列王纪上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
13:1 Hit时，有一个上帝ê奴仆，遵thàn上主ê话，tùi偤大来到伯特利。耶罗波安tú-á khiā tī坛边，beh烧香。
13:2 伊遵thàn上主ê话，攻击hitê坛，大声hoah：「坛，坛，上主ánne讲：『你看，ē有一个kiáⁿ出世tī大卫ê家，名叫做约西亚，伊beh kā山头坛ê祭司，to̍h是tī你ê顶面烧香ê，献tī你ê顶面，mā ē kā人ê骨头烧tī你ê顶面。』」
13:3 仝hit日，伊mā出一个兆头，讲：「你看，chitê坛会破裂，坛顶ê火灰会piàⁿ落去，chitê to̍h是上主所讲ê兆头。」
13:4 耶罗波安王听tio̍h上帝ê奴仆攻击伯特利ê坛所hoah ê话，伊to̍h对坛顶伸手，讲：「Tio̍h kā伊掠起来！」伊所伸beh掠伊ê手就干去，bē tàng koh kiu倒tńg去。
13:5 坛mā破裂，坛顶ê火灰mā piàⁿ落来，tú照上帝ê奴仆遵thàn上主ê话所讲出ê兆头。
13:6 王应上帝ê奴仆讲：「请你求上主—你ê上帝ê恩，替我祈祷，hō͘我ê手复原。」就ánne，上帝ê奴仆对上主祈祷，王ê手就复原，照起头ê款。
13:7 王kā上帝ê奴仆讲：「请你kah我tńg去阮tau食点心，我mā beh送你物件。」
13:8 上帝ê奴仆kā王讲：「你准若kā你王宫ê一半hō͘我，我mā m̄ kah你去，mā m̄ tī chit所在食饼lim水，
13:9 因为上主ê话ánne吩咐我讲：『你m̄ thang食饼，m̄ thang lim水，mā m̄ thang tùi你ê原路tńg来。』」
13:10 伊to̍htui3别条路去，无tùi来伯特利ê时行ê hit条tńg去。
13:11 伯特利ê老先知
有一个老先知tòa tī伯特利，伊ê kiáⁿ来到位，用上帝ê奴仆当日tī伯特利所行ê kā伊讲，koh kā伊对王所讲一切ê话lóng kā老父讲。
13:12 老父对in讲：「伊tùi tó一条路去？」因为伊ê kiáⁿ有看tio̍h tùi偤大来ê上帝ê奴仆所去ê路。
13:13 伊to̍h吩咐伊ê kiáⁿ讲：「Lín kā我准备驴。」In准备驴好势，伊to̍h骑驴á，
13:14 去jiok上帝ê奴仆，tú tio̍h伊坐tī橡树脚，to̍h问伊讲：「你是tùi偤大来ê上帝ê奴仆á m̄是？」伊讲：「我to̍h是。」
13:15 老先知to̍h kā伊讲：「请你kah我来去阮tau食饼。」
13:16 上帝ê奴仆to̍h讲：「我bē tàng kah你去，bē tàng入去你ê家，mā bē tàng tī chit所在kah你食饼lim水；
13:17 因为上主ê话ánne kā我讲：『你tī hia m̄ thang食饼，m̄ thang lim水，mā m̄ thang tùi你去ê路tńg来。』」
13:18 老先知to̍h kā伊讲：「我mā是先知，kah你相siâng。有天使用上主ê话kā我讲：『你chhōa伊kah你tńg去你ê厝，hō͘伊食饼lim水。』」这lóng是老先知teh kā伊骗。
13:19 上帝ê奴仆to̍h kah老先知去，tī伊ê家食饼lim水。
13:20 两人坐桌ê时，上主ê话临到hitê chhōa伊tńg来ê先知。
13:21 伊to̍hhoah hitê tùi偤大来ê上帝ê奴仆讲：「上主ánne讲：『因为你违背上主ê话，无守上主—你ê上帝所命令你ê，
13:22 tī他所吩咐你讲：Tī hia m̄ thang食饼，m̄ thang lim水ê所在食饼lim水，所以，你ê身尸bē tàng入tī你祖先ê墓。』」
13:23 食饼lim水了后，伊to̍hka7伊所chhōa tńg来ê先知准备驴。
13:24 伊离开了后，tī路里有tú tio̍h一只狮kā伊咬死，身尸放tī路里，驴á khiā tī伊ê身边，狮mā khiā tī伊ê身尸边。
13:25 有人tùi hia经过，看tio̍h身尸放tī路里，狮mā khiā tī身尸ê边á，to̍h来老先知所tòa ê城，讲起chitê tāichì。
13:26 Hitê chhōa伊tùi路tńg来ê老先知听tioh8to̍h讲：「这是hitê上帝ê奴仆，伊违背上主ê话ê，所以，上主kā伊交hō͘狮，狮kā伊peh拆，kā伊咬死；是照上主对伊讲ê话。」
13:27 伊to̍h吩咐伊ê kiáⁿ讲：「Lín kā我准备驴。」In就准备。
13:28 伊去，看tio̍h伊ê身尸放tī路里，驴á kah狮khiā tī身尸ê边á；狮无食伊ê身尸，mā无peh拆驴á。
13:29 先知to̍h kā上帝ê奴仆ê身尸hē tī驴á ê顶面载tńg来，来到老先知ê城，beh为伊啼哭，来kā伊埋葬。
13:30 伊to̍hka7伊ê身尸葬tī kakī ê墓，人to̍h为伊啼哭，讲：「Ai-ah，我ê阿兄！」
13:31 埋葬了后，伊to̍hka7伊ê kiáⁿ讲：「我死了后，lín tio̍h kā我埋葬tī上帝ê奴仆所埋葬ê墓内，hō͘我ê骨头óa tī伊ê骨头，
13:32 因为伊用上主ê话大声hoah，来攻击伯特利ê坛，攻击撒马利亚chiahê城所有ê山头庙，伊ê话一定ē应验。」
13:33 耶罗波安致命ê罪
Chitê tāichì了后，耶罗波安犹原无离开伊ê pháiⁿ路，koh tùi众人中设立山头ê祭司，见若ài ・ê，就分别伊，hō͘伊做山头ê祭司。
13:34 Chitê tāichì成做耶罗波安ê家ê罪，致使beh tùi地chiūⁿkā伊剪除，kā伊灭掉。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。