列王纪上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
14:1 耶罗波安ê Kiáⁿ ê死亡
Hit时，耶罗波安ê kiáⁿ亚比雅破病。
14:2 耶罗波安对伊ê bó͘讲：「你起来改妆，hō͘人m̄知你是耶罗波安ê bó͘。然后去示罗，tī hia有亚希雅先知，关系我伊bat讲，我ē做chiahê人民ê王。
14:3 Taⁿ你ê手tio̍h带十块面包kah几块á薄饼，以及一矸蜜去见伊，伊ē kā你讲咱ê kiáⁿē án怎。」
14:4 耶罗波安ê bó͘就照ánne去行，起身去示罗，来到亚希雅ê家。亚希雅因为年老，目chiu 柴柴看bē tio̍h。
14:5 上主kā亚希雅讲：「你看，耶罗波安ê bó͘来beh为tio̍h伊ê kiáⁿ来问你，因为伊有破病。你tio̍h ánne ánne kā她讲。耶罗波安ê bó͘入来ê时，会妆做别个 chabó͘人。」
14:6 她tú-á入门，亚希雅听tio̍h她ê脚步声，to̍h讲：「耶罗波安ê bó͘，入来！你ná ē妆做别个 chabó͘人？我奉差遣来报你pháiⁿ消息。
14:7 你tńg去kā耶罗波安讲：上主—以色列ê上帝ánne讲：『我tùi人民中举起你，设立你做我ê以色列人民ê君王，
14:8 tùi大卫家拆裂国，赏赐hō͘你。总是，你无亲像我ê奴仆—大卫遵守我ê诫命，一心tòe我，专心行我看做正直ê tāichì。
14:9 你竟然行pháiⁿ，赢过一切tī你以前ê王。因为你为kakī 造别个神明，koh铸偶像，激我ê受气，kā我弃sak tī你ê尻脊后。
14:10 因为ánne，我ē hō͘灾祸临到耶罗波安ê家，我ē剪除属耶罗波安ê chapo͘丁，无论受拘束ê á是自由ê，tī以色列mā beh全部除去耶罗波安ê家，亲像人除去粪埽，到全部除了。
14:11 见若属耶罗波安ê人，死tī城内ê，狗ē kā伊食；死tī田野ê，空中ê鸟ē kā伊食，因为上主已经讲过à。』」
14:12 Taⁿ你起来tńg去你ê家，你ê脚一下踏入城，你ê kiaN2to̍h ē死。
14:13 以色列人民ē为伊啼哭，kā伊埋葬，因为属耶罗波安ê人，只有伊得tio̍h入墓。因为tī耶罗波安ê厝内，只有伊ǹg上主—以色列ê上帝显出好事。
14:14 上主ē为kakī 兴起一个王，来管理以色列。Tī hit日，他ē剪除耶罗波安ê家。Tī tang时？Chit时to̍h是。
14:15 因为上主ēphah以色列人，亲像水中ê芦苇teh摇，koh ētī他所赏赐hō͘ in祖先ê好地拔出以色列ê根，hō͘ in tī大河hit-pêng四散，因为in造in ê 亚舍拉，激上主ê受气。
14:16 因为耶罗波安ê罪，to̍h是伊本身所犯ê罪，koh hō͘以色列人犯罪，所以，上主ē弃sak以色列。」
14:17 耶罗波安ê bó͘出发，tńg去到得撒，tú-á到厝ê户碇，她ê kiáⁿ就死。
14:18 以色列人民kā伊埋葬，为伊啼哭，照上主托他ê奴仆亚希雅先知所讲ê话。
14:19 耶罗波安死去
耶罗波安其他ê tāichì，伊án怎交战，án怎做王，lóng写tī以色列列王ê记录。
14:20 耶罗波安做王，共二十二年，to̍h kah伊ê祖先做伙困。伊ê kiáⁿ拿答续接伊做王。
14:21 偤大王罗波安
(代下11：5-12：15)
所罗门ê kiáⁿ罗波安tī偤大做王。罗波安坐位ê时，四十一岁，tī耶路撒冷，to̍h是上主tùi以色列众支族中所拣来安置他ê名ê城，做王十七年。伊ê老母ê名叫做拿玛，是亚扪人。
14:22 偤大国行上主所看做pháiⁿ ê tāichì，伊所行ê罪激动他痛恨，比in祖先所做ê koh khah pháiⁿ。
14:23 因为in tī ta̍k个高山，ta̍k欉青翠ê树脚起坛，造柱像kah 亚舍拉。
14:24 国内mā有男性庙倡。In学hiahê上主tī以色列人ê面前所赶出ê列国，来行一切可恶ê tāichì。
14:25 罗波安王五年，埃及王示撒起来攻击耶路撒冷，
14:26 抢上主圣殿ê宝物kah王宫ê宝物，lóng带走去，koh抢所罗门所做hiahê金ê屏牌。
14:27 罗波安王做铜ê屏牌来代替，交hō͘顾守王宫门ê侍卫长来顾守。
14:28 王ta̍k pái入去上主ê殿，侍卫就带chiahê屏牌去，然后koh带倒tńg去，hē tī侍卫ê厝。
14:29 罗波安其他ê tāichì，见若伊所行ê，kám无记tī偤大列王ê记录？
14:30 罗波安kah耶罗波安tiāⁿ-tiāⁿ 交战。
14:31 罗波安kah伊ê祖先同困，kah伊ê祖先葬tī大卫ê城。伊ê老母ê名叫做拿玛，是亚扪人。罗波安ê kiáⁿ亚比央续接伊做王。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。