士师记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
9:1 亚比米勒
耶路巴力ê kiáⁿ亚比米勒来到示剑，见伊ê众母舅，对in kah伊外公全家ê人讲：
9:2 「请lín讲hō͘示剑ê群众听，看是耶路巴力ê众kiáⁿ七十人管lín，á是一个人管lín，tó一项khah好？Lín mā tio̍h数念我是lín ê骨肉。」
9:3 伊hiahê母舅to̍h kā所有ê话，替伊讲hō͘示剑ê人听，in ê心就归向亚比米勒，因为讲：「伊是咱ê兄弟。」
9:4 to̍h tùi Pa-le̍k-pí-lī-thó͘ ê厝the̍h七十个银á hō͘亚比米勒，伊to̍h用hiahê钱来倩chiahê无hē落ê匪类，hiahê人to̍h来tòe伊。
9:5 伊去俄弗拉来到伊ê老父ê家，kā耶路巴力ê kiáⁿ，to̍h是伊ê兄弟七十人，lóng tī一块石磐顶kā inthâi死，只有耶路巴力ê soah尾kiáⁿ约坦留teh，因为伊有走去bih。
9:6 示剑人kah米罗ê家lóng聚集，去设立亚比米勒做王，tī示剑chhāi柱ê橡树脚。
9:7 有人kā约坦讲chitê tāichì，伊to̍h去khiā tī Ki-lī-sim山顶，大声hoah，kā in讲：「示剑人，lín tio̍h听我ê话，hō͘上主mā听lín。
9:8 Bat有一pái，chiahê树lóng去，beh设立一欉树做in ê王，to̍h去对橄榄树讲：『请你做阮ê王。』
9:9 橄榄树应讲：『我kám thang放sak我ê油，to̍h是人所用来尊重上主kah人ê，去tī众树ê顶面摇？』
9:10 Chiahê树对无花果树讲：『你来，来做阮ê王。』
9:11 无花果树应讲：『我kám thang放sak我ê甜koh好ê果子，去tī众树ê顶面摇？』
9:12 Chiahê树对葡萄树讲：『你来，来做阮ê王。』
9:13 葡萄树应讲：『我kám thang放sak我ê新酒，to̍h是hō͘上主kah人欢喜ê，去tī众树ê顶面摇？』
9:14 Chiahê树对刺á讲：『你来，来做阮ê王。』
9:15 刺á应hiahê树讲：『Lín若实在设立我做lín ê王，to̍h tio̍h tī我ê荫影下闪bih；若m̄，愿火tùi刺á出，烧灭黎巴嫩ê柏香树。』
9:16 「Taⁿ lín设立亚比米勒做王，若照诚实公义来行，koh好款待耶路巴力kah伊ê家，照伊ê手所劳苦ê来kā伊报答。
9:17 因为我ê老父bat拚命为lín交战，救lín脱离米甸人ê手。
9:18 Lín今á日起来攻击我老父ê家，tī一块石磐顶thâi死伊ê kiáⁿ七十人，koh设立伊ê女婢ê kiáⁿ亚比米勒做示剑人ê王，因为伊是lín ê兄弟。
9:19 Lín今á日若照诚实公义款待耶路巴力kah伊ê家，lín to̍hthang tùi亚比米勒来欢喜，伊mā thang tùi lín来欢喜；
9:20 若无，愿火tùi亚比米勒出，烧示剑人kah米罗ê家，koh愿火tùi示剑人kah米罗ê家出，烧亚比米勒。」
9:21 约坦因为惊伊ê兄弟to̍h逃走，走去bih tī比珥，tī hia tòa。
9:22 亚比米勒管以色列三年。
9:23 上主差pháiⁿ神tī亚比米勒kah示剑人ê中间，示剑人to̍h用诡诈款待亚比米勒，
9:24 来报应耶路巴力七十个kiáⁿ所受ê残害，mā hō͘ in ê血归tī kā inthâi死ê人，to̍h是in ê兄弟亚比米勒，mā归tī示剑人，to̍h是帮赞伊ê手来thâi死伊ê兄弟ê人。
9:25 示剑人tī山顶设埋伏来当等伊。见若tùi hit条路经过ê人，in to̍hka7伊抢。有人to̍h kā chitê tāichì去报告亚比米勒。
9:26 以别ê kiáⁿ迦勒，kah伊ê兄弟来到示剑，示剑人lóng信靠伊。
9:27 In出去园里，收葡萄来踏酒，设宴席，入去in ê神明ê庙lim食，咒诅亚比米勒。
9:28 以别ê kiáⁿ迦勒讲：「亚比米勒是啥人，示剑是啥人，tio̍h hō͘咱kā伊服事？伊kám m̄是耶路巴力ê kiáⁿ？伊ê军长kám m̄是西布勒？Lín tio̍h服事示剑ê老父哈抹ê人，咱án怎tio̍h kā伊服事？
9:29 愿chiahê人民归tī我ê手下，我to̍h除亚比米勒。」伊to̍hka7亚比米勒讲：「加添你ê军兵出来。」
9:30 城守西布勒听tio̍h以别ê kiáⁿ迦勒ê话，就受气，
9:31 偷偷á差人去见亚比米勒，讲：「以别ê kiáⁿ迦勒kah伊ê兄弟来到示剑，诱惑城内ê人民来攻击你。
9:32 所以，你kah tòe你ê人tio̍h透暝起来，埋伏tī田里。
9:33 早起时，日tú-á出，你tio̍h早早起来，冲óa去攻城。迦勒kah tòe伊ê人出来攻击你ê时，你to̍h thang siòng机ē来对付in。」
9:34 亚比米勒kah tòe伊ê群众透暝起来，分做四队，ǹg示剑去埋伏。
9:35 以别ê kiáⁿ迦勒出去，khiā tī城门口。亚比米勒kah tòe ê人tùi埋伏ê所在起来。
9:36 迦勒看tio̍h hiahê人，to̍h对西布勒讲：「你看，有人tùi山顶落来。」西布勒讲：「你看tio̍h山ê影，掠做是人。」
9:37 迦勒koh讲：「你看，有人tùi koân地落来，koh有一队tùi Bí-ok-nî-nî橡树ê路起来。」
9:38 西布勒对伊讲：「你bat讲：亚比米勒是啥人，hō͘咱kā伊服事，你讲chiahê话ê嘴tī tó位？这kám m̄是你所藐视ê人民？你taⁿ tio̍h出去kah in交战。」
9:39 迦勒to̍h对示剑人ê头前出去，kah亚比米勒交战。
9:40 亚比米勒jiok伊，伊tī伊ê面前逃走，有真chē人tio̍h伤倒teh，一直到城门口。
9:41 亚比米勒tòa tī A-ló͘-má。西布勒赶迦勒kah伊ê兄弟，m̄准in tòa tī示剑。
9:42 隔tńg工，人民出去到田里，有人kā亚比米勒讲；
9:43 伊to̍hka7伊ê人分做三队，埋伏tī田里，看tio̍h示剑人tùi城里出来，to̍h起来kā in攻击，kā inthâi。
9:44 亚比米勒kah tòe伊hit一队冲进前，khiā tī城门口；另外hit两队直直冲到田里hiahê人，来kā inthâi。
9:45 亚比米勒kui日攻击城，征服hitê城，thâi死hit内面ê人民，拆毁hitê城，用盐kā她掖。
9:46 Tòa tī示剑台ê人听tio̍h，就闪入去Pa-le̍k-pí-lī-thó͘ ê厝ê城堡。
9:47 有人kā亚比米勒讲：「示剑台ê人lóng聚集tī一个所在。」
9:48 亚比米勒kah tòe伊ê人，to̍h lóng上去撒门山。亚比米勒手the̍h斧头，锉一欉树枝，giâ tī肩胛头顶，对tòe伊ê人讲：「Lín看我所行ê，mā tio̍h赶紧学我来行。」
9:49 众人to̍htak8个锉一支，来tòe亚比米勒，kā树枝叠tī城堡，tī hiahê人ê顶面放火烧城堡，致使示剑台ê人lóng死，男女差不多有一千人。
9:50 亚比米勒去到Thê-pī-su，tī Thê-pī-su扎营，来kā她征服。
9:51 城内有坚固ê台，城内ê群众，无论男女lóng走去hia，关门，上台顶。
9:52 亚比米勒来到hitê台beh kā它攻击，óa近台门，beh用火kā它烧。
9:53 有一个chabó͘人kā一块顶tún ê磨石，tìm tio̍h亚比米勒ê头壳，phah破伊ê头壳碗。
9:54 伊to̍h赶紧叫gia̍h伊ê军器ê少年人来，kā伊讲：「拔你ê刀thâi我，免得人讲我，伊是chabó͘人所thâiê。」少年人to̍h kā伊凿落去，伊to̍h死。
9:55 以色列人看tio̍h亚比米勒已经死，ta̍k个to̍h tńg去伊kakī ê所在。
9:56 Án-ne，上帝报应亚比米勒ǹg伊ê老父所行ê pháiⁿ事，to̍h是thâi死伊ê兄弟七十人。
9:57 示剑人一切ê pháiⁿ，上主mā lóng报应tī in ê头壳顶；耶路巴力ê kiáⁿ约坦ê咒诅归tī in ê顶面。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。