士师记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
8:1 Phah赢米甸人
以法连人对基甸讲：「你去kah米甸人交战，无叫阮kah你去，ná ē ánne款待阮？」Into̍h kah伊大大计较。
8:2 基甸对in讲：「我所行ê kám ē比得lín？以法连拾葡萄屑，kám无khah赢亚比以谢挽葡萄？
8:3 上主已经kā米甸ê首领Gô-li̍p kah Se-i-pek交tī lín ê手，我所行ê kám ē比得lín？」伊讲chiahê话了后，in ê受气to̍h消。
8:4 基甸kah tòe伊ê三百人来到约旦河过渡，虽然厌倦，iáu koh teh jiok。
8:5 基甸对疏割人讲：「请你用饼供给跟tòe我ê人民，因为in厌倦，我mā teh jiok米甸两 个王—西巴kah撒慕拿。」
8:6 疏割hiahê首领应讲：「西巴kah撒慕拿ê手已经tī你ê手中，阮kám chiah tio̍h用饼hō͘你ê军队？」
8:7 基甸讲：「上主kā西巴kah撒慕拿交tī我ê手了后，我to̍h beh用旷野ê刺kah刺á phah伤lín ê肉。」
8:8 伊tùi hia上去毗努伊勒，mā对in ánne讲。毗努伊勒人kā伊应，mā kah疏割人所应ê相同。
8:9 基甸对毗努伊勒ê人讲：「我平安倒tńg来ê时，我beh拆chitê台。」
8:10 Hit时，西巴kah撒慕拿，以及跟tòe伊ê军队，lóng tī Ka-kok，差不多有一万五千人，to̍h是东方军队所chhun落来ê，因为已经死十二万人，lóng是gia̍h刀ê。
8:11 基甸to̍h tùi Lô-pa kah Iok-pí-hap东pêng，tùi tòa布棚ê ê路上去，phah赢in ê军队，因为in ê军队安然无koh样。
8:12 西巴kah撒慕拿逃走，基甸kā in jiok，掠tio̍h米甸两 个王西巴kah撒慕拿，hō͘ in军队tio̍h惊逃走。
8:13 约阿施ê kiáⁿ基甸tùi Hi-lia̍t-su ê山坪，tùi战阵倒tńg来。
8:14 掠tio̍h疏割一个少年人，问伊，伊to̍h写疏割hiahê首领kah长老ê名，共七十七人hō͘伊。
8:15 基甸来到疏割，对hia ê人讲：「Lín以前为tio̍h西巴kah撒慕拿kā我khau洗讲：『西巴kah撒慕拿ê手已经tī你ê手中，阮chiah tio̍h用饼hō͘你厌倦ê人？』Taⁿ lín来看。」
8:16 to̍h掠城内ê长老，用旷野ê刺kah刺á来教督疏割人；
8:17 koh拆毗努伊勒ê台，thâi死hitê城内ê人。
8:18 to̍h问西巴kah撒慕拿讲：「Lín tī他泊山所thâi ê人啥物款？」应讲：「In亲像你，ta̍k人lóng有王ê kiáⁿ ê容貌。」
8:19 伊讲：「In是我siâng母ê兄弟，我指上主ê永远ê活命来讲，lín以前若留in ê性命，我taNto̍h无beh kā lin2thâi。」
8:20 to̍h对伊ê大kiáⁿ益帖讲：「起来thâi in！」总是，少年人无拔刀，因为伊iáu少年，真惊。
8:21 西巴kah撒慕拿讲：「你kakī 起来thâi阮，因为人án怎，气力mā是ánne。」基甸to̍h起来thâi死西巴kah撒慕拿，取in骆驼颔颈ê打扮，款式亲像月眉。
8:22 以色列人对基甸讲：「你已经救阮脱离米甸人ê手，愿你kah你ê kiáⁿ，你ê孙，来管理阮。」
8:23 基甸讲：「我无beh管理lín，我ê kiáⁿ mā无beh管理lín，独独上主beh做lín ê王。」
8:24 基甸koh对in讲：「我有一项求lín，请lín ta̍k人kā所抢ê耳环hō͘我。」(因为对敌是以实玛利ê人，chiah有chit款金ê耳环。)
8:25 In讲：「阮甘愿hō͘你。」to̍h chhu一领外衫，ta̍k人kā所抢ê耳环hiat tī hit顶面。
8:26 基甸所讨ê金耳环，重一千七百舍客勒ê金á。Chitê以外koh有月眉ê打扮、耳坠kah紫色ê衫裤，米甸王所有ê，kah骆驼颔颈ê链á。
8:27 基甸用chitê制造一个祭司服，hē tī伊ê本城俄弗拉。后来，以色列人lóng去hia行邪淫kā伊拜，这是做害基甸kah伊全家ê罗网。
8:28 Án-ne，米甸屈服tī以色列人，bē tàng koh gia̍h起头壳。基甸ê日，hitê所在太平四十年。
8:29 基甸死去
约阿施ê kiáⁿ耶路巴力tńg去kakī ê厝tòa。
8:30 基甸有七十个亲生kiáⁿ，因为伊有娶真chē ê bó͘。
8:31 Tī示剑，伊ê细姨 mā kā伊生一个kiáⁿ，伊to̍hka7 chitê kiáⁿ号名叫做亚比米勒。
8:32 约阿施ê kiáⁿ基甸年老岁chē，就死，埋葬tī亚比以谢族ê俄弗拉，tī伊ê老父约阿施ê墓。
8:33 基甸死了后，以色列人oa̍t tńg去行淫，tòe chiahê巴力，用Pa-le̍k-pí-lī-thó͘做in ê神明。
8:34 以色列人bē记得上主—in ê上帝，to̍h是救in脱离四箍围ê对敌ê手ê hit位。
8:35 Mā无好款待耶路巴力，to̍h是基甸ê家，照伊所行tī以色列ê恩惠。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。