列王纪下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
6:1 Kā斧头Chhōe Tńg来
先知ê学生kā以利沙讲：「你看，阮kah你所tòa ê所在siuⁿ狭，
6:2 求你准阮去约旦河，ta̍k人tùi hia取一支柴料，hō͘阮tī hia起一个所在thang tòa。」以利沙讲：「Lín thang去。」
6:3 有一个讲：「M̄-thang推辞，求你kah奴仆做伙去。」应讲：「我beh去。」就ánne，伊to̍hkah in去。
6:4 In来到约旦河，就锉树。
6:5 有一个人锉树ê时，斧头肉ka-la̍uh tī水里。伊to̍h大声hoah：「惨ah！我ê主ah，chit支斧头是借来ê。」
6:6 上帝ê奴仆讲：「Ka-la̍uh tī tó位？」伊to̍h报伊看hit所在。伊to̍h锉一支柴，hiat tī hia，斧头肉就浮起来。
6:7 伊讲：「Gia̍h起来！」Hitê人to̍h伸手gia̍h起来。
6:8 亚南王ê军队败退
亚南王beh kah以色列交战，to̍h kah伊ê人臣议论讲：「我tio̍h扎营tī某所在，某所在。」
6:9 上帝ê奴仆差人去见以色列王，讲：「你tio̍h谨慎，m̄ thang tùi某所在经过，因为亚南人落来tī hia。」
6:10 以色列王差人到上帝ê奴仆所讲tio̍h提防ê所在。就ánne，无受伤害，m̄ nā一pái两pái。
6:11 亚南王因为chitê tāichì心内真忧闷，召伊ê人臣来，kā in讲：「咱中间啥人为以色列王，lín无来kā我讲？」
6:12 有一个人臣讲：「我ê主，我ê王，m̄是ánne lah，是以色列中ê以利沙先知kā你tī困房所讲ê话，lóng kā以色列王讲。」
6:13 王讲：「Lín去探看伊tī tó位，我thang差人去kā伊掠。」有人kā王讲：「你看，伊tī To-than。」
6:14 王to̍h差马、车kah大队ê兵去hia。In透暝来到位，围困hitê城。
6:15 上帝ê奴仆ê差用透早起来出去，看tio̍h有军兵、马kah 车teh围困城。差用kā伊讲：「惨ah！我ê主，咱beh án怎chiah好？」
6:16 上帝ê奴仆讲：「M̄免惊，因为kah咱同在ê比kah in tī ・leh-ê koh khah chē。」
6:17 以利沙祈祷讲：「上主ah，求祢开伊ê目chiu ，hō͘伊ē看tio̍h。」上主to̍h开少年人ê目chiu ，伊to̍h看tio̍h，你看，遍山火马火车teh围以利沙。
6:18 亚南王攻击到伊hia，以利沙祈祷讲：「上主ah，求祢phah chiahê人民，hō͘ in chheⁿmê。」他就phah hō͘ in chheⁿmê，照以利沙ê话。
6:19 以利沙kā in讲：「Chitê m̄是hitê路，chitê mā m̄是hitê城；lín tòe我，我beh chhōa lín到lín所chhōe ê人hia。」to̍h chhōa in来到撒马利亚。
6:20 In入去撒马利亚，以利沙讲：「上主ah，求祢开chiahê人ê目chiu ，hō͘ in看tio̍h。」上主开in ê目chiu ，in to̍h看tio̍h，无phah算，已经是tī撒马利亚ê城内。
6:21 以色列王看tio̍h in，to̍h问以利沙讲：「我ê父，我kám tio̍h kā in phah？Kám tio̍h kā in phah？」
6:22 以利沙应讲：「M̄-thang kā in phah！你用刀用弓所掠来ê，kám thang kā in phah？Tio̍h hē饼kah水tī in ê面前，hō͘ in lim食，tńg去in ê主人hia。」
6:23 王替in准备真chē食物，in lim食了后，to̍h叫in去；in to̍htng2去in ê主人hia。就ánne，亚南ê军兵无koh侵犯以色列ê境界。
6:24 撒马利亚受围困
后来，亚南王聚集伊ê军队，起来围困撒马利亚。
6:25 撒马利亚大饥荒，in围困城，致使一个驴头值银八十舍客勒，鸽粪一khap ê四分之一值银五舍客勒。
6:26 以色列王tùi城墙经过ê时，有一个chabó͘人对伊求叫，讲：「我ê主，我ê王，帮赞我。」
6:27 王讲：「上主无帮赞你，我beh tùi tó位帮赞你？Kám是tùi稻埕á是tùi酒窟？」
6:28 王koh讲：「你有啥物艰苦？」她应讲：「Chitê chabó͘人对我讲，交出你ê kiáⁿ，咱今á日thang kā伊食，明á载咱食我ê kiáⁿ。」
6:29 阮就煮我ê kiáⁿ来食。隔tńg工我对她讲，交出你ê kiáⁿ，咱thang煮来食，总是，她kā她ê kiáⁿ藏起来。」
6:30 王听tio̍h chabó͘人ê话，to̍h拆裂衫，tùi城墙顶经过，人民看tio̍h伊，看tio̍h伊身躯ê衫是粗麻布。
6:31 王讲：「沙法ê kiáⁿ以利沙ê头壳，今á日若犹原连tī伊ê身躯，愿上主加倍kā我责罚！」
6:32 Hit时，以利沙坐tī厝内，长老mā kah伊做伙teh坐。王差一个人做头去，使者iáu未到伊hia，以利沙kā长老讲：「Lín看chitê凶手ê kiáⁿ，ná ē差人来取我ê头壳？Lín看，使者若来，to̍h tio̍h关门，阻止伊tī门外。tī伊ê后面kám无有伊ê主人ê脚步声？」
6:33 伊iáu kah in讲话ê时，你看，使者落去伊hia，讲：「你看，chitê灾祸tùi上主来ê，我ná tio̍h koh thèng候上主？」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。