͘ Phu-l，ài伊帮赞来坚固伊ê国权。
15:20 米拿现对以色列一切ê大好额人，强派chiahê银，kah ta̍k人出银五十舍客勒，送hō͘亚述王。就ánne，亚述王tńg去，无tiàm hit所在。
15:21 米拿现其他ê tāichì，见若伊所行ê，kám无lóng记tī以色列chiahê王ê记录？
15:22 米拿现kah伊ê祖先同困了后，伊ê kiáⁿ比加辖续接伊做王。
15:23 以色列王比加辖
偤大王亚撒利雅五十年，米拿现ê kiáⁿ比加辖tī撒马利亚做以色列王，共两年。
15:24 伊行上主所看做pháiⁿ ê tāichì，无离开尼八ê kiáⁿ耶罗波安ê罪，to̍h是hō͘以色列犯罪ê。
15:25 伊ê军长，利玛利ê kiáⁿ比加背叛伊，tī撒马利亚王宫ê城堡kā伊phah。亚珥歌伯 kah A-li-eh以及基列ê人五十个kah伊同谋，kā伊thâi死，篡伊ê位。
15:26 比加辖其他ê tāichì，见若伊所行ê，lóng记tī以色列chiahê王ê记录。
15:27 以色列王比加
偤大王亚撒利雅五十二年，利玛利ê kiáⁿ比加tī撒马利亚坐位，做以色列王，共二十年。
15:28 伊行上主所看做pháiⁿ ê tāichì，无离开尼八ê kiáⁿ耶罗波安ê罪，to̍h是hō͘以色列犯罪ê。
15:29 以色列王比加ê时，亚述王提革拉毗列色来征服I-ióng、亚伯伯玛迦、Ia-no-ah、基低斯、夏琐、基列、加利利、kah拿弗他利全地，lóng kā in掠到亚述。
15:30 乌西雅ê kiáⁿ约坦二十年，以拉ê kiáⁿ何细亚背叛利玛利ê kiáⁿ比加，kā伊phah kohthâi死，篡伊ê位。
15:31 比加其他ê tāichì，见若伊所行ê，lóng记tī以色列chiahê王ê记录。
15:32 偤大王约坦
(代下27：1-9)
以色列王利玛利ê kiáⁿ比加第二年，偤大王乌西雅ê kiáⁿ约坦坐位。
15:33 伊坐位ê时，二十五岁，tī耶路撒冷做王十六年。伊ê老母ê名叫做E-lu-siah，是撒督ê chabó͘ kiáⁿ。
15:34 伊行上主所看做好ê tāichì，照伊ê老父乌西雅所行ê一切去行。
15:35 总是，山头坛iáu无废除，人民犹原tī山头坛献祭烧香。约坦起上主殿ê顶面ê门。
15:36 约坦其他ê tāichì，见若伊所行ê，kám无lóng记tī偤大列王ê记录？
15:37 Hit时，上主起头差亚南王利汛kah利玛利ê kiáⁿ比加去攻击偤大。
15:38 约坦kah伊ê祖先同困，kah伊ê祖先做伙葬tī伊ê祖先大卫ê城。伊ê kiáⁿ亚哈斯续接伊做王。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。