士师记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
1:1 偤大kah西缅支族掠tio̍h亚多尼比色
约书亚死了后，以色列人问上主讲：「啥人tio̍h做头去kah kā阮攻击ê迦南人交战？」
1:2 上主讲：「偤大tio̍h去，你看，我已经kā hitê地交tī伊ê手中。」
1:3 偤大对伊ê阿兄西缅讲：「请你kah我做伙来去我所拈tio̍h ê地，kah迦南人交战；我mā beh kah你去，到你所拈tio̍h ê地。」西缅to̍h kah伊去。
1:4 偤大to̍h去，上主kā迦南人kah比利洗人，交tī in ê手中。
1:5 In tī比色kā in phah死一万人，koh tī比色tú tio̍h亚多尼比色，kah伊交战，结果thâi赢迦南人kah比利洗人。
1:6 亚多尼比色逃走，in kā伊jiok，掠tio̍h伊，斩断伊ê手kah脚ê大头拇。
1:7 亚多尼比色讲：「早前有七十个王，手kah脚ê大头拇lóng斩起来，tī我ê桌脚拾食物。Τaⁿ上主照我所行ê，来kā我报应。」In kā伊chhōa到耶路撒冷，伊to̍h死tī hia。
1:8 偤大支族占领耶路撒冷kah希伯仑
偤大人攻击耶路撒冷，征服她，用刀kā inthâi死，koh放火烧城。
1:9 后来，偤大人落去，kah tòa tī山地南pêng ê地，to̍h是平原ê地ê迦南人交战。
1:10 偤大koh去phah hiahê tòa tī希伯仑ê迦南人，thâi死Sī-su、A-hi-mān kah That-mái。希伯仑以前ê名叫做基列亚巴。
1:11 俄陀聂占领底璧城
(书15：13-19)
伊tùi hia去phah tòa tī底璧ê人民；底璧以前ê名叫做Ki-lia̍t-se-hut。
1:12 迦勒讲：「若有人phah Ki-lia̍t-se-hut来kā它征服，我beh kā我ê chabó͘ kiáⁿ押撒hō͘伊做bó͘。」
1:13 迦勒ê小弟基纳斯ê kiáⁿ俄陀聂kā它征服，伊to̍hka7伊ê chabó͘ kiáⁿ押撒hō͘俄陀聂做bó͘。
1:14 押撒过门ê时，她劝丈夫对in老父讨一丘田。押撒tùi驴顶落来，迦勒to̍h问她讲：「你ài啥物？」
1:15 她应讲：「求你kā我赐福，你已经kā我安置tī南方ê地，求你hō͘我水泉。」迦勒to̍h kā顶面ê水泉kah下面ê水泉hō͘她。
1:16 偤大kah便雅悯支族ê胜利
摩西ê外戚是基尼人，伊ê kiáⁿ孙kah偤大ê kiáⁿ孙tùi枣树城做伙去，来到亚拉得南pêng ê偤大ê旷野，kah hia ê人做伙tòa。
1:17 偤大kah伊ê阿兄西缅做伙去，phah死tòa tī Che-hoat ê迦南人，全部kā in灭掉，hitê城就ánne叫做何珥玛。
1:18 偤大koh征服迦萨kah它ê境界，A-si̍t-kî-lûn kah它ê境界，以革伦kah它ê境界。
1:19 上主kah偤大同在，伊to̍hka7 tòa tī山地ê人民赶出去，总是，bē tàng kā tòa tī平原ê人民赶出去，因为in有铁车。
1:20 In照摩西所讲ê，用希伯仑hō͘迦勒，伊to̍htui3 hia kā亚纳三个kiáⁿ赶出去。
1:21 便雅悯人无kā tòa tī耶路撒冷ê耶布斯人赶出去。耶布斯人犹原tī耶路撒冷kah便雅悯人做伙tòa，一直到今á日。
1:22 以法连kah玛拿西支族占领伯特利
约瑟家mā去攻击伯特利，有上主kah in同在。
1:23 约瑟家差人去偷看伯特利，hitê城ê名起头是叫做路斯。
1:24 做侦探ê看tio̍h一个人tùi城内出来，to̍h对伊讲：「求你kā入城ê路报阮知，阮会好款待你。」
1:25 Hitê人to̍h报in入城ê路，in to̍h用刀thâi死城内ê人民，独独放hitê人kah伊ê全家离开。
1:26 Hitê人去赫人ê地，起一座城，号名叫做路斯。到今á日iáu叫chitê名。
1:27 无hō͘以色列人赶出ê人民
玛拿西mā无赶出Biat-siang kah她ê庄头ê人民，他纳kah她ê庄头ê人民，多珥kah她ê庄头ê人民，Ip-le-àm kah她ê庄头ê人民，米吉多kah她ê庄头ê人民；迦南人to̍h决定tòa tī hiahê所在。
1:28 到以色列强盛了后，to̍h hō͘迦南人做苦工，无全部kā in赶出去。
1:29 以法连mā无kā tòa tī基色ê迦南人赶出去，迦南人to̍h tī in中间，犹原tòa tī基色。
1:30 西布伦mā无kā Ki-lûn kah Na-ha-lal ê人民赶出去。迦南人to̍h犹原tòa tī in中间，来做苦工。
1:31 亚设mā无kā A-kho tòa tī西顿、A-hek-la̍h、Ak-chip、Hek-pa、A-hut-kek kah利合ê人民赶出去。
1:32 亚设人kah tòa hit所在迦南人ê中间做伙tòa，因为无kā in赶出去。
1:33 拿弗他利无kā伯示麦kah Pek-a-la̍p tòa ê人民赶出去，拿弗他利就tòa tī hit所在迦南人ê中间；总是，tòa tī伯示麦kah Pek-a-la̍p ê人民lóng做苦工。
1:34 亚摩利人强迫但ê人tòa tī山地，无容允in落来平原。
1:35 亚摩利人to̍h决定beh tòa tī Hi-lia̍t山、亚雅仑kah Sial-bím。后来，约瑟家强盛起来，to̍h hō͘ in做苦工。
1:36 亚摩利人ê地界，是tùi A-khek-la̍h-pin山坪，tùi西拉一直去。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。