列王纪上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
7:1 所罗门ê王宫
所罗门起kakī ê厝，用十三年厝chiah起好。
7:2 伊koh起黎巴嫩树林ê厝，长一百肘，阔五十肘，高三十肘，有柏香柴ê柱四chōa，柱顶有柏香柴ê楹á。
7:3 顶面用柏香柴盖，盖tī四十五支柱顶ê楹á，每chōa十五支柱。
7:4 Koh有窗门三chōa，窗kah窗相对，三chōa lóng是ánne。
7:5 Chiahê门kah门框是用柴做ê，lóng是四方；有窗门三chōa，窗kah窗相对；三chōa lóng是ánne。
7:6 伊koh起有柱ê门廊，长五十肘，阔三十肘；tī in ê头前koh有门廊，tī in ê头前有柱kah户碇。
7:7 伊koh起座位ê廊，to̍h是审判ê廊，thang tī hia审判；chitê廊tùi地板到天罗板，lóng是用柏香柴盖。
7:8 所罗门kakī 所beh tòa ê厝，是tī廊后ê另外一个院内，起造ê方法相仝。所罗门娶法老ê chabó͘ kiáⁿ，mā kā她起一间厝，起法kah chitê廊相仝。
7:9 伊起chiahê lóng是用宝贝ê石；照寸尺来phah好ê石，内外用锯á锯hō͘齐；tùi地基到帘檐，tùi外面到大院lóng是ánne。
7:10 地基是用siōng贵koh好ê石，是大块石，有十肘ê石，有八肘ê石。
7:11 顶面有上等ê石，是照寸尺phah好ê石，mā有柏香柴。
7:12 大院四箍围有phah好ê石三匀，柏香柴一匀所起造ê墙，lóng亲像上主ê殿ê内院kah殿ê廊。
7:13 希南ê任务
所罗门王差人tùi推罗kā希南召来。
7:14 伊是拿弗他利支族中一个寡妇ê kiáⁿ，伊ê老父是推罗人，是phah铜师傅。希南有智慧koh聪明，本事满满，gâu phah ta̍k项ê铜器，伊来所罗门hia，做伊所有ê工。
7:15 两支铜柱
(代下3：15-17)
希南制造两支铜柱，每支高十八肘，柱ê四箍围十二肘。
7:16 伊koh用铜来铸两 个柱斗，hē tī柱顶；chitê柱斗高五肘，hitê柱斗mā高五肘。
7:17 柱顶ê柱斗有刺一目一目ê网á kah一环一环ê链á；chitê柱斗有七个链á，hitê柱斗mā有七个。
7:18 伊tī网á ê四箍围造石榴两chōa，用来遮盖柱顶ê柱斗；hitê柱斗mā是ánne。
7:19 廊ê内面ê柱顶ê柱斗，有刻百合花，koân四肘。
7:20 两支柱顶，近网á边膨圆ê所在，有柱斗，koh有石榴两百粒tī第二个柱斗，ta̍k chōa kā它围teh。
7:21 伊khiā两支柱tī殿ê门廊，khiā tī正pêng ê柱名叫做雅斤，khiā tī倒pêng ê名叫做波阿斯。
7:22 伊tī柱顶刻百合花。Αń-ne造柱ê工就完成。
7:23 铜海
(代下4：2-5)
希南koh铸一个铜海，款式是圆ê，高五肘，tùi chit pêng到hit-pêng十肘，四箍围三十肘。
7:24 Tī它ê墘ê下面，有瓠á ê款式围teh；每肘十粒来围hitê铜海。瓠á有两chōa，铸铜海ê时顺续铸ê。
7:25 铜海挂（khòa）tī十二只铜牛ê顶面，三只ǹg北，三只ǹg西，三只ǹg南，三只ǹg东；铜海hē tī牛ê顶面，牛尾ǹg内面。
7:26 铜海厚一巴掌，它ê墘亲像杯ê墘，koh亲像百合花。它thang贮二千罢特（注：液体容量单位，mā叫做「伊法」，44,000公升）。
7:27 铜座
伊用铜做十个座，每座长四肘，阔四肘，高 三肘。
7:28 Ta̍k个座ê款式是ánne：四pêng lóng有隔堵，它ê隔堵tī四个角ê所在相接。
7:29 Tī它ê四角相接ê所在，以及tī隔堵ê顶面有狮kah牛，以及ki-lō͘-peng；tī四角相接ê所在ê顶面有小座，狮kah牛ê下面有垂花环ê须。
7:30 Ta̍k个座有四个铜轮kah铜ê轴心；盆ê四脚各有架，架铸tī盆ê下面，ta̍k个架ê边á有花环ê须。
7:31 盆ê嘴tī斗ê内面ǹg顶面，深一肘；它ê嘴是圆ê，亲像小座ê款式，一肘半；tī它ê嘴有雕刻，它ê隔堵是四角形ê，m̄是圆ê。
7:32 四个轮tī隔堵ê下面，轮ê轴心kah座相连，ta̍k个轮高一肘半。
7:33 轮ê款亲像车轮ê款；它ê轴心，它ê外环，它ê轵（注：车轮横杆ê尾溜），它ê内环，lóng是铸ê。
7:34 座ê四角有四个架，架kah座连做一个。
7:35 座ê顶面有圆ê缘，高半肘；座ê顶面有它ê托á kah它ê隔堵，lóng kah座连做一个。
7:36 它ê托á ê板kah它ê隔堵ê顶面，照它ê空位，伊刻ki-lō͘-peng kah狮，kah枣树，四箍围有刻花环。
7:37 伊照ánne做十个铜座，in ê铸法、寸尺kah款式lóng相仝。
7:38 伊koh造铜盆十个，每盆thang贮四十罢特。Ta̍k个盆ê直径四肘，十个铜座ê顶面，ta̍k个座hē一个盆。
7:39 Hiahê铜座，五个hē tī殿ê正pêng，五个hē tī殿ê倒pêng，koh kā铜海hē tī殿ê正pêng，殿ê东南角ê所在。
7:40 圣殿器物总表
(代下4：11-5：1)
希南koh做盆、托á kah盘。就ánne，希南为tio̍h所罗门王做完上主ê殿一切ê工。
7:41 伊所做ê工to̍h是：两支柱kah柱顶ê柱斗ê两粒球，以及盖tī柱顶柱斗ê球ê两 个网；
7:42 为两 个网做四百粒石榴；一个网有两chōa ê石榴，来围柱顶柱斗ê两粒球；
7:43 十个座kah座顶ê十个盆；
7:44 铜海一个，kah铜海下面ê十二只牛；
7:45 盆、托á kah盘。Chiahê一切lóng是希南为所罗门王做ê上主ê殿ê器具，lóng是用磨光ê铜来做ê；
7:46 是王tī约旦河ê平原，tī疏割kah撒拉但ê中间，tī黏土ê地，用黏土ê模á铸成ê。
7:47 Chiahê一切ê器具，所罗门lóng无过秤，因为非常chē，铜ê轻重mā bē tàng知。
7:48 所罗门mā做上主ê殿内一切ê器具，to̍h是金坛kah排列饼ê桌，是用金做ê；
7:49 后殿ê头前ê灯台，正pêng五个，倒pêng五个，lóng是用纯金做ê；它ê花、它ê灯、它ê钳，是用金做ê；
7:50 它ê杯、它ê剪刀、它ê碗、它ê匙、它ê火鼎，是用纯金做ê；koh有门臼，to̍h是后殿至圣所kah前殿ê门臼，lóng是用金做ê。
7:51 Án-ne，所罗门王做完上主ê殿一切ê工。所罗门kā伊ê老父大卫所献ê物带入去，kā银、金kah器具，hē tī上主ê殿ê库房。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。