撒母耳记下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
11:1 大卫kah拔示芭
年头，列王出战ê时，大卫差约押kah伊ê人臣，以及以色列ê群众出去。In就thâi赢亚扪人，围攻拉巴。大卫犹原tòa tī耶路撒冷。
11:2 有一日beh暗ê时，大卫tùi床里起来，tī王宫ê厝顶行来行去，tùi厝顶看tio̍h一个chabó͘人teh洗浴，chitê chabó͘人生做真súi。
11:3 大卫为tio̍h hitê chabó͘人to̍h差人去探听，有人讲：「她kám m̄是E-li-àm ê chabó͘ kiáⁿ，赫人乌利亚ê bó͘拔示芭？」
11:4 大卫差使者去kā她chhōa来，她to̍h来到伊hia，大卫kah她同房。chabó͘人kā她无清气拚清气了后，to̍h tńg去in厝。
11:5 chabó͘人怀孕，差人kā大卫讲：「我已经怀孕。」
11:6 大卫差人到约押hia，讲：「你差赫人乌利亚来我chia。」约押to̍h差乌利亚去见大卫。
11:7 乌利亚来到伊hia了后，大卫to̍h问看约押好无？人民好无？交战有好势无？
11:8 大卫kā乌利亚讲：「你落去lín tau洗脚。」乌利亚行出王宫了后，王to̍h送一份食物hō͘伊。
11:9 总是，乌利亚kah伊ê主人ê奴仆做伙困tī王宫ê门口，无tńg去in tau。
11:10 有人kā大卫讲：「乌利亚无tńg去伊ê厝。」大卫to̍h问乌利亚讲：「你kám m̄是tùi远路来？Ná会m̄ tńg去你ê厝？」
11:11 乌利亚对大卫讲：「约柜kah以色列以及偤大lóng tòa tī草寮á，我ê主约押kah我ê主ê奴仆，lóng扎营tī田野，我kám thang倒tńg去我ê厝lim食，kah我ê bó͘做伙困？我kí你ê活命kah你灵魂ê活命来chiùchōa，我绝对无beh做chitê tāichì！」
11:12 大卫kā乌利亚讲：「你今á日犹原tòa chia，明á载我hō͘你去。」乌利亚to̍h tī hit日kah第二日tòa tī耶路撒冷。
11:13 大卫叫乌利亚来，伊to̍hti7伊ê面前lim食，大卫hō͘伊醉。已经暗à，乌利亚to̍h出去kah伊ê主ê奴仆做伙做伴，mā无tńg去in tau。
11:14 隔工早起，大卫写一张phoe hō͘约押，托乌利亚ê手带去。
11:15 Phoe内写讲：「Tio̍h派乌利亚去tī阵前极危急ê所在，lín to̍htui3伊ê后面退tńg来，hō͘伊受phah死。」
11:16 约押围城ê时，tī伊所知有勇士ê所在，to̍h派乌利亚去 hia。
11:17 城内ê人有出来kah约押交战，大卫ê奴仆死几nā个人，赫人乌利亚mā死。
11:18 约押差人kā交战ê tāichì lóng kā大卫讲。
11:19 to̍h吩咐使者讲：「你kā交战所有ê tāichì去kā王讲了后，
11:20 王若受气，kā lín讲：『Lín交战ê时，ná ē逼近城墙？Kám m̄知in ētùi城顶射箭？
11:21 早前phah死Iâ-lō͘-pí-siat ê kiáⁿ亚比米勒ê是啥人？Kám m̄是一个chabó͘人tùi墙顶hiat石磨ê顶tún tī伊ê顶面，hō͘伊死tī Thê-pī-su？Lín ná ē逼近城？』你tio̍h讲：『你ê奴仆赫人乌利亚mā死。』
11:22 使者to̍h去，照约押一切所命令ê来kā大卫讲。
11:23 使者kā大卫讲：「对敌比阮khah强，出来郊野攻击阮，阮kā伊phah到城门口。
11:24 射箭ê人tùi墙顶射你ê奴仆，王ê奴仆死几nā个人，你ê奴仆赫人乌利亚mā死。」
11:25 大卫kā hitê使者讲：「你tio̍h ánne kā约押讲：『M̄免操烦chitê tāichì，因为刀剑thâi死人，chitê hitê无一定；你tio̍h koh khah尽力攻城，来kā它chhia倒。』你tio̍h ánne kā伊勉励。」
11:26 乌利亚ê bó͘听tio̍h丈夫乌利亚已经死，to̍h为她ê丈夫啼哭。
11:27 丧事结束了后，大卫差人chhōa她来到宫内，她to̍h做大卫ê bó͘，kā伊生一个kiáⁿ。总是，大卫所做ê tāichì，上主真无欢喜。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。