约书亚记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
21:1 利未人ê城
Hit时，利未人chiahê族长来见祭司以利亚撒kah嫩ê kiáⁿ约书亚，以及以色列人支族chiahê族长，
21:2 tī迦南地ê示罗kā in讲：「前上主托摩西hō͘阮有城thang tòa，有郊野thang做饲chengseⁿ ê路用。」
21:3 以色列人to̍h照上主所命令ê，对kakī ê产业中，kā下面所记chiahê城，kah in ê郊野，hō͘利未人。
21:4 为哥辖chiahê族拈阄，利未人中祭司亚伦ê kiáⁿ孙，tùi偤大支族，西缅支族，便雅悯支族，拈tio̍h十三座城。
21:5 哥辖其他ê kiáⁿ孙，tùi以法连支族ê宗族，tùi但ê支族，tùi玛拿西半支族，拈tio̍h十座城。
21:6 革顺ê kiáⁿ孙，tùi以萨迦支族ê宗族，tùi亚设ê支族，tùi拿弗他利ê支族，tùi tòa tī巴珊ê玛拿西半支族，拈tio̍h十三座城。
21:7 米拉利ê kiáⁿ孙，照in ê宗族，tùi流便ê支族，tùi迦得ê支族，tùi西布伦ê支族，得tio̍h十二座城。
21:8 以色列人照上主托摩西所命令ê，kā chiahê城kah in ê郊野，拈阄分hō͘利未人。
21:9 Koh tùi偤大kiáⁿ孙ê支族，西缅kiáⁿ孙ê支族，下面记名hiahê城hō͘ in，
21:10 to̍h是hō͘利未kiáⁿ孙中，哥辖宗族中，亚伦ê kiáⁿ孙，因为hō͘ in tāi先拈阄，
21:11 kā偤大山地ê基列亚巴，(to̍h是希伯仑)kah它四箍围ê郊野hō͘ in。亚巴是亚纳族ê祖先。
21:12 独独hitê城ê田kah她ê庄头，in hō͘耶孚尼ê kiáⁿ迦勒做产业。
21:13 Koh用希伯仑kah她ê郊野，to̍h是thâi死人逃闪ê城，以及立拿kah她ê郊野，hō͘祭司亚伦ê kiáⁿ孙，
21:14 koh hō͘ in Ia-thel kah她ê郊野，E-si-te-mo͘h kah她ê郊野，
21:15 何伦kah她ê郊野，底璧kah她ê郊野，
21:16 A-in kah她ê郊野，U-tha kah她ê郊野，伯示麦kah她ê郊野，共九座城，lóng是tùi chit两支族hō͘ in。
21:17 Koh tùi便雅悯ê支族，hō͘ in Ki-piàn kah她ê郊野，迦巴kah她ê郊野，
21:18 A-ná-tu̍t kah她ê郊野，Al-móng kah她ê郊野，共四座城。
21:19 亚伦ê kiáⁿ孙做祭司ê所得tio̍h ê城共十三座城，kah她ê郊野。
21:20 利未人哥辖kiáⁿ孙ê宗族，to̍h是哥辖其他ê kiáⁿ孙，拈阄所得tio̍h ê城是tùi以法连支族中间分出来ê。
21:21 Koh用以法连山地ê示剑，to̍h是thâi死人ê逃闪ê城kah in ê郊野，以及基色kah她ê郊野，
21:22 Ki-pek-sian kah她ê郊野，伯和仑kah她ê郊野hō͘ in，共四座城。
21:23 Koh tùi但ê支族中，hō͘ in I-lī-thê-ki kah她ê郊野，Gip-be-thòng kah她ê郊野，
21:24 亚雅仑kah她ê郊野，Gat-lim-móng kah她ê郊野，共四座城。
21:25 Koh tùi玛拿西半支族中间hō͘ in 他纳kah她ê郊野，以及Gat-lim-móng kah她ê郊野，共两座城。
21:26 哥辖ê kiáⁿ孙其他ê宗族，所得tio̍h ê城，共十座kah in ê郊野。
21:27 Koh tùi玛拿西半支族ê产业中间，kā巴珊ê Ko-lân，to̍h是thâi人ê逃闪ê城kah她ê郊野，以及Pí-si-thê-la̍h kah她ê郊野，共两座城，hō͘利未宗族革顺ê kiáⁿ孙。
21:28 Koh tùi以萨迦支族ê产业中间，用基善kah她ê郊野，Ta-be-lat kah她ê郊野，
21:29 耶末kah她ê郊野，Ún-kan-lêng kah她ê郊野，共四座城hō͘ in。
21:30 Koh tùi亚设支族ê产业中间，用Bí-sa-le̍k kah她ê郊野，押顿 kah她ê郊野，
21:31 Hel-kat kah她ê郊野，利合kah她ê郊野，共四座城hō͘ in。
21:32 Koh tùi拿弗他利支族ê产业中间，用加利利ê基低斯，to̍h是thâi人ê逃闪ê城kah她ê郊野，以及Ham-mo͘-to͘l kah她ê郊野，Kal-thàn kah她ê郊野，共三座城hō͘ in。
21:33 革顺人ê城照伊ê宗族，共十三座城kah她ê郊野。
21:34 Tùi西布伦支族ê产业中间，kā Iok-niām kah她ê郊野，Ka-jíⁿ-tha kah她ê郊野，
21:35 Teng-ná kah她ê郊野，Na-ha-lal kah她ê郊野，共四座城，hō͘其他ê利未人，to̍h是米拉利kiáⁿ孙ê宗族。
21:36 Koh tùi流便支族ê产业中间，用比色 kah她ê郊野，雅杂kah她ê郊野，
21:37 Ke-ti-mo͘t kah她ê郊野，Me-hoa-at kah她ê郊野，共四座城hō͘ in。
21:38 Koh tùi迦得支族ê产业中间，kā基列ê拉末，to̍h是thâi死人ê逃闪ê城，kah她ê郊野，以及玛哈念kah她ê郊野，
21:39 希实本kah她ê郊野，雅谢kah她ê郊野，共四座城hō͘ in。
21:40 利未人其他ê宗族，to̍h是米拉利ê kiáⁿ孙，照in ê宗族，拈阄所得tio̍h chiahê城，共十二座城。
21:41 利未人tī以色列ê产业中间所得tio̍h ê城，共四十八座城，kah in ê郊野。
21:42 Chiahê城四箍围lóng有它ê郊野，ta̍k个lóng是ánne。
21:43 以色列拥有ê土地
Án-ne，上主kā他前chiùchōa beh hō͘ in祖先ê全地，hō͘以色列人，in to̍h得tio̍h做产业，tòa tī hia。
21:44 上主照他对in ê祖先一切所chiùchōa ê，hō͘ in四箍围平安；in ê对敌，无一个人ēkhiā-tiâu tī in ê面前；上主kā in ê对敌lóng交tī in ê手。
21:45 见若上主对以色列ê子民所讲ê好话，无kah一句落空，lóng有应验。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。