列王纪上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
1:1 大卫王ê晚年
大卫王岁chē年老，虽然kā伊kah被，犹原bē烧。
1:2 伊hiahê奴仆to̍h kā伊讲：「Tio̍h kā我ê主—我ê王chhōe一个在室女，hō͘她khiā tī王ê面前来kā你事奉，koh困tī你ê胸前，thang hō͘我ê主—我ê王得tio̍h烧。」
1:3 Into̍h tī以色列ê四箍围chhōe súi ê chabó͘ gín-á，chhōe tio̍h书念一个女子，名亚比煞，to̍h chhōa她来到王hia。
1:4 Chitê chabó͘ gín-á非常súi，她奉养王，kā伊侍候，总是，王无亲近她。
1:5 亚多尼雅图谋篡夺王位
Hit时，哈及ê kiáⁿ亚多尼雅骄傲，讲：「我beh做王。」伊to̍h为kakī 准备车kah马兵，koh有五十人走tī伊ê头前。
1:6 伊ê老父平时m̄ bat hō͘伊忧闷，m̄ bat对伊讲：「你ná ē ánne做？」伊生做不止好看；伊出世tī押沙龙ê尾后。
1:7 伊kah洗鲁雅ê kiáⁿ约押，以及祭司亚比亚他参详；in to̍htoe3亚多尼雅，来kā伊帮赞。
1:8 总是，祭司撒督kah耶何耶大ê kiáⁿ比拿亚，拿单先知kah示每，Lī-í kah大卫ê勇士，lóng无为亚多尼雅。
1:9 亚多尼雅tī近Ian-lo-gel，Só-hi-lia̍t ê石磐边，thâi羊、牛kah肥ê chengseⁿ，请伊ê众兄弟，to̍h是王ê kiáⁿ，以及偤大所有做王ê人臣ê众人。
1:10 总是，拿单先知kah比拿亚，以及勇士kah伊ê小弟所罗门，伊lóng无请in。
1:11 所罗门受设立做王
拿单kā所罗门ê老母拔示芭讲：「哈及ê kiáⁿ亚多尼雅做王à，你kám无听tio̍h？咱ê主大卫mā m̄知。
1:12 Taⁿ你来，我替你phah算，thang保全你kah你ê kiáⁿ所罗门ê性命。
1:13 你入去见大卫王，kā伊讲：『我ê主—我ê王，你kám m̄ bat对你ê女婢chiùchōa讲：你ê kiáⁿ所罗门会续接我做王，伊ē坐我ê位？Ná会亚多尼雅teh做王？』
1:14 你tī hia kah王讲话ê时，我mā tòe你ê尻脊后入去，来证明你ê话是实在。」
1:15 拔示芭入去房内见王，王真老，书念ê chabó͘ gín-á亚比煞teh侍候王。
1:16 拔示芭鞠躬拜王，王讲：「你beh啥物？」
1:17 她kā王讲：「我ê主ah，你bat kí上主—你ê上帝，来对你ê女婢chiùchōa讲：『你ê kiáⁿ所罗门会续接我做王，伊ē坐tī我ê位。』
1:18 你看，taⁿ亚多尼雅做王，我ê主—我ê王，你mā m̄知。
1:19 伊有thâi真chē牛、肥ê chengseⁿ kah羊，请王ê众kiáⁿ kah祭司亚比亚他，以及军长约押；独独你ê奴仆所罗门，伊无请。
1:20 我ê主—我ê王，以色列人民ê目chiu lóng teh看你，thèng候你kā in讲，啥人ē续接我ê主—我ê王，来坐伊ê位。
1:21 若无，等到我ê主—我ê王kah祖先做伙困了后，我kah我ê kiáⁿ所罗门会算做有罪ê人。」
1:22 她iáu teh kah王讲话ê时，拿单先知mā入来。
1:23 有人kā王讲：「拿单先知tī chia。」拿单入去王ê面前，仆tī土脚拜王。
1:24 拿单讲：「我ê主—我ê王，你kám有讲：『亚多尼雅beh续接我做王，beh坐我ê位？』
1:25 因为今á日伊落去，thâi真chē牛kah肥ê chengseⁿ，以及羊，请王ê众kiáⁿ kah chiahê军长，以及祭司亚比亚他；你看，in tī伊ê面前lim食，to̍h讲：『愿亚多尼雅王万岁！』
1:26 独独我，to̍h是你ê奴仆kah祭司撒督，kah耶何耶大ê kiáⁿ比拿亚，以及你ê奴仆所罗门，伊lóng无请。
1:27 这kám是我ê主—我ê王所做，而且mā无kā你ê奴仆讲，啥人ē续接我ê主—我ê王，来坐伊ê位？」
1:28 大卫王应讲：「Kā我叫拔示芭来。」她to̍h入来，tī王ê面前khiā ・leh。
1:29 王chiùchōa讲：「我kí救我ê性命脱离一切ê患难ê永远活ê上主来讲。
1:30 我既然有kí上主—以色列ê上帝对你chiùchōa讲：你ê kiáⁿ所罗门会续接我做王，伊beh坐我ê位来替我，我今á日ē照ánne行。」
1:31 拔示芭就鞠躬仆tī土脚，拜王，讲：「愿我ê主—大卫王万万岁！」
1:32 大卫王koh讲：「Kā我叫祭司撒督、拿单先知kah耶何耶大ê kiáⁿ比拿亚来！」Into̍h lóng来王ê面前。
1:33 王kā in讲：「Tio̍h chhōa lín ê主hiahê奴仆kah lín去，hō͘我ê kiáⁿ所罗门骑我ê骡，hō͘伊落去到基训；
1:34 tī hia，祭司撒督kah拿单先知tio̍h kā伊抹油做以色列王；lín mā tio̍h pûn哨角，讲：『愿所罗门王万岁！』
1:35 然后tòe伊起来，伊beh来坐我ê位，续接我做王。因为我已经设立伊做以色列kah偤大ê君王。」
1:36 耶何耶大ê kiáⁿ比拿亚应王讲：「阿们！愿上主—我ê主—我ê王ê上帝mā ánne讲。
1:37 上主án怎kah我ê主—我ê王同在，愿他mā照ánne kah所罗门同在，koh hō͘伊ê国位比我ê主—大卫王ê国位koh khah大。」
1:38 就ánne，祭司撒督kah拿单先知，耶何耶大ê kiáⁿ比拿亚kah基利提人、比利提人，lóng落去，hō͘所罗门骑大卫王ê骡，送伊到基训。
1:39 祭司撒督to̍h tùi布棚内the̍h贮油ê角，用油抹所罗门。人to̍hpun5哨角，众人lóng讲：「愿所罗门王万岁！」
1:40 众人tòe伊上来，koh pûn笛á，大大欢喜，致使地因为in ê声到beh裂开。
1:41 亚多尼雅以及kah伊tī ・leh hiahê人客tú-á食桌soah，in听tio̍h chitê声。约押听tio̍h哨角ê声to̍h讲：「城内ná ē有hōa-hōa哮ê声？」伊iáu teh讲ê时，你看，祭司亚比亚他ê kiáⁿ约拿单来到位。
1:42 亚多尼雅kā伊讲：「入来！你是妥当ê人，一定是报好消息。」
1:43 约拿单应亚多尼雅讲：「有影to̍h tio̍h，咱ê主—大卫王已经设立所罗门做王。
1:44 王差祭司撒督、拿单先知，耶何耶大ê kiáⁿ比拿亚kah基利提人、比利提人，kah所罗门去，in hō͘伊骑王ê 骡。
1:45 祭司撒督kah拿单先知，tī基训已经kā伊抹油做王；in lóng tùi hia起来，真欢喜，致使城应声，这to̍h是lín所听tio̍h ê声；
1:46 而且所罗门已经坐国位。
1:47 王ê人臣mā来kā咱ê主—大卫王祝福，讲：『愿你ê上帝hō͘所罗门ê名比你ê名khah赢，hō͘伊ê国位比你ê国位khah大。』王to̍h tī床里àⁿ落去拜。
1:48 王mā ánne讲：『上主—以色列ê上帝是应该oló ê，因为他有赏赐我一个人今á日坐我ê位，我mā亲目看tio̍h。』」
1:49 Hiahê kah亚多尼雅tī ・leh ê人客lóng惊惶起来，ta̍k人行in ê路四散去。
1:50 亚多尼雅为tio̍h所罗门就惊，起来去掠tiâu祭坛ê角。
1:51 有人kā所罗门讲：「你看，亚多尼雅惊所罗门王，因为伊擒tiâu祭坛ê角，讲：『愿所罗门王今á日对我chiùchōa，一定无用刀thâi死伊ê奴仆。』」
1:52 所罗门讲：「伊若beh做好人，一支头毛mā bē ka-la̍uh tī地里；若看伊有做pháiⁿ，就一定tio̍h死。」
1:53 所罗门王to̍h差人去，in to̍htui3坛里带伊落来。伊to̍h来tī所罗门王ê面前kā伊拜。所罗门kā伊讲：「你tńg去你ê厝！」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。