列王纪上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
21:1 拿伯ê葡萄园
Chiahê tāichì了后，耶斯列人拿伯有葡萄园tī耶斯列，近撒马利亚王亚哈ê王宫。
21:2 亚哈kā拿伯讲：「你kā你ê葡萄园hō͘我，我thang做菜园，因为是近tī我ê王宫；我ē用koh khah好ê园kah你换，á是你若ài银，我to̍h照价钱hō͘你。」
21:3 拿伯kā亚哈讲：「Kā我ê祖先所留ê产业hō͘你，chitê tāichì愿上主禁止我。」
21:4 亚哈因为耶斯列人拿伯所讲ê话，就郁卒无欢喜，倒tńg去伊ê厝，因为拿伯bat讲：「我m̄ kā我ê祖先业hō͘你。」亚哈to̍h倒tī眠床，面ǹg内面，mā m̄食。
21:5 王后耶洗别来到伊hia，问伊讲：「你ê心内忧闷soah m̄食，是啥缘故？」
21:6 伊kā她讲：「因为我对耶斯列人拿伯讲：『你kā你ê葡萄园hō͘我，我用银hō͘你，á是你若ài，我to̍h用葡萄园换hō͘你。』伊讲：『我ê葡萄园，我m̄ hō͘你。』」
21:7 王后耶洗别kā伊讲：「你chit-chūn是teh管理以色列国á m̄是？做你起来食，hō͘你ê心欢喜，我ē kā耶斯列人拿伯ê葡萄园hō͘你。」
21:8 她to̍h用亚哈ê名写phoe，用王ê印来tǹg，寄hiahê phoe hō͘拿伯ê内城hiahê kah伊tòa做伙ê长老贵族。
21:9 她写tī phoe里ánne讲：「Lín tio̍h宣布禁食，hō͘拿伯坐tī人民中间ê高位；
21:10 koh设两 个匪类tī伊ê面前做见证，告伊讲：『你毁谤上主kah王！』然后kā伊拖出去，用石头kā伊tìm死。」
21:11 伊城内ê人，to̍h是tòa tī hitê城ê长老kah贵族，就照耶洗别所写ê话，to̍h是照伊寄hō͘ in ê phoe所写ê来行。
21:12 In宣布禁食，hō͘拿伯坐tī人民中间ê高位。
21:13 Hit两 个匪类入去，坐tī伊ê面前，匪类当人民ê面前做见证告拿伯，讲：「拿伯毁谤上主kah王！」Into̍h kā伊拖出城外，用石头kā伊tìm死。
21:14 然后to̍h差人去kā耶洗别讲：「拿伯已经hō͘石头tìm死à。」
21:15 耶洗别听tio̍h拿伯hō͘石头tìm死，to̍h kā亚哈讲：「你起来掌管耶斯列人拿伯m̄肯为tio̍h价钱hō͘你ê葡萄园，因为拿伯已经死，无命à。」
21:16 亚哈听tio̍h拿伯已经死，to̍h起来，落去耶斯列人拿伯ê葡萄园hia，beh来掌管。
21:17 上主ê话临到提斯比人以利亚，讲：
21:18 「你起来，去见tòa tī撒马利亚ê以色列王亚哈。伊落去拿伯ê葡萄园teh beh掌管，chit-chūn伊tī hia。
21:19 你tio̍h kā伊讲：『上主ánne讲：你kám有thâi死人koh掌管伊ê产业？』Koh tio̍h kā伊讲：『上主ánne讲：狗tī啥物所在舐拿伯ê血，狗mā ētī hia舐你ê血，to̍h是你本身ê血。』」
21:20 亚哈kā以利亚讲：「我ê对敌，你kám chhōeē tio̍h我？」伊应讲：「我chhōe tio̍h你，因为你出卖kakī ，行上主看做pháiⁿ ê tāichì。
21:21 上主讲：『我ē降灾祸hō͘你，beh kā你全部除灭。见若属亚哈ê chapo͘丁，无论受拘束ê á是自由ê，lóng tī以色列中kā伊剪除。
21:22 我ē hō͘你ê家亲像尼八ê kiáⁿ耶罗波安ê家，koh亲像亚希雅ê kiáⁿ巴沙ê家，因为你有悖逆激动我受气ê tāichì，koh hō͘以色列犯罪。』
21:23 讲tio̍h耶洗别，上主mā有讲：『狗会食耶洗别tī耶斯列ê外城。
21:24 属亚哈ê人，死tī城内ê，狗ē kā伊食，死tī田野ê，空中ê鸟ē kā伊食。』」
21:25 (总是，无人亲像亚哈，因为伊出卖kakī ，行上主看做pháiⁿ ê tāichì，是tùi伊ê王后耶洗别kā伊使弄ê。
21:26 伊行大可恶ê tāichì，因为伊tòe hiahê偶像，亲像上主tī以色列人ê面前所赶出ê亚摩利人ánne。)
21:27 亚哈听tio̍h chiahê话，to̍h拆裂衫，身躯穿粗麻布，禁食，困mā倒tī粗麻布，koh匀匀á行。
21:28 上主ê话临到提斯比人以利亚讲：
21:29 「亚哈ná ē tī我ê面前kakī 谦卑，你kám有看tio̍h？因为伊kakī tī我ê面前谦卑，所以，我无beh tī伊活leh ê日降chitê灾祸，是beh tī伊ê kiáⁿ ê日，降chitê灾祸tī伊ê家。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。