士师记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
11:1 耶弗他
基列人耶弗他是一个大权能ê勇士，是妓女ê kiáⁿ，耶弗他是基列所生ê。
11:2 基列ê bó͘ mā kā伊生几nā个kiáⁿ，伊ê bó͘所生ê kiáⁿ已经大汉，to̍h kā耶弗他赶出去，kā伊讲：「你m̄ thang tī阮老父ê家承接产业，因为你是别个 chabó͘人ê kiáⁿ。」
11:3 耶弗他to̍h走，闪避伊ê兄弟，去tòa tī Tô-pek ê地，有匪类聚集tī耶弗他hia，tòe伊出入。
11:4 过有hiah久，亚扪人kah以色列交战。
11:5 亚扪人kah以色列交战ê时，基列ê长老去beh招耶弗他 tùi Tô-pek ê地来；
11:6 对耶弗他讲：「请你来做阮ê元帅，阮to̍h thang kah亚扪人交战。」
11:7 耶弗他应基列ê长老讲：「以前lín kám m̄是怨恨我，kā我赶出老父ê家？Taⁿ lín tú tio̍h患难，ná ē来我chia？」
11:8 基列ê长老应耶弗他讲：「阮taⁿ所以归向你，是ài你kah阮去，kah亚扪人交战，你thang做阮ê头，来管辖tòa tī基列所有ê人民。」
11:9 耶弗他对基列ê长老讲：「Lín chhōa我倒tńg去kah亚扪人交战，上主kā in交tī我ê面前，我kám真正ē tàng做lín ê头人？」
11:10 基列ê长老应耶弗他讲：「上主tī咱中间做见证，阮一定beh照你ê话行。」
11:11 耶弗他to̍h kah基列ê长老倒tńg去，人民就立伊做头人，做元帅。耶弗他tī米斯巴kā kakī 一切ê话，排列tī上主ê面前。
11:12 耶弗他差hiahê使者去见亚扪人ê王讲：「你kah我有啥物牵连，竟然来我chia攻击我ê地？」
11:13 亚扪人ê王应耶弗他ê使者讲：「因为以色列人tùi埃及起来ê时，占我ê地，tùi亚嫩到雅博，一直到约旦。Τaⁿ lín tio̍h 好好á kā chiahê地还我！」
11:14 耶弗他koh差使者去见亚扪人ê王，kā伊讲：
11:15 「耶弗他ánne讲：以色列人并无占摩押地kah亚扪人ê地。
11:16 以色列人tùi埃及出来，经过旷野到红海，来到加低斯，
11:17 hit时，以色列to̍h差使者去见以东王讲：『求你准阮经过你ê地。』总是，以东王m̄听伊ê话。Koh差使者去见摩押王，伊mā m̄准，以色列人to̍htoa3 tī加低斯。
11:18 In koh经过旷野，se̍h以东地kah摩押地，tùi摩押地ê 东pêng过来，tī亚嫩hit-pêng扎营，mā无入去摩押ê境内，因为亚嫩河是摩押ê交界。
11:19 以色列差人去见亚摩利王西宏，to̍h是希实本ê王，以色列对伊讲：『求你准阮过你ê地，去阮kakī ê所在。』
11:20 总是，西宏m̄相信以色列，m̄ hō͘ in经过伊ê境界，西宏to̍h聚集伊ê人民，tī雅杂扎营，kah以色列人交战。
11:21 「上主—以色列ê上帝kā西宏kah伊ê人民，交tī以色列人ê手中，in to̍hka7 in phah。就ánne，以色列得tio̍h tòa hit所在ê亚摩利人ê全地。
11:22 In得tio̍h亚摩利人ê全境界，tùi亚嫩到雅博，tùi旷野到约旦。
11:23 「上主—以色列ê上帝tī他ê子民—以色列人ê面前，赶出亚摩利人，kám讲你mā beh得tio̍h in ê地？
11:24 你ê神明基抹所赏赐hō͘你得tio̍h ê，你kám无得tio̍h它来做产业？上主—阮ê上帝见若tùi阮ê面前所赶出ê，阮to̍h ē得tio̍h它。
11:25 你kám ē赢过摩押王西拨ê kiáⁿ巴力？伊kám bat kah以色列人计较？Kám bat kah in交战？
11:26 以色列人tòa tī希实本kah她ê庄头，亚罗珥kah她ê庄头，以及亚嫩河边hiahê城，已经有三百年，lín tī hit时án怎无kā in征服倒tńg来？
11:27 我无得罪你，你颠倒kah我交战，实在无理。愿审判ê上主，今á日tī以色列kah亚扪ê中间来判断。」
11:28 总是，亚扪人ê王m̄肯听耶弗他差人对伊讲ê话。
11:29 上主ê圣神临到耶弗他，伊to̍h经过基列kah玛拿西，koh经过到基列ê米斯巴，koh tùi基列ê米斯巴经过，来到亚扪人hia。
11:30 耶弗他to̍h对上主下愿，讲：「祢若kā亚扪人交tī我ê手中，
11:31 hō͘我tùi亚扪人hia平安tńg来ê时，见若tùi我ê厝ê门出来迎接我ê，beh归tī上主，我beh献伊做烧祭。」
11:32 就ánne，耶弗他去亚扪人hia kah in交战，上主kā in交tī伊ê手中，
11:33 伊to̍hka7 in phah，大大kā inthâi死，tùi亚罗珥到Bí-le̍k，一直到A-pī-le̍k-ki-la̍h-bêng，共二十个城。Án-ne，亚扪人to̍h屈服tī以色列人。
11:34 耶弗他ê Cha-bó͘ kiáⁿ
耶弗他tńg来米斯巴来到kakī ê厝，hit时伊ê chabó͘ kiáⁿ gia̍h lin-long鼓跳舞，出来kā伊迎接，chitê是伊独生ê，以外无kiáⁿ，无chabó͘ kiáⁿ。
11:35 耶弗他看tio̍h她，to̍h拆裂衫讲：「Ai-ah，我ê chabó͘ kiáⁿ，你hō͘我真惨，你mā是hō͘我真大艰难，因为我已经对上主开嘴，bē tàng收倒tńg来。」
11:36 她应讲：「我ê阿爸，你已经对上主开嘴，to̍h tio̍h照你ê嘴所讲出ê来对我做，因为上主已经为tio̍h你报仇你ê对敌亚扪人。」
11:37 Koh对她ê老父讲：「有一件tāichì求你允准，容允我两月日，hō͘我kah我ê同伴去山里，thang为tio̍h我一世人做在室女来啼哭。」
11:38 伊讲：「做你去。」to̍h差她去两月日，她kah同伴去，tī山里为tio̍h她一世人做在室女啼哭。
11:39 两月日已经满，她tńg来到老父hia，老父就照伊所下ê愿kā她款待。她lóng无亲近chapo͘人。
11:40 后来，以色列中有chitê例，以色列chiahê chabó͘ gín-á ta̍k年去追悼基列人耶弗他ê chabó͘ kiáⁿ，每年四日。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。