约书亚记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
24:1 约书亚tī示剑Ǹg民众讲话
约书亚聚集以色列众支族来到示剑，召以色列ê长老kah in ê族长、审判官，以及官长来，in to̍hkhia7 tī上主ê面前。
24:2 约书亚kā众人讲：「上主—以色列ê上帝ánne讲：在早lín ê祖先，to̍h是亚伯拉罕ê老父，拿福ê老父他拉，tòa tī大河hit-pêng，服事别个神明。
24:3 我tùi大河hit-pêng kā lín ê祖先亚伯拉罕取来，chhōa伊遍行迦南全地，koh hō͘伊ê kiáⁿ孙真chē，kā以撒赏赐hō͘伊做kiáⁿ；
24:4 koh kā雅各kah以扫赏赐hō͘以撒做kiáⁿ，kā西珥山赏赐hō͘以扫做产业，后来，雅各kah伊ê kiáⁿ孙落去埃及。
24:5 我差摩西kah亚伦，我mā降灾祸tī埃及，照我tī hit中间所行ê，然后chhōa lín出埃及。
24:6 我chhōa lín ê祖先出埃及，lín to̍h到海岸，埃及人带in ê车kah马兵来jiok lín ê祖先直到红海。
24:7 In求叫上主，他to̍h用乌暗hē tī lín kah埃及人ê中间，koh hō͘海来kā in淹死。Lín lóng有亲目看tio̍h我tī埃及所行ê tāichì。「Lín tòa tī旷野真chē日。
24:8 我chhōa lín去到tòa tī约旦河hit-pêng ê亚摩利人ê地。In kah lín交战，我kā in交tī lín ê手中，lín to̍h得tio̍h in ê地；我tī lín ê面前kā in剿灭。
24:9 Hit时，摩押王西拨ê kiáⁿ巴力起来kah以色列交战，in差人去叫比珥ê kiáⁿ巴兰来kā lín咒诅。
24:10 我m̄听巴兰ê话，所以，他连连kā lín祝福。Án-ne，我to̍h救lín脱离伊ê手。
24:11 「Lín过约旦河，来到耶利哥城；耶利哥城人、亚摩利人、比利洗人、迦南人、赫人、革迦撒人、希未人、耶布斯人，lóng kah lín交战；我kā in交tī lín ê手中。
24:12 我差大只蜂tī lín ê头前飞，kā亚摩利人ê两 个王，tùi lín ê面前赶出去，m̄是用你ê刀，mā m̄是用你ê弓。
24:13 我赏赐hō͘ lín ê土地m̄是lín所劳苦ê结果，á赏赐hō͘ lín城m̄是lín所起造ê，lín to̍htoa3 tī hit中间，koh有m̄是lín所栽种ê葡萄园、橄榄园，lín却得tio̍h来食hiahê果子。
24:14 「Taⁿ lín tio̍h敬畏上帝，诚心实意服事他，kā lín祖先tī大河hit-pêng kah tī埃及所服事ê神明除去，来服事上主。
24:15 若是lín掠服事上主做m̄好，今á日lín tio̍h拣选lín所beh服事ê：看是lín祖先tī大河hit-pêng所服事hiahê神明，á是lín所tòa in ê地ê亚摩利人hiahê神明？讲tio̍h我kah我ê家，阮绝对beh服事上主。」
24:16 人民应讲：「阮绝对无意思beh弃sak上主去服事别个神明，
24:17 因为上主—阮ê上帝bat chhōa阮kah阮ê祖先tùi埃及地做奴隶ê家出来，tī阮ê目chiu 前行hiahê大ê神迹，tī阮所行一切ê路，所经过ê ta̍k国，lóng有kā阮保护。
24:18 上主mā tī阮ê面前kā所有ê人民赶出去，赶出tòa tī chit所在ê亚摩利人，所以，阮mā beh服事上主，因为他是阮ê上帝。」
24:19 约书亚对人民讲：「Lín bē tàng服事上主，因为他是圣ê上帝，绝对无容允用别个神明kah他匹配，无beh赦免lín ê过失，lín ê罪恶。
24:20 Lín若离开上主去服事外邦ê神明，上主tī降福气hō͘ lín了后，beh oa̍t-tńg身来降灾祸hō͘ lín，kā lín灭亡。」
24:21 人民应约书亚讲：「无lah；阮定tio̍h beh服事上主。」
24:22 约书亚对人民讲：「Lín拣上主来kā他服事，lín kakī 做lín ê见证。」In应讲：「好，阮来做见证。」
24:23 约书亚讲：「Lín taⁿ tio̍h除去lín中间所有外邦ê神明，hō͘ lín专心归向上主—以色列ê上帝。」
24:24 人民应约书亚讲：「阮beh服事上主—阮ê上帝，遵thàn他ê话。」
24:25 Hit日，约书亚to̍h kah人民立约，tī示剑kā in设立律例kah法度。
24:26 约书亚kā chiahê话lóng写tī上帝律法ê册，koh tī hia khiā一块大石头 ，to̍h是tī上主圣所ê边á ê橡树脚。
24:27 约书亚对众人讲：「你看，chitê石头beh做咱ê见证，因为它有听tio̍h上主所吩咐咱一切ê话，所以，beh对lín做见证，恐惊lín会悖逆lín ê上帝。」
24:28 约书亚to̍h差人民出去，ta̍k人to̍h tńg去伊所得tio̍h ê地hia。
24:29 约书亚kah以利亚撒mā死亡
Chiahê tāichì以后，上帝ê奴仆，嫩ê kiáⁿ约书亚，一百十岁就死。
24:30 Into̍h kā伊埋葬tī伊ê产业ê境界内，to̍h是tī以法连山地ê Têng-ná-se-la̍h，tī Ga-sih山ê北pêng。
24:31 约书亚tī ・leh ê日，kah约书亚死了后，hiahê知影上主为以色列人所行chiahê tāichì ê长老iáu tī ・leh ê时，以色列人lóng服事上主。
24:32 以色列人tùi埃及所带来约瑟ê骨头，in kā伊埋葬tī示剑，to̍h是雅各早前用一百银tùi示剑ê老父哈抹 hiahê kiáⁿ所买来ê地，to̍h做约瑟kiáⁿ孙ê产业。
24:33 亚伦ê kiáⁿ以利亚撒mā死，in to̍hka7伊埋葬tī伊ê kiáⁿ非尼哈所得tio̍h ê山仑á，to̍h是tī以法连ê山地。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。