列王纪上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
16:1 上主ê话临到哈拿尼ê kiáⁿ耶户，攻击巴沙讲：
16:2 「我已经tùi尘埃ê中间kā你举起，设立你做我ê子民—以色列人ê君王，你竟然行耶罗波安ê路，hō͘我ê子民—以色列人犯罪，tùi in ê罪来激我受气。
16:3 你看，我ē kā巴沙kah伊ê家全部除灭，我mā ē hō͘你ê家亲像尼八ê kiáⁿ耶罗波安ê家ánne。
16:4 凡若属巴沙ê人，死tī城里ê，狗ē kā伊食，死tī田野ê，空中ê鸟ē kā伊食。」
16:5 巴沙其他ê tāichì kah伊所行ê，以及伊ê能力，kám无lóng记tī以色列列王ê记录？
16:6 巴沙kah伊ê祖先同困，埋葬tī得撒。伊ê kiáⁿ以拉续接伊做王。
16:7 上主ê话koh临到哈拿尼ê kiáⁿ，耶户先知，攻击巴沙mā攻击伊ê家，因为伊tī上主ê目chiu 前所行一切ê pháiⁿ，用伊ê手ê所做ê来激他ê受气，亲像耶罗波安ê家，mā因为伊phah死伊ê全家。
16:8 以色列王以拉
偤大王亚撒二十六年，巴沙ê kiáⁿ以拉tī得撒坐位做以色列王，共两年。
16:9 管理伊一半战车ê人臣心利背叛伊。当伊tī 得撒，to̍h是tī得撒ê管家A-cha̍p ê厝食酒醉ê时，
16:10 心利to̍h入去kā伊phah死，篡伊ê位。这是偤大王亚撒二十七年ê tāichì。
16:11 心利开始做王。当伊坐位ê时，就thâi死巴沙全家，无论亲人朋友，lóng无kā伊留kah半个chapo͘丁。
16:12 亲像ánne，心利灭巴沙全家，tútú照上主托耶户先知所讲hiahê攻击巴沙ê话。
16:13 这是因为巴沙一切ê罪kah伊ê kiáⁿ以拉ê罪；in两人所犯tio̍h ê mā hō͘以色列人犯tio̍h，in用虚假ê偶像来激上主—以色列ê上帝受气。
16:14 以拉其他ê tāichì，见若伊所行ê，kám无lóng记tī以色列chiahê王ê记录？
16:15 以色列王心利
偤大王亚撒二十七年，心利tī得撒做王七日。Hit时，人民tú-á扎营围攻腓利士ê Gip-be-thòng。
16:16 Tī营中ê人民听tio̍h心利背叛，kohthâi死王，所以，以色列人民hit日to̍h tī营中设立军长暗利做以色列王。
16:17 暗利kah以色列人民，tùi Gip-be-thòng上去围困得撒。
16:18 心利看tio̍h城已经破，to̍h入去王宫ê城堡，放火烧王宫，kakī 死tī内面。
16:19 这是因为伊所犯ê罪，是行上主所看做pháiⁿ ê，行耶罗波安ê路，照ánne行所犯ê罪，koh hō͘以色列人犯罪。
16:20 心利其他ê tāichì kah伊所行背叛ê tāichì，kám无记tī以色列chiahê王ê记录？
16:21 以色列王暗利
Hit时，以色列人民分做两pêng；一半tòe基纳ê kiáⁿ Thê-pí-nî，beh kā伊设立做王；另外一半tòe暗利。
16:22 总是，tòe暗利ê人民赢过tòe基纳ê kiáⁿ Thê-pí-nî ê人。Thê-pí-nî死了后，暗利to̍h做王。
16:23 偤大王亚撒三十一年，暗利坐位做以色列王，共十二年；tī得撒做王六年。
16:24 暗利用两他连得ê银tùi Sal-má买撒马利亚山，tī山顶起造，就照hitê山ê原主Sal-má ê名，kā所起ê城号名叫做撒马利亚。
16:25 暗利行上主看做pháiⁿ ê tāichì，比伊以前所有ê王koh khah pháiⁿ。
16:26 因为伊行尼八ê kiáⁿ耶罗波安ê路，koh行伊hō͘以色列人所犯ê罪，用虚假ê偶像来激上主—以色列ê上帝受气。
16:27 暗利其他所行ê tāichì kah伊所显出ê能力，kám无记tī以色列chiahê王ê记录？
16:28 暗利kah伊ê祖先同困，埋葬tī撒马利亚。伊ê kiáⁿ亚哈续接伊做王。
16:29 以色列王亚哈
偤大王亚撒三十八年，暗利ê kiáⁿ亚哈坐位，做以色列王。暗利ê kiáⁿ亚哈tī撒马利亚做以色列王二十二年。
16:30 暗利ê kiáⁿ亚哈行上主看做pháiⁿ ê tāichì，比伊以前所有ê王koh khah pháiⁿ。
16:31 伊行尼八ê kiáⁿ耶罗波安ê罪，iáu koh掠做是小khóa tāichì；伊koh娶西顿王Iat-pa-le̍k ê chabó͘ kiáⁿ耶洗别做bó͘，去服事巴力，来kā伊敬拜。
16:32 伊tī撒马利亚起巴力ê庙，tī庙内kā巴力起坛。
16:33 亚哈koh造亚舍拉；亚哈所行ê tāichì激起上主—以色列ê上帝ê受气，比伊以前ê以色列列王koh khah伤重。
16:34 当伊坐位ê时，有伯特利人Hi-el重起耶利哥城；hē地基ê时，死大kiáⁿ亚比兰，hē门ê时，死soah尾kiáⁿ Se-gup，tú照上主托嫩ê kiáⁿ约书亚所讲ê话。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。