撒母耳记上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
10:1 撒母耳the̍h一瓶油，倒tī扫罗ê头壳顶，kā伊chim，讲：「这kám m̄是上主kā你抹油，来做他ê产业ê头人？
10:2 今á日你离开我了后，tī便雅悯交界ê Siat-sat，近拉结ê墓，你ētú tio̍h两 个人。Inē kā你讲：『你teh chhōe ê hiahê驴母，已经chhōe ・tio̍h。Taⁿ你ê老父无teh操烦驴á，是teh烦恼你，讲：我为tio̍h我ê kiáⁿ beh án怎chiah好？』
10:3 你ētùi hia去，到他泊ê橡树hia，ē有三个人tú tio̍h你，in是beh去伯特利到上帝hia，一个带三只山羊á，一个带三块饼，一个带一皮袋ê酒。
10:4 Inē kā你请安，hō͘你两块饼，你to̍h tùi in ê手接来。
10:5 「Chit时了后，你ē去到上帝ê山，tī hia有腓利士人防守ê兵。你到城ê时，会tú tio̍h一阵先知tùi koân ê所在落来，tī in ê头前有瑟，有lin-long鼓，有笛á，有琴，in lóng讲先知话。
10:6 上主ê圣神会大大临到你，你mā ē kah in讲先知话，你ē变做一个新ê人。
10:7 Chiahê兆头临到你，你tio̍h趁机ē来做，因为上帝kah你同在。
10:8 你tio̍h tāi先我落去吉甲，我mā ē落去你hia献烧祭kah谢恩祭。你tio̍h thèng候七日，thèng候我到你hia，指示你tio̍h行ê tāichì。」
10:9 扫罗oa̍t-tńg身beh离开撒母耳，上帝kā伊ê心换新。当hit日，chiahê兆头lóng应验。
10:10 In来到hitê山了后，有一阵先知人tú tio̍h伊，上帝ê灵大大临到扫罗，伊to̍hti7 in中间讲先知话。
10:11 平常时bat伊ê人，看伊tī先知中teh讲先知话，to̍h做伙讲：「基士ê kiáⁿ tú tio̍h ánne是án怎？扫罗kám mā列tī先知中？」
10:12 Hit所在有一个人应讲：「Hiahê人ê老父是啥人？」就ánne，有一句俗语讲：「扫罗kám mā列tī先知中？」
10:13 扫罗讲先知话了后，to̍h tńg去koân ê所在。
10:14 扫罗ê阿叔问扫罗kah伊ê奴仆讲：「Lín去tó位？」扫罗应讲：「去chhōe驴母。Chhōe无，to̍h去撒母耳hia。」
10:15 扫罗ê阿叔讲：「请你kā我讲，撒母耳kā lín讲啥物？」
10:16 扫罗kā伊ê阿叔讲：「伊明明kā阮讲：驴母已经chhōe tio̍h à。」撒母耳所讲关系国ê tāichì，扫罗无kā伊讲。
10:17 扫罗受设立做王
撒母耳招集人民来到米斯巴上主hia，
10:18 kā以色列人讲：「上主—以色列ê上帝ánne讲：『我chhōa以色列人出埃及，救lín脱离埃及人ê手，mā脱离所有hiahê制压lín ê国ê手。』
10:19 总是，lín今á日有弃sak lín ê上帝，to̍h是本身救lín脱离一切患难艰苦ê，lín mā对他讲：『Tio̍h设立王来管理阮。』Taⁿ lín tio̍h照lín ê支族，lín ê宗族，来khiā tī上主ê面前。」
10:20 就ánne，撒母耳hō͘以色列众支族行óa来，就取tio̍h便雅悯ê支族；
10:21 koh hō͘便雅悯ê支族照in ê宗族行óa来，就取tio̍h Má-te̍k-lī族，tùi hit中间koh取tio̍h基士ê kiáⁿ扫罗。人chhōe伊mā chhōe bē tio̍h，
10:22 所以，to̍h koh问上主讲：「Hitê人有来chia á无？」上主讲：「伊bih tī杂物ê中间。」
10:23 Into̍h走去，tùi hia kā伊chhōa出来。伊khiā tī人民ê中间，比众人khah koân一粒头壳。
10:24 撒母耳kā众人讲：「上主所拣ê人，tī人民中无一个ē比得伊，lín有看tio̍h á无？」人民to̍h大声hoah：「愿王万岁！」
10:25 撒母耳kā国法对人民讲明，koh记tī册里，hē tī上主ê面前，然后撒母耳kā群众四散开，ta̍k个tńg去in ê家。
10:26 扫罗mā tńg去基比亚，到伊ê厝，有一阵人hō͘上帝感动in ê心ê，就tòe伊去。
10:27 Hiahê匪类讲：「Chitê人ná ē救咱？」就藐视扫罗，无送伊礼物；总是，扫罗恬恬。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。