撒母耳记上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
9:1 扫罗Tú tio̍h撒母耳
有一个便雅悯人，名叫做基士，是便雅悯人A-húi-a ê玄孙，Pí-ko-la̍h ê干á孙，Sián-lô ê孙，A-mí-el ê kiáⁿ，是一个有大气力ê勇士。
9:2 伊有一个kiáⁿ，名叫做扫罗，勇壮koh好看头，tī以色列中无一个人ē比得伊ê好看头；身躯比群众khah koân一粒头壳。
9:3 扫罗ê老父基士phah-m̄见几nā只驴母，基士kā伊ê kiáⁿ扫罗讲：「你chhōa一个奴仆出发去chhōe驴母。」
9:4 伊to̍h经过以法连山地kah Sa-lī-sa ê地，lóng chhōe无；koh经过Sa-lîm ê地，mā无tī hia；koh经过便雅悯ê地，mā chhōe无。
9:5 到So͘-hut ê地，扫罗kā跟tòe伊ê奴仆讲：「来，咱tńg来去，恐惊我ê老父无操烦驴á，颠倒来烦恼咱。」
9:6 奴仆讲：「你看，chitê城里有一个上帝ê奴仆，是人所尊重ê，见若伊所讲ê lóng一定应验。咱不如去伊hia，kiámchhái伊ē指示咱所tio̍h行ê路。」
9:7 扫罗kā奴仆讲：「咱若去，有啥物thang送hitê人？因为咱袋á内ê食物lóng食了à，mā无礼物thang送hitê上帝ê奴仆，咱身边iáu有啥物物无？」
9:8 奴仆koh应扫罗讲：「我手里有银一舍客勒ê四分之一，我kā chitê来送hitê上帝ê奴仆，请伊指示咱所tio̍h行ê路。」
9:9 早前以色列中，若有人去问上帝，to̍h讲：「咱来去见先见！（因为现今称「先知」，以前称「先见」。)
9:10 扫罗kā奴仆讲：「你所讲ê话真好，来，咱来去！」Into̍h去上帝ê奴仆所tòa ê城。
9:11 In上山坪beh入去城内ê时，tú tio̍h几nā个少年ê chabó͘ gín-á出来chhiūⁿ水，问in讲：「先见有tī chia无？」
9:12 Cha-bó͘ gín-á应讲：「是à，tī chia。你看，伊tī你ê头前。赶紧去！伊今á日tú-á到城，因为今á日人民tī山头坛献祭。
9:13 Tī伊iáu未上去山头坛beh食桌ê chìn前，lín一下入城to̍h ētú tio̍h伊；因为伊若iáu未到，人民无tāi先食，一定thèng候伊来先祝福祭物，然后所请ê人客chiah食。Taⁿ lín紧去，chit时会tú tio̍h伊。」
9:14 两人to̍h chiūⁿ城；入城了后，撒母耳出来，beh上koân ê所在，就tú tio̍h in。
9:15 扫罗iáu未到ê前一日，上主已经启示撒母耳，讲：
9:16 「明á载chit时，我ē差一个人tùi便雅悯地来到你chia，你tio̍h kā伊抹油做我ê子民—以色列人ê头。伊ē救我ê子民脱离腓利士人ê手；因为我ê子民哀求ê声有透到我chia，我beh看顾in。」
9:17 撒母耳看tio̍h扫罗ê时，上主kā伊讲：「你看，chitê人to̍h是我所kā你讲ê，伊beh来管理我ê子民。」
9:18 扫罗tī城门里óa近撒母耳，讲：「请kā我讲，先见ê厝tī tó位？」
9:19 撒母耳应扫罗讲：「我to̍h是先见，你tī我ê头前上去koân ê所在，因为lín今á日beh kah我做伙食；明á早起我beh hō͘你去，你心内ê tāichì lóng ē kā你讲。
9:20 你三日前phah-m̄见hiahê驴母，你m̄免挂意，已经chhōe ・tio̍h à。以色列人民所欣慕ê会归啥人？Kám m̄是会归你kah你ê老父ê家？」
9:21 扫罗应讲：「我kám m̄是便雅悯人，以色列支族中极小khóa ê？便雅悯支族chiahê家ê中间，我ê家kám m̄是极微细？祢ná ē对我讲chit款话？」
9:22 撒母耳chhōa扫罗kah跟tòe伊ê人入去客厅，hō͘ in tī所请ê人ê中间坐大位；所请ê差不多有三十人。
9:23 撒母耳kā厨房讲：「我所交带你tio̍h收leh hit份，taⁿ thangphâng出来。」
9:24 厨房就phânghit块收起来khǹg ê腿肉，hē tī扫罗ê面前。撒母耳讲：「你看，chitê所留beh hō͘你食ê，你tio̍h the̍h起来食。因为我请人民ê时，thiâu工kā你留teh到定tio̍h ê日。」Hit日，扫罗to̍h kah撒母耳做伙食。
9:25 In tùi koân ê所在落来入去城内，撒母耳kah扫罗tī厝顶讲话。
9:26 撒母耳kā扫罗抹油设立伊做王
In早早起来，phah-phú光ê时，撒母耳tī厝顶叫扫罗，讲：「起来，我beh送你tńg去。」扫罗to̍h起来，伊kah撒母耳两人出去外面。
9:27 In落去到城ê角头，撒母耳kā扫罗讲：「Tio̍h吩咐奴仆tāi先咱去。」（奴仆to̍h去），koh讲：「你且khiā ・leh，我beh hō͘你听上帝ê话。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。