列王纪上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
5:1 所罗门准备起造圣殿
(代下2：1-18)
推罗王希南差伊ê奴仆去见所罗门，因为伊听tio̍h人用油kā伊抹来续接伊ê老父做王；因为希南平时疼大卫。
5:2 所罗门mā差人去见希南，讲：
5:3 「你知我ê老父大卫，因为四箍围四方ê交战，bē tàng为上主—伊ê上帝ê名起殿，一直到上主kā对敌hē tī伊ê脚前。
5:4 Taⁿ上主—我ê上帝已经赏赐我四方平安，致使无对敌，无灾祸。
5:5 我ê意思是beh为上主—我ê上帝ê名起殿，是照上主应允我ê老父大卫ê话，他讲：『我beh hō͘你ê kiáⁿ续接你，坐你ê位，伊beh为我ê名起殿。』
5:6 所以，请你命令人，tī黎巴嫩kā我锉柏香柴，我ê奴仆ē kah你ê奴仆做伙做，我mā ē照见若你所定tio̍h ê，kā你ê奴仆ê工钱交hō͘你，因为你知，tī阮中间无人亲像西顿人hiah gâu锉树。」
5:7 希南听tio̍h所罗门ê话，to̍h真欢喜，讲：「今á日应该oló上主，因为他赏赐大卫一个有智慧ê kiáⁿ，来治理chiah chē ê人民。」
5:8 希南差人去见所罗门讲：「你差人所对我讲ê tāichì，我有听tio̍h；讲tio̍h柏香柴kah松树ê柴，我ē照你ê心愿来做。
5:9 我ê奴仆ē tùi黎巴嫩kā它运落海，我ēká kui排浮tī海里，到你所kā我指定ê所在，我ētī hia拆开，你thang接收；你用食物hō͘我ê家，成我ê心愿。」
5:10 希南to̍h用柏香柴kah松树ê柴，照伊一切所爱ê hō͘所罗门。
5:11 所罗门hō͘希南二万歌珥ê小麦，二十歌珥ê清油，做伊厝内ê食物。所罗门ta̍k年照ánne hō͘希南。
5:12 上主照他所应允ê，赏赐智慧hō͘所罗门。希南kah所罗门ê中间有和平，in两人做伙立约。
5:13 所罗门王tùi以色列人民ê中间派人工，所派ê人工共三万。
5:14 伊ta̍k月日轮流派一万人到黎巴嫩；所以in一月日tī黎巴嫩，两月日tī厝内。A-to-nî-lâm是负责督工ê。
5:15 所罗门有担工七万，有八万人tī山里phah石。
5:16 Chiahê以外，所罗门有用督工ê大官三千三百人，in监督hiahê做工ê人。
5:17 王出令，in to̍h运大石kah宝贝ê石，用phah好ê石来hē做厝ê地基。
5:18 所罗门ê师傅kah希南ê师傅，以及Ge-bal人lóng phah石，koh准备柴料kah石，来起圣殿。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。