列王纪上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
11:1 所罗门弃sak上主
所罗门王tī法老ê chabó͘ kiáⁿ以外，koh疼真chē外邦ê chabó͘ gín-á，to̍h是摩押、亚扪、以东、西顿ê赫人ê chabó͘ gín-á。
11:2 关系chiahê列国，上主bat吩咐以色列人讲：「Lín m̄ thang去in hia，in mā m̄ thang来lín chia，因为inē hō͘ lín ê心偏歪，去tòe in ê神明。」总是，所罗门恋爱hiahê chabó͘ gín-á，koh kah in结联。
11:3 伊有后妃七百，lóng是贵族ê，koh有嫔妃三百。Chiahê女子诱惑伊ê心。
11:4 因为所罗门年老ê时，伊hiahê bó͘诱惑伊ê心，去tòe别个神明；伊ê心无完全ǹg上主—伊ê上帝，亲像伊ê老父大卫ê心。
11:5 所罗门去tòe西顿人ê女神亚斯她录，kah亚扪人可恶ê神明Bí-le̍k-kong。
11:6 所罗门行上主所看做pháiⁿ ê tāichì，无专心tòe上主，亲像伊ê老父大卫。
11:7 Hit时，所罗门为tio̍h摩押可恶ê神明基抹kah亚扪人可恶ê神明摩洛，tī耶路撒冷头前ê山起山头坛。
11:8 Hiahê外邦ê bó͘ lóng烧香祭祀in ê神明，伊mā为tio̍h in照ánne做。
11:9 上主受气所罗门，因为伊ê心离开上主—以色列ê上帝，to̍h是bat两pái对伊出现ê。
11:10 关系chitê tāichì，上主mā bat命令伊，m̄ thang tòe别个神明，总是，伊无守上主所命令ê。
11:11 所以，上主对所罗门讲：「因为你已经行chitê tāichì，无守我所命令你tio̍h守ê约kah我ê律例，我beh对你来拆裂你ê国，kā它赏赐hō͘你ê奴仆。
11:12 总是，因为你ê老父大卫ê缘故，我无beh tī你活leh ê日行chitê tāichì。我beh tùi你ê kiáⁿ ê手kā它拆裂。
11:13 总是，我无kā全国拆裂，会带念tio̍h我ê奴仆—大卫kah我所拣ê耶路撒冷，留一支族hō͘你ê kiáⁿ。」
11:14 所罗门ê仇敌
上主兴起一个对敌来攻击所罗门，to̍h是以东人哈达；伊是以东王ê kiáⁿ孙。
11:15 早前大卫phah以东，伊ê军长约押上去埋葬阵亡ê人ê时，kā以东ê chapo͘丁long2thâi死。
11:16 约押kah以色列人民tòa hia六月日，一直到kā以东ê chapo͘丁全部剪除。
11:17 Hit时，哈达iáu是细汉ê gín-á。哈达kah伊ê老父ê人臣中几nā个以东人走去埃及。
11:18 In tùi米甸起来，来到巴兰；tùi巴兰chhōa几nā个人kah in去埃及，来到埃及王法老hia。法老to̍h hō͘ in厝tòa，配定tio̍h ê米粮hō͘ in，koh hō͘ in田地。
11:19 哈达tī法老ê面前大大得tio̍h恩惠，法老koh kā伊ê bó͘ ê小妹，to̍h是王后答比匿ê小妹，hō͘伊做bó͘。
11:20 答比匿ê小妹kā伊生一个kiáⁿ，名叫做Ge-nu-bat。答比匿tī法老ê王宫kā伊断奶。Ge-nu-bat kah法老ê众kiáⁿ做伙tòa tī法老ê王宫。
11:21 哈达tī埃及听tio̍h大卫kah伊ê祖先做伙困，军长约押 mā已经死。哈达to̍h对法老讲：「请容允我去，hō͘我tńg去我ê本国。」
11:22 法老kā伊讲：「你tī我chia有啥物欠缺，你竟然ài beh tńg去本国？」伊应讲：「我无欠缺啥物，总是，请容允我tńg去。」
11:23 上主koh兴起一个对敌攻击所罗门，to̍h是E-li-a-tah ê kiáⁿ Le-chóng，伊是tùi伊ê主琐巴王哈大底谢hia逃走来ê。
11:24 大卫thâi琐巴人ê时，Le-chóng招集人来óa伊，做hit党ê头，走去大马士革，tòa tī hia，koh tī大马士革做王。
11:25 所罗门活leh ê时，除了哈达成做灾害以外，Le-chóng mā做以色列ê对敌。伊怨恨以色列，mā成做亚南人ê王。
11:26 上主对耶罗波安ê应允
尼八ê kiáⁿ耶罗波安是以法连族，Che-le-tah人，伊是所罗门ê奴仆，mā起手来攻击王。伊ê老母是寡妇，名叫做Che-lu-iah。
11:27 伊起手攻击王ê缘故是照下底所记ê：所罗门起米罗城，修补伊ê老父大卫ê城ê破隙。
11:28 耶罗波安是大勇士，所罗门看tio̍h chitê少年人殷勤，to̍h派伊管理约瑟ê家一切ê工。
11:29 Hit时，耶罗波安tùi耶路撒冷出来，示罗人亚希雅先知tī路里tú tio̍h伊；hit时伊有穿一领新衫。In两人tī田里，以外无别人。
11:30 亚希雅the̍h伊所穿ê新衫，拆做十二块，
11:31 kā耶罗波安讲：「你thang the̍h十块，因为上主—以色列ê上帝ánne讲：『你看，我beh tùi所罗门ê手拆裂伊ê国，kā十支族hō͘你。』
11:32 (独独因为我ê奴仆—大卫ê缘故，kah我tī以色列众支族中所拣ê耶路撒冷ê缘故，伊iáu有一支族)
11:33 因为in弃sak我，去敬拜西顿人ê神明亚斯她录，摩押ê神明基抹，kah亚扪人ê神明Mil-kham。In无行我ê道路，mā无做我看做正直ê tāichì，koh无守我ê律例kah法度，亲像伊ê老父大卫ê所做。
11:34 总是，我无beh tùi伊ê手抢伊ê全国，是beh hō͘伊一世人做君王；这是因为我ê奴仆—大卫ê缘故，因为伊是我所拣选ê，伊有守我ê律例kah法度。
11:35 总是，我beh tùi伊ê kiáⁿ ê手抢伊ê国，kā十支族hō͘你，
11:36 kā一支族hō͘伊ê kiáⁿ，hō͘我ê奴仆—大卫tī我ê面前，tiāⁿ-tiāⁿ 有一葩灯tī耶路撒冷，to̍h是我所拣ê，thang tī hia安置我ê名ê城。
11:37 我beh取你，你ē做以色列ê王，照你ê心一切所ài ê来管理。
11:38 你若听我一切所命令你ê，行我ê道路，做我看做正直ê tāichì，守我ê律例kah法度，亲像我ê奴仆—大卫ê所做，我to̍h kah你同在，kā你建立坚固ê家，亲像我kā大卫建立ê，koh beh kā以色列交hō͘你。
11:39 因为这我beh hō͘大卫ê kiáⁿ孙困苦，总是，无到永远。』」
11:40 为tio̍h ánne，所罗门ài behthâi死耶罗波安。耶罗波安to̍h逃走去埃及，来到埃及王示撒hia，就tòa tī埃及，直到所罗门死去。
11:41 所罗门ê死亡
(代下9：29-31)
所罗门其他ê tāichì，见若伊所行ê kah伊ê智慧，kám无lóng记tī所罗门ê行传？
11:42 所罗门tī耶路撒冷做以色列全国ê王，共四十年。
11:43 所罗门kah伊ê祖先做伙困，埋葬tī伊ê老父大卫ê城。伊ê kiáⁿ罗波安续接伊做王。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。