撒母耳记上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
19:1 扫罗迫害大卫
扫罗对伊ê kiáⁿ约拿单kah众人臣讲，tioh8thâi死大卫；总是，扫罗ê kiáⁿ约拿单不止kah意大卫。
19:2 约拿单kā大卫讲：「我ê老父扫罗想behthâi你，所以，明á早起你tio̍h小心，到一个偏僻ê所在，kakī bih起来。
19:3 我ē去你所bih ê田，khiā tī我ê老父身边。我kah我ê老父议论你ê tāichì，我所看tio̍h ê我ē kā你讲。」
19:4 约拿单对伊ê老父扫罗论大卫，替伊讲好话，讲：「王m̄ thang得罪你ê奴仆—大卫，因为伊m̄ bat得罪你，伊对你所行ê lóng是好。
19:5 因为伊bat拚命thâi死hitê腓利士人，上主为以色列人民大行拯救。Hit时，你看tio̍h，不止欢喜，taⁿ ná ē无缘无故behthâi死大卫，流无罪ê人ê血来犯罪？」
19:6 扫罗听约拿单ê话，扫罗kí上主ê活命来chiùchōa讲：「我无beh hō͘伊死。」
19:7 约拿单叫大卫来，约拿单kā所有ê话对伊讲。约拿单chhōa大卫去见扫罗，伊犹原khiā tī扫罗ê面前。
19:8 以后koh有交战，大卫出去kah腓利士人交战，大大kā inthâi死，in to̍hti7伊ê面前逃走。
19:9 扫罗坐tī厝内，手gia̍h枪。Hit时，tùi上主hia来ê pháiⁿ神koh临到伊，大卫to̍h用手弹琴。
19:10 扫罗beh用枪凿大卫，kā伊钉tī壁里；伊to̍htui3扫罗ê面前闪开，hit支枪凿入去壁里。Hit暝，大卫to̍h走，来闪避伊。
19:11 扫罗差人到大卫ê厝顾守伊，thèng候天光beh kā伊thâi。大卫ê bó͘米甲对伊讲：「你今暝若无逃命，明á载你ē受thâi。」
19:12 米甲to̍h tùi窗á kā大卫坠落去，伊to̍h走去，来闪避扫罗。
19:13 米甲用厝内ê偶像hē tī眠床，头壳挂tī山羊毛ê枕头，用被盖teh。
19:14 扫罗差人去掠大卫，米甲讲：「伊破病。」
19:15 扫罗koh差人去看大卫，讲：「连眠床扛来我chia，我thang kā伊thâi死。」
19:16 使者入去，看tio̍h床里有偶像，头壳挂tī山羊毛ê枕头。
19:17 扫罗对米甲讲：「你ná ē ánne骗我，放我ê对敌逃走？」米甲应讲：「伊kā我讲：『你放我去，若无，kám tio̍h我来thâi死你？』」
19:18 大卫走去，逃闪去到拉玛，见撒母耳，kā扫罗对伊所行ê tāichì，lóng kā伊讲。伊kah撒母耳to̍h去拿约tòa。
19:19 有人kā扫罗讲，你看，大卫tī拉玛ê拿约。
19:20 扫罗差使者去掠大卫，in看tio̍h一阵先知teh讲先知话，koh有撒母耳khiā tī in中间监督in；上帝ê圣神临到扫罗ê使者，in mā讲先知话。
19:21 有人kā chitê tāichì对扫罗讲，伊to̍h差别个使者去，in mā讲先知话。扫罗第三pái差使者去，in mā讲先知话。
19:22 后来，伊本身mā去拉玛，到Se-ko͘ ê大井hia，问人讲：「撒母耳kah大卫tī tó位？」有人kā伊讲：「你看，tī拉玛ê拿约。」
19:23 伊to̍h去拉玛ê拿约，上帝ê圣神mā koh临到伊，伊ná行ná讲先知话，一直到拉玛ê拿约。
19:24 伊to̍hthng3衫，tī撒母耳ê面前讲先知话，kui日kui暝thǹgpaktheh倒teh。就ánne人teh讲：「扫罗kám mā列tī先知中？」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。