撒母耳记上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
28:1 Hit时，腓利士人聚集军兵出阵，beh kah以色列人交战。亚吉对大卫讲：「你tio̍h确实知，你kah tòe你ê人lóng tio̍h tòe我出阵。」
28:2 大卫对亚吉讲：「是，奴仆所会做ê tāichì，你一定ē知。」亚吉kā大卫讲：「Án-ne，我设立你永远做我ê侍卫长。」
28:3 扫罗去问红姨
Hit时，撒母耳已经死，以色列人民为tio̍h伊哀哭，kā伊埋葬tī 拉玛，to̍h是tī伊ê本城。扫罗bat赶逐鬼附身ê kah行邪术ê离开伊ê境内。
28:4 腓利士人聚集，扎营tī书念；扫罗聚集以色列人民，扎营tī基利波。
28:5 扫罗看tio̍h腓利士ê军兵，to̍h真惊，心肝pho̍k-pho̍k-chhéng到极。
28:6 扫罗问上主，上主lóng无用眠梦，á是乌陵，á是先知来kā伊应答。
28:7 扫罗吩咐伊ê奴仆讲：「你tio̍h kā我chhōe尪姨，hō͘我thang去伊hia问伊。」奴仆讲：「Tī Ian-tol有一个尪姨。」
28:8 扫罗就改换伊ê容貌，穿别种ê衫，有两 个人kah伊去，暗时去hitê chabó͘人hia。扫罗讲：「请你用附你ê身ê神，kā我行法术，我所kā你讲ê人，你kā我牵伊出来。」
28:9 Cha-bó͘人对伊讲：「你看，你知扫罗ê所做，伊tùi境内剪除chiahê鬼附身ê，kah行邪术ê。你ná ē设计beh害死我ê性命？」
28:10 扫罗kí上主对她chiùchōa讲：「我kí永远活ê上主来chiùchōa，你bē因为chitê tāichì受刑罚。」
28:11 Cha-bó͘人讲：「我tio̍h kā你牵啥人起来？」扫罗讲：「Kā我khan撒母耳起来。」
28:12 Cha-bó͘人看tio̍h撒母耳，to̍h大声叫，chabó͘人kā扫罗讲：「你ná ē骗我，因为你是扫罗。」
28:13 王对她讲：「M̄免惊，你看tio̍h啥物？」Cha-bó͘人kā扫罗讲：「我看tio̍h神明tùi地里起来。」
28:14 扫罗讲：「伊ê形状án怎？」她讲：「有一个老人起来，身躯moa长衫。」扫罗知是撒母耳，to̍h仆tī土脚kā伊拜。
28:15 撒母耳kā扫罗讲：「你ná ē kā我搅扰，牵我起来？」扫罗讲：「我困苦到极；因为腓利士人kah我交战，上帝mā离开我，无koh用先知á是眠梦来应答我，所以，我请你来，thang指示我tio̍h án怎行。」
28:16 撒母耳讲：「上主已经离开你，koh做你ê对敌，你ná ē来问我？
28:17 上主照他托我所讲ê话行tī你，上主已经tùi你ê手抢夺国位，交hō͘你ê同伴大卫。
28:18 因为你无遵thàn上主ê话：他bat行他ê大受气tī亚玛力，所以，上主今á日ánne行tī你ê身上。
28:19 而且上主ē kā你kah以色列交tī腓利士人ê手中，明á载你kah你hiahê kiáⁿē kah我同在，上主ē kā以色列ê军兵交tī腓利士人ê手中。」
28:20 扫罗忽然身躯倒直直tī地里，因为撒母耳ê话，to̍h真惊，致到lóng无力，因为伊一日一暝lóng无食啥物。
28:21 Cha-bó͘人óa近扫罗，看tio̍h伊真心闷，对伊讲：「你ê女婢听你ê话，无顾kakī ê性命，听你所kā我讲ê话。
28:22 Taⁿ求你听女婢ê话，容允我tī你ê面前排淡薄食物，hō͘你食，你行路chiah有气力。」
28:23 扫罗推辞讲：「我m̄食。」总是，伊ê奴仆kah chabó͘人好嘴劝伊，伊chiah听in ê嘴tùi地里起来，坐tī床里。
28:24 Cha-bó͘人厝内有一只肥ê牛á，赶紧kā它thâi，koh the̍h面粉，chhiau做无酵饼来煏，
28:25 排tī扫罗kah伊ê奴仆ê面前，in to̍h食。Hit暝 in to̍h出发去。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。