创世记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
3:1 人类违背上主ê旨意
上主—上帝所造山野一切ê活物，蛇是siōng狡谲ê。蛇对chabó͘人讲：「上帝kám有影讲：园内一切ê树，lín lóng m̄ thang食？」
3:2 chabó͘人对蛇讲：「园内树里ê果子阮thang食，
3:3 只有园中央hit欉树ê果子，上帝bat讲：『Lín m̄ thang食，mā m̄ thang摸，恐惊lín食了ē死。』」
3:4 蛇对chabó͘人讲：「Lín无一定ē死，
3:5 因为上帝知lín食ê日，lín ê目chiu to̍h ē开，línē亲像上帝ē晓分别善恶。」
3:6 chabó͘人看hit欉树，好食mā好看，hit欉树koh是thang欣慕ê，ē hō͘人有智慧。她就挽它ê果子来食，koh hō͘她ê丈夫mā食。
3:7 In两人ê目chiu to̍h开，chiah知in是thǹgpaktheh，就编无花果ê叶，为kakī 做裙。
3:8 日凉冷ê时，上主—上帝行游tī园内，in听tio̍h他ê声，hitê人kah伊ê chabó͘人to̍hbih tī园内ê树中，来闪避上主ê面。
3:9 上主—上帝叫hitê人来，对伊讲：「你tī tó位？」
3:10 Hitê人to̍h讲：「我tī园内听tio̍h祢ê声，我to̍h惊，因为我thǹgpaktheh，所以就kakī bih起来。」
3:11 上帝讲：「啥人kā你讲你thǹgpaktheh？我吩咐你m̄ thang食hit欉树ê果子，你有食ho͘ⁿh？」
3:12 Hitê人讲：「祢所hō͘我做伴ê chabó͘人，她kā hit欉树ê果子hō͘我，我to̍h食。」
3:13 上主—上帝对chabó͘人讲：「你所做ê是啥物事？」Cha-bó͘人讲：「蛇引诱我，我to̍h食。」
3:14 上主—上帝对蛇讲：「你已经做chit款tāichì，你tio̍h受咒诅！Hitê咒诅比一切ê chengseⁿ kah山野一切ê走兽ê khah重。你tio̍h用腹肚行路，一生食土沙粉。
3:15 我beh hō͘你kah chabó͘人结冤仇，你ê kiáⁿ孙kah她ê kiáⁿ孙mā结冤仇，伊ē伤你ê头壳，你beh伤她ê脚后teⁿ。」
3:16 上主—上帝koh对chabó͘人讲：「我一定大大加添你怀孕ê艰苦，你ē艰苦生kiáⁿ。你ē恋慕你ê丈夫，伊ē kā你管辖。」
3:17 上主—上帝mā对亚当讲：「你已经听你ê chabó͘人ê话，来食我所吩咐你m̄ thang食ê，所以，土地因为你ê缘故受咒诅，你一世人tio̍h劳苦chiah ē tàng得tio̍h食饱。
3:18 土地ē为tio̍h你发刺phè kah蒺藜，你mā tio̍h食园里ê菜蔬。
3:19 你tio̍h汗流满面chiah ē tàng得tio̍h食饱，一直到你归土，因为你是tùi土the̍h出来ê，你本是土沙粉，mā ē归tī土粉。」
3:20 Hitê人kā伊ê bó͘号名叫做夏娃，因为她做众人ê老母。
3:21 上主—上帝为tio̍h hitê人kah伊ê bó͘，用皮做衫裤hō͘ in穿。
3:22 亚当kah夏娃Hông赶出伊甸园
上主—上帝讲：「你看，chitê人已经kah咱相siâng，ē晓分别善恶，taⁿ 恐惊伊koh 伸手tùi活命树挽果子来食，to̍h ē活到永远。」
3:23 所以，上主—上帝kā伊赶出伊甸园，来种作hitê土地，to̍h是伊所tùi它出ê土地。
3:24 所以，kā hitê人赶出去，koh tī伊甸园ê东pêng安置Ki-lō͘-peng kah四面tńg-se̍h发出火焰ê剑，来防守通到活命树ê路。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。