列王纪上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
15:1 偤大王亚比央
(代下13：1-14：1)
尼八ê kiáⁿ耶罗波安做王十八年了后，亚比央坐位做偤大王。
15:2 伊tī耶路撒冷做王三年，伊ê老母ê名叫做玛迦，是押沙龙ê chabó͘ kiáⁿ。
15:3 亚比央照ánne行伊ê老父早前所行一切ê罪恶；伊ê心无亲像伊ê祖先大卫ê心，专一ǹg上主—伊ê上帝。
15:4 总是，上主—伊ê上帝因为大卫ê缘故，hō͘伊tī耶路撒冷有一葩灯，hō͘伊ê kiáⁿ续接伊ê位，koh hō͘耶路撒冷坚固。
15:5 因为大卫除灭赫人乌利亚hit件tāichì以外，lóng是行上主所看做好ê，一生无违背上主所命令伊ê。
15:6 罗波安kah耶罗波安一生tiāⁿ-tiāⁿ 交战。
15:7 亚比央其他ê tāichì，见若伊所行ê，kám无记tī偤大列王ê记录？亚比央mā有kah耶罗波安交战。
15:8 亚比央kah伊ê祖先同困，人kā伊埋葬tī大卫ê城。伊ê kiáⁿ亚撒续接伊做王。
15:9 偤大王亚撒
(代下15：16-16：6)
以色列王耶罗波安坐位二十年，亚撒开始tī偤大做王。
15:10 伊tī耶路撒冷做王四十一年，伊ê阿妈名叫做玛迦，是押沙龙ê chabó͘ kiáⁿ。
15:11 亚撒行上主所看做好ê，亲像伊ê祖先大卫。
15:12 tùi国内除去男性庙倡，koh除去伊ê祖先所做ê所有偶像；
15:13 koh废除伊ê阿妈—玛迦太后ê位，因为她bat为亚舍拉妆可恶ê像。亚撒锉它ê像，tī汲沦溪边kā它烧掉。
15:14 独独山头坛伊无kā它废弃，总是，亚撒一生用专一ê心归ǹg上主。
15:15 伊kā伊ê老父所分别做圣，以及伊本身所分别做圣ê金、银kah器具，lóng带来到上主ê殿。
15:16 亚撒kah以色列王巴沙一生ê日tiāⁿ-tiāⁿ 交战。
15:17 以色列王巴沙起来攻击偤大，起拉玛城，beh阻挡人tī偤大王亚撒hia出入。
15:18 亚撒to̍h kā上主圣殿ê金库kah王宫ê金库，所chhun落来ê金银lóng交hō͘伊ê奴仆。亚撒王差in到tòa tī大马士革ê亚南王Hi-sûn ê孙，Tha-pek-lī-bún ê kiáⁿ便哈达 hia，讲：
15:19 「我kah你亲像我ê老父kah你ê老父有约，taⁿ我用金银做礼物送你，请你去废除你kah以色列王巴沙所立ê约，hō͘伊离开我。」
15:20 便哈达就遵thàn亚撒王ê话，差伊hiahê军长去攻击以色列ê城；伊to̍h攻破以伦、但、亚伯伯玛迦、基尼烈全地kah拿弗他利全地。
15:21 巴沙听tioh8to̍h停工，无koh起拉玛城；就tòa tī得撒。
15:22 就ánne，亚撒王出命令hō͘偤大群众，无一个人ē推辞得；in to̍h搬徙巴沙所用来起拉玛城ê石头kah柴；亚撒王用chiahê石头kah柴来起便雅悯ê迦巴kah米斯巴。
15:23 亚撒其他ê tāichì kah伊ê能力，以及伊一切ê所做kah伊所起ê城，kám无记tī偤大列王ê记录？亚撒年老ê时，伊ê脚有破病。
15:24 亚撒kah伊ê祖先同困，kah伊ê祖先葬tī伊ê祖先大卫ê城。伊ê kiáⁿ约沙法续接伊做王。
15:25 以色列王拿答
偤大王亚撒二年，耶罗波安ê kiáⁿ拿答开始tī以色列做王，伊tī以色列做王两年。
15:26 拿答行上主所看做pháiⁿ ê tāichì，伊照ánne行伊ê老父ê路，koh犯tio̍h伊ê老父hō͘以色列人所犯ê罪。
15:27 以萨迦族亚希雅ê kiáⁿ巴沙背叛拿答。巴沙tī腓利士人ê Gip-be-thòng kā伊phah死。Hit时，拿答kah以色列人民围困Gip-be-thòng。
15:28 偤大王亚撒三年，巴沙kā伊phah死来篡伊ê位。
15:29 伊一下做王就phah死耶罗波安全家；见若有喘气ê，无kā耶罗波安留kah半个，所有ê lóng kā伊灭掉；这是照上主托他ê奴仆示罗人亚希雅所讲ê话。
15:30 这是因为耶罗波安所犯ê罪kah伊hō͘以色列人所犯ê罪，koh因为伊所激动上主—以色列ê上帝ê受气。
15:31 拿答其他ê tāichì，见若伊所行ê，kám无lóng记tī以色列列王ê记录？
15:32 亚撒kah以色列王巴沙一生tiāⁿ-tiāⁿ 交战。
15:33 以色列王巴沙
偤大王亚撒三年，亚希雅ê kiáⁿ巴沙tī得撒坐位做以色列人民ê王，共二十四年。
15:34 伊行上主所看做pháiⁿ ê tāichì，行耶罗波安ê路kah伊hō͘以色列人所犯ê罪。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。