士师记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
12:1 耶弗他kah以法连人
以法连人聚集到北方,对耶弗他讲:「你过去kah亚扪人交战,án怎无叫阮kah你去?阮beh用火烧你kah你ê厝。」
12:2 耶弗他对in讲:「我kah我ê人民kah亚扪人大计较,我招lín来,lín竟然无救我脱离in ê手。
12:3 我看tio̍h lín无来救我,我to̍h拚命进前去攻击亚扪人,上主kā in交tī我ê手中,lín今á日ná ē来我chia beh kah我交战?
12:4 耶弗他to̍h聚集基列ê群众,去kah以法连人交战。基列人phah死以法连人,因为in讲:「Lín基列人tī以法连kah玛拿西ê中间,只不过是以法连逃走ê人。」
12:5 基列人tī以法连人ê头前把守约旦河ê渡口,以法连逃走ê人若讲:「请hō͘阮过去。」基列人to̍h问伊讲:「你是以法连人á m̄是?」
12:6 伊若讲:「M̄是。」to̍h kā伊讲:「你讲 "Sī-pò͘-lia̍t"。」伊讲做 "Se-pò͘-lia̍t",因为in ê音讲bē正,in to̍hka7伊掠起来,tī约旦河ê渡口kā伊thâi死。Hit时,以法连人受thâiê有四万两千人。
12:7 耶弗他做以色列ê士师六年。基列人耶弗他死,埋葬tī基列ê一个城。
12:8 以比赞、以伦,押顿
耶弗他了后,有伯利恒人以比赞做以色列ê士师。
12:9 伊有三十个kiáⁿ,koh三十个chabó͘ kiáⁿ嫁过tī外口,mā对外口kā伊ê kiáⁿ娶三十个新妇。伊做以色列ê士师七年。
12:10 以比赞死,埋葬tī伯利恒。
12:11 以比赞了后,有西布伦人以伦做以色列ê士师,伊做以色列ê士师十年。
12:12 西布伦人以伦死,埋葬tī西布伦地ê A-iah-lūn。
12:13 以伦了后,有Pí-la̍h-tûn人,Hi-lia̍t ê kiáⁿ押顿,做以色列ê士师。
12:14 伊有四十个kiáⁿ,三十个孙,骑七十只驴á,伊做以色列ê士师八年。
12:15 比拉顿人Hi-lia̍t ê kiáⁿ押顿死,埋葬tī以法连地ê 比拉顿,tī亚玛力人ê山地。
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。