创世记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
27:1 以撒祝福雅各
以撒年老,目chiu 花看bē tio̍h,to̍h叫伊ê大kiáⁿ以扫来,kā伊讲:「我ê kiáⁿ。」以扫应讲:「我tī chia。」
27:2 以撒讲:「我taⁿ老ā,m̄知tó一日ē死。
27:3 Taⁿ gia̍h你ê ke-si,to̍h是箭袋kah弓,去山里,为我phah猎。
27:4 照我所kah意ê,煮hō͘它有好滋味,phâng来hō͘我食,hō͘我tī未死chìn前,kā你祝福。」
27:5 以撒kā伊ê kiáⁿ以扫讲话ê时,利百加听tio̍h。以扫去山里beh phah猎,thang带野味tńg来。
27:6 利百加to̍h对她ê kiáⁿ雅各讲:「你看,我听tio̍h lín老父kā你ê阿兄以扫讲:
27:7 『你kā野兽带来,kā它煮好滋味,hō͘我食。我beh tī未死chìn前,tī上主ê面前kā你祝福。』
27:8 Taⁿ我ê kiáⁿ,你tio̍h听我ê话,照我所吩咐你ê去做。
27:9 你去羊群hia,kā我掠两只肥ê山羊á来,我beh照你ê老父所kah意ê,kā它煮好食。
27:10 你phâng去lín老父hia,hō͘伊食,hō͘伊tī未死chìn前kā你祝福。」
27:11 雅各对伊ê老母利百加讲:「M̄ koh,我ê阿兄以扫身躯有毛,我ê是光滑。
27:12 设使我ê老父摸tio̍h我,ē kā我看做是欺骗人ê,我to̍h ē惹来咒诅,bē得tio̍h祝福。」
27:13 伊ê老母讲:「我ê kiáⁿ,你惹来ê咒诅归tī我。做你听我ê话,去掠山羊á来hō͘我。」
27:14 雅各to̍h去掠山羊á来hō͘伊ê老母,老母就照老父所kah意ê,煮好滋味ê食物。
27:15 利百加koh hiaⁿh大kiáⁿ以扫收tī伊厝内ê súi衫,hō͘她ê细汉kiáⁿ雅各穿,
27:16 用山羊á皮包雅各ê手kah伊颔颈光滑ê所在,
27:17 koh kā她所煮好ê食物kah饼,hē tī她ê kiáⁿ雅各ê手。
27:18 雅各来到in老父hia,讲:「我ê阿爸。」伊讲:「我tī chia。我ê kiáⁿ,你是啥人?」
27:19 雅各对伊ê老父讲:「我是你ê大kiáⁿ以扫,我已经照你所吩咐我ê去做。请你起来坐,食我所phah tio̍h ê,好thang kā我祝福。」
27:20 以撒对伊ê kiáⁿ讲:「我ê kiáⁿ,你án怎chiah紧to̍h phah tio̍h?」伊讲:「因为你ê上帝—上主hō͘我有遭遇chiah来得tio̍h。」好
27:21 以撒kā雅各讲:「我ê kiáⁿ,你óa来我chia,我beh摸你,看你真正是我ê kiáⁿ以扫,á m̄是。」
27:22 雅各to̍h óa近伊ê老父以撒,伊to̍h摸雅各,讲:「声是雅各ê声,手是以扫ê手。」
27:23 以撒分别bē明,因为伊ê手有毛,亲像伊ê阿兄以扫ê手,to̍h kā伊祝福。
27:24 伊koh讲:「你kám真正是我ê kiáⁿ以扫?」伊讲:「我是。」
27:25 以撒讲:「phâng来hō͘我,我beh食我ê kiáⁿ所得tio̍h ê野味,thang好kā你祝福。」雅各就phânghou7伊,伊to̍h食,ma7phâng酒hō͘伊,伊to̍hlim。
27:26 伊ê老父以撒对伊讲:「我ê kiáⁿ,进前来chim我。」
27:27 伊to̍h进前,chim伊ê老父;伊ê老父鼻tio̍h伊ê衫ê芳味,to̍h kā伊祝福讲:我ê kiáⁿ ê芳味,亲像上主赐福ê田ê芳味。
27:28 愿上帝赏赐hō͘你天顶ê甘露,世上ê肥地,五谷kah新ê酒真chē。
27:29 众人服事你, 列国跪拜你, 你做你兄弟ê主, 你ê老母ê kiáⁿ kā你跪拜; 咒诅你ê受咒诅, 祝福你ê得tio̍h福气。
27:30 以扫求以撒祝福
以撒kā雅各祝福了后,当雅各tútú tùi伊ê老父以撒hia出来ê时,伊ê阿兄以扫phah猎tńg来。
27:31 伊mā煮好滋味ê食物,phâng来hō͘伊ê老父,讲:「我ê阿爸,请起来食kiáⁿ所phah tio̍h ê,thang好kā我祝福。」
27:32 伊ê老父以撒kā伊讲:「你是啥人?」以扫讲:「我是你ê kiáⁿ,to̍h是你ê大kiáⁿ以扫。」
27:33 以撒大惊,phi̍h-phi̍h chhoah,讲:「He是啥人?你iáu未来ê chìn前,phâng伊所phah tio̍h ê来hō͘我。我食了,koh kā伊祝福,伊一定beh得tio̍h福气。」
27:34 以扫听tio̍h老父ê话,开声叫苦大哭,对伊ê老父讲:「我ê阿爸,我,你mā tio̍h kā我祝福。」
27:35 以撒讲:「你ê小弟用诡计,来抢你ê福份。」
27:36 以扫讲:「伊ê名叫做雅各,kám无真合?伊欺骗我两pái。前抢我大kiáⁿ ê名分,你看,taⁿ伊koh抢我ê福份。」伊koh讲:「你Kám无留一份祝福hō͘我?」
27:37 以撒应以扫讲:「我已经立伊做你ê主,mā kā伊ê众兄弟hō͘伊做奴仆,mā用五谷新酒kā伊养饲。我ê kiáⁿ,taⁿ我iáu ē tàng kā你做啥物?」
27:38 以扫kā伊ê老父讲:「阿爸,你ê祝福kám只有一pái?我ê阿爸,我,你mā tio̍h kā我祝福。」
27:39 以扫出声啼哭。伊ê老父以撒应伊讲:「你所tòa ê所在bē有世上ê肥地,mā无天顶ê甘露。
27:40 你tio̍h óa靠刀剑生活,koh tio̍h服事你ê小弟;到你奋兴ê时,chiah ētùi你ê颔颈脱开伊ê枷担。」
27:41 以扫因为伊ê老父kā雅各祝福,就怨恨雅各。心内想讲:「为老父办丧事ê时近là,到hit时,我behthâi死我ê小弟雅各。」
27:42 有人kā伊ê大kiáⁿ以扫ê话kā利百加讲,她to̍h差人去叫她ê细汉kiáⁿ雅各来,kā伊讲:「你ê阿兄以扫behthâi你,来消伊ê怨恨。
27:43 Taⁿ我ê kiáⁿ,你tio̍h听我ê话。起来,走去哈兰,我ê阿兄拉班hia,
27:44 kah伊tòa几日,thèng候你ê阿兄受气消去。
27:45 到你ê阿兄受气soah,bē记得你对伊所做ê tāichì,hit时我to̍h差人chhōa你tùi hia tńg来。我ná ē一日内同时失去lín两人?」
27:46 利百加kā以撒讲:「我因为chiahê赫人ê chabó͘ kiáⁿ,连性命都无ài。设使雅各mā娶chit所在ê chabó͘ kiáⁿ做bó͘,亲像赫人ê chabó͘ kiáⁿ hit款,ánne,我活leh有啥物路用?」
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。