士师记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
3:1 留落来ê民族
上主所留chiahê族，是beh用伊来试验以色列人，to̍h是hiahê m̄ bat见过迦南交战ê tāichì ê人，
3:2 thiau-tî beh hō͘以色列后代ê人知影，来教示in交战，to̍h是hiahê前所m̄ bat经过ê人。
3:3 所留teh hiahê族，to̍h是腓利士五个首领，kah所有ê迦南人、西顿人kah tòa tī黎巴嫩山ê希未人，tùi Ba-al-hel-móng山，到哈马口。
3:4 这to̍h是beh用in来试验以色列人，看in肯遵thàn上主托摩西所命令in祖先ê诫命á无。
3:5 就ánne，以色列人tòa tī迦南人、赫人、亚摩利人、比利洗人、希未人、耶布斯人ê中间，
3:6 娶in ê chabó͘ kiáⁿ做bó͘，mā kā chabó͘ kiáⁿ嫁hō͘ in ê kiáⁿ，soah服事in hiahê神明。
3:7 俄陀聂
以色列人行上主所看做pháiⁿ ê tāichì，bē记得上主—in ê上帝，去服事chiahê巴力kah亚斯她录。
3:8 所以，上主受气以色列人，kā in卖hō͘米所波大米王Kó͘-san-lī-sat-tiân。就ánne，以色列人服事Kó͘-san-lī-sat-tiân八年。
3:9 以色列人求叫上主ê时，上主to̍h kā以色列人兴起一个献身者来救in，to̍h是迦勒ê小弟基纳斯ê kiáⁿ俄陀聂。
3:10 上主ê圣神临到伊，伊to̍h做以色列ê士师，出去交战。上主kā米所波大米王Kó͘-san-lī-sat-tiân交tī伊ê手，伊to̍hkhah赢Kó͘-san-lī-sat-tiân。
3:11 就ánne，hitê所在太平四十年。然后，基纳斯ê kiáⁿ俄陀聂死去。
3:12 以笏
以色列人koh行上主所看做pháiⁿ ê tāichì，上主to̍h hō͘摩押王伊矶伦强盛，来攻击以色列人，因为in行上主所看做pháiⁿ ê。
3:13 伊矶伦聚集亚扪人kah亚玛力人来óa伊，去phah以色列人，占枣树ê城。
3:14 就ánne，以色列人服事摩押王伊矶伦十八年。
3:15 以色列人求叫上主ê时，上主to̍h kā in兴起一个献身者，to̍h是便雅悯人基拉ê kiáⁿ以笏，伊是习惯用倒手ê。以色列人交托伊送礼物去hō͘摩押王伊矶伦。
3:16 以笏为kakī phah一支双面利ê剑，长一肘，缚tī正腿衫裤ê内面。
3:17 伊用礼物献hō͘摩押王伊矶伦，伊矶伦是一个真肥ê人。
3:18 献礼物了后，to̍h差带礼物ê人lóng去。
3:19 伊本身tùi近吉甲phah石像ê所在oa̍t倒tńg来，讲：「王，我有秘密ê tāichì beh kā你讲。」王讲：「肃静！」Khiā tī伊身边ê人to̍h lóng退出去。
3:20 以笏来见伊，王kakī 一个坐tī凉冷ê楼顶，以笏讲：「我奉上主ê诫命有tāichì来报你知。」王to̍h tùi座位khiā起来。
3:21 以笏to̍h伸倒手，tùi正腿拔出剑，凿入去王ê腹肚，
3:22 剑ê柄mā顺续入去，剑hō͘油咬tiâu ・leh，因为伊无tùi伊ê腹肚拔剑出来，to̍h thàng过尻脊骿出来。
3:23 以笏to̍h出去到门廊，kā hiahê楼门关锁起来。
3:24 伊出去了后，王ê奴仆到，看tio̍h楼门关锁teh，to̍h讲：「伊一定是tī楼顶teh大便。」
3:25 In thèng候到tio̍h惊kah gāng去，看tio̍h伊无开楼顶ê门，就gia̍h锁匙来开，你看，in ê主人已经死去，倒tī土脚。
3:26 In延chhiân ê时，以笏to̍h逃走，经过phah石像ê地了后，就siám走去到Se-i-la̍h。
3:27 到位了后to̍hti7以法连山地pûn哨角，以色列人to̍htoe3伊tùi山地落去，以笏行tī头前，
3:28 对in讲：「Lín tòe我来，因为上主已经kā lín ê对敌摩押人交tī lín ê手。」In就tòe伊落去，tī摩押ê对面把守约旦河ê渡头，无容允一个人过去。
3:29 Hit时，thâi死摩押人差不多一万，lóng是大汉ê勇士，无kah一个走离开。
3:30 就ánne，摩押就屈服tī以色列人，地方太平八十年。
3:31 珊迦
以笏了后，有亚拿ê kiáⁿ珊迦，伊用赶牛ê铁刺phah死六百个腓利士人。伊mā救以色列人。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。