士师记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
7:1 基甸Phah赢米甸人
耶路巴力to̍h是基甸，伊kah所有tòe伊ê人早早起来，tī Ha-lot水泉边扎营。米甸营tī in北pêng ê山谷，óa近Mó͘-leh山。
7:2 上主对基甸讲：「我用米甸交tī人民ê手，m̄ koh，tòe你ê人siuⁿ chē，恐惊以色列人对我来kakī 夸口，讲：『是我kakī ê手救我。』
7:3 Taⁿ你tio̍h宣布hō͘人民听，见若惊惶懔neh ê人，thang离开基列山倒tńg去。就ánne，人民中有二万两千人倒tńg去，iáu有chhun一万人。
7:4 上主对基甸讲：「人iáu koh siuⁿ chē，你tio̍h chhōa in落去到水边，我ētī hia kā in试探。见若我kí啥人对你讲：『Chitê人thang kah你去』，hitê人to̍h thang kah你去；我kí啥人kā你讲：『Chitê人m̄ thang kah你去。』hitê人to̍h m̄ thang去。」
7:5 基甸to̍h chhōa人民落去到水边，上主对基甸讲：「见若用舌nà水，亲像狗teh nà，hitê人tio̍h hō͘伊另外khiā ・leh；见若跪落去lim水ê，mā tio̍h hō͘伊另外khiā ・leh。」
7:6 用手óa嘴来nà水ê有三百人，其他hiahê人民lóng跪落去lim水。
7:7 上主kā基甸讲：「我beh用chiahê nà水ê三百人救lín，kā米甸人交tī你ê手中，众人lóng thang倒tńg去伊ê所在。」
7:8 人民手里就带干粮kah in ê哨角；基甸差以色列人民ta̍k人tńg去in ê布棚，只有留chit三百人。米甸ê营扎tī伊下面ê山谷。
7:9 Siâng hit暝，上主kā基甸讲：「起来，落去到hitê营房，因为我已经kā伊交tī你ê手中。
7:10 你若m̄敢落去，你kah你ê奴仆Phó͘-la̍h tio̍h落去hitê营房。
7:11 你ē听tio̍h in所讲ê，然后你to̍h有胆量落去到营房。」基甸to̍h kah伊ê奴仆Phó͘-la̍h落去到营房，带军器ê人ê边á。
7:12 米甸人、亚玛力人kah东方ê群众，lóng倒tī山谷，亲像草蜢hiah chē。In ê骆驼算bē了，chē kah亲像海岸ê沙。
7:13 基甸到位了后，有人用梦kā伊ê同伴讲：「我梦见一个梦，你看，有一个大麦饼kō入去米甸ê营，到一个布棚，冲hō͘它倒，hō͘布棚péng-liàn-tńg，倒kah平地。」
7:14 伊ê同伴应讲：「这m̄是别项，to̍h是以色列人，约阿施ê kiáⁿ基甸ê刀；上帝已经kā 米甸kah伊ê军队交tī伊ê手中。」
7:15 基甸听tio̍h chitê梦ê话，kah伊ê解说，就敬拜上主，倒tńg来到以色列ê营中，讲：「起来，因为上主已经kā 米甸ê军队交tī lín ê手à。」
7:16 伊to̍hka7三百人分做三队，用哨角kah空瓮交tī ta̍k人ê手，瓮内lóng khǹg火把，
7:17 kā in讲：「Lín tio̍h看我ê样来做，我到hitê营房边，我所做ê，lín mā tio̍h ánne做。
7:18 我kah hiahê kah我同在ê人pûn哨角ê时，lín mā tio̍h tī营ê四箍围pûn哨角，讲：『为tio̍h上主，mā为tio̍h基甸。』」
7:19 基甸kah tòe伊ê一百人，tī三更头，来到营边。Hit时，守更ê tú-á换班，in to̍hpun5哨角，扛破手里ê瓮。
7:20 三队ê人to̍h lóng pûn哨角，扛破瓮，倒手gia̍h火把，正手gia̍h哨角，来pûn，来hoah：「上主kah基甸ê刀。」
7:21 In tī营ê四箍围ta̍k个khiā kakī ê位，全营ê人lóng走，喝喊 hō͘ in逃走。
7:22 Pûn三百支哨角ê时，上主hō͘全营ê人ta̍k个用刀相thâi，军队走到Che-lī-la̍h ê Pek-hap-sī-tha，koh到A-bel-me-ho-lah ê界，近tī Tha-pa。
7:23 以色列人to̍h tùi拿弗他利、亚设kah 玛拿西聚集，来jiok米甸人。
7:24 基甸差人遍行以法连ê山地，讲：「Lín落来攻击米甸，趁in iáu未到，把守hiahê渡头，一直到Pek-pa-la̍h，to̍h是约旦。」就ánne，以法连ê群众聚集，把守hiahê渡头，一直到Pek-pa-la̍h，to̍h是约旦，
7:25 mā掠tio̍h米甸ê两 个首领，Gô-li̍p kah Se-i-pek；tī Gô-li̍p ê石磐thâi死Gô-li̍p ，tī Se-i-pek ê酒窟hiathâi死Se-i-pek，koh jiok米甸人，带Gô-li̍p kah Se-i-pek ê头壳到约旦河hit-pêng，基甸hia。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。