士师记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
18:1 米迦kah但支族
Hit时，以色列中无王。Hit时，但ê人ê支族chhōe tē做产业thang tòa，因为到hit日，tī以色列支族中，in iáu未得tio̍h业。
18:2 但ê人tùi琐拉kah以实陶，差本族众人中五个勇士，去偷看hitê地来查考，kā in吩咐讲：「Lín去查考hitê地。」In来到以法连山，入去米迦ê厝，就歇tī hia。
18:3 In接近米迦ê厝，认tio̍h hitê少年利未人ê声音，to̍h入去问伊：「啥人chhōa你来chia？你tī chia做啥物？你tī chia得tio̍h啥物？」
18:4 伊讲：「米迦款待我ánne，ánne，伊有倩我，我做伊ê祭司。」
18:5 In kā伊讲：「请你问上帝，hō͘阮知阮所teh行ê路，会兴通á无？」
18:6 祭司kā in讲：「Lín thang平安去，lín所行ê路是tī上主ê面前。」
18:7 五人to̍h出发，来到拉亿，看tio̍h hia ê人民，安然tòa，平安，无操烦，亲像西顿人。Τī hia无有掌权者用啥物tāichì来kā in搅扰，in离开西顿人远远，无kah别人往来。
18:8 五人tńg来到琐拉kah以实陶in ê兄弟hia，兄弟问in讲：「Lín有啥物话？」
18:9 In应讲：「起来，咱来去攻击in，因为阮已经看tio̍h hitê地，你看，hitê地真好，lín án怎恬恬？Tio̍h入去，thang得tio̍h hitê地做产业，m̄ thang延chhiân。
18:10 Lín到hia，会看tio̍h安然teh tòa ê人民，所在mā开阔。上帝已经kā hitê所在交tī lín ê手，地chiūⁿ所有ê物，hit所在无欠kah一项。」
18:11 就ánne，但族ê六百人，ta̍k个带军器，tùi琐拉kah以实陶进前去。
18:12 In去tī偤大ê基列耶琳扎营，所以，kā chit所在ê名叫做Ma-hat-lī-tàn，到今á日。你看，这是tī基列耶琳ê后面。
18:13 In tùi hia去以法连山地，来到米迦ê厝。
18:14 早前偷看拉亿地ê五人kā in ê兄弟讲：「Chiahê厝内有祭司服kah厝内ê偶像，koh有雕刻ê像kah铸ê像，lín kám知？Taⁿ lín tio̍h想，看beh án怎做chiah好？」
18:15 Into̍h oat去hia，到hitê少年ê利未人ê厝，to̍h是米迦ê厝，kā伊请安。
18:16 但族hiahê六百人带军器，lóng khiā tī门口。
18:17 偷看地ê五个人to̍h入去，kā雕刻ê像、祭司服、厝内ê像，kah铸ê像lóng the̍h去。祭司kah带军器ê六百人做伙khiā tī门口。
18:18 Hit五个人入去米迦ê厝，the̍h雕刻ê偶像、祭司服、厝内ê偶像kah铸ê像，祭司to̍h问in讲：「Lín teh做啥物？」
18:19 In应讲：「M̄-thang出声，用手掩嘴，tòe阮来去，做阮ê父，做阮ê祭司。你做一个人ê家ê祭司khah好，á是做以色列一支族ê祭司khah好？」
18:20 祭司心内欢喜，就the̍h祭司服kah厝内ê偶像，以及雕刻ê像，行tī人民ê中间。
18:21 Into̍h oa̍t-tńg身离开hia，hō͘ gín-á、chengseⁿ、财物做头前。
18:22 离开米迦ê厝崭然远ê时，米迦hiahê厝边lóng聚集óa来，jiok但ê人，大声hoah但ê人。
18:23 但ê人oa̍t头看，问米迦讲：「你聚集hiahê人来，是啥物tāichì？」
18:24 米迦讲：「我所妆ê神明kah祭司，lín lóng带去，我iáu有chhun啥物？Ná会iáu问我讲：你啥物tāichì？」
18:25 但ê人kā伊讲：「你m̄ thang hō͘阮听tio̍h你ê声，恐惊躁性ê人来对lín动手，致使你kah全家lóng ē失落性命。」
18:26 但ê人做in继续行落去，米迦看tio̍h in比伊khah强，to̍h oa̍t-tńg身tńg去伊ê厝。
18:27 In带米迦所做ê kah伊所有ê祭司来到拉亿，看tio̍h安然无操烦ê人民，to̍h用刀kā inthâi死，koh放火烧hitê城，
18:28 mā无人来拯救，因为离开西顿真远，in koh无kah别人往来。Hitê城tī hitê óa近Biat-le-ho͘p ê山谷。
18:29 但ê人koh tī hia起城来tòa，照in祖先以色列ê kiáⁿ但ê名，kā hitê城ê名叫做但。Hitê城起头ê名叫做拉亿。
18:30 但ê人to̍h为kakī chhāi hitê雕刻ê像。摩西ê孙，革顺ê kiáⁿ约拿单，kah伊ê kiáⁿ孙，做但ê支族ê祭司，一直到hit地方ê人tú tio̍h受掠ê日。
18:31 上帝ê厝tī示罗hiahê日，但ê人为kakī chhāi米迦所做雕刻ê像。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。